Facebook: ನಕಲಿ ಲೈಕ್ ನೀಡುತ್ತಿದ್ದ ಸಂಸ್ಥೆ ವಿರುದ್ಧ ದೂರು

ಫೇಸ್‌ಬುಕ್ ಒಡೆತನದ ಇನ್‌ಸ್ಟಾಗ್ರಾಂನಲ್ಲಿ ನಕಲಿ ಲೈಕ್, ಕಾಮೆಂಟ್, ವ್ಯೂ ಮತ್ತು ಫಾಲೋವರ್‌ಗಳನ್ನು ನೀಡುತ್ತಿದ್ದ ನ್ಯೂಜಿಲೆಂಡ್ ಮೂಲಕ ವಂಚಕ ಕಂಪನಿ ವಿರುದ್ಧ ಫೇಸ್‌ಬುಕ್ ಮೊಕದ್ದಮೆ ಹೂಡಿದೆ.

ನ್ಯೂಜಿಲೆಂಡ್ ಮೂಲದ ಅರೆಂಡ್ ನೊಲನ್, ಲಿಯೊನ್ ಹೆಜ್ ಮತ್ತು ಡೇವಿಡ್ ಪಾಸನೆನ್ ಸೋಶಿಯಲ್ ಮೀಡಿಯ ಸಿರೀಸ್ ಲಿ. ಮೂಲಕ 9.4 ಮಿಲಿಯನ್ ಡಾಲರ್ ಸಂಪಾದನೆ ಮಾಡಿದ್ದಾರೆ.

ಈ ಕಂಪನಿ ಮೂಲಕ ಇನ್‌ಸ್ಟಾಗ್ರಾಂ ಪೋಸ್ಟ್‌ಗಳಿಗೆ ನಕಲಿ ಲೈಕ್, ಅಧಿಕ ಫಾಲೋವರ್ಸ್‌ ತಂದುಕೊಡುತ್ತಿದ್ದರು. ಜತೆಗೆ ಪೋಸ್ಟ್ ಒಂದಕ್ಕೆ ನಕಲಿ ಲೈಕ್‌ಗಾಗಿ ಇಂತಿಷ್ಟು ಎಂದು ದರ ನಿಗದಿಪಡಿಸಲಾಗಿತ್ತು. ಖಾತೆಯನ್ನು ಪ್ರೊಮೋಟ್ ಮಾಡಲು ಕೂಡ ಹಣ ಕೀಳಲಾಗುತ್ತಿತ್ತು.
ಈ ಬಗ್ಗೆ ಫೇಸ್‌ಬುಕ್ ಅಮೆರಿಕ ಫೆಡರಲ್ ಕೋರ್ಟ್‌ನಲ್ಲಿ ದಾವೆ ಹೂಡಿತ್ತು.

ನಕಲಿ ಸುದ್ದಿ ಮತ್ತು ಪೋಸ್ಟ್ ಕುರಿತು ಕೂಡ ಫೇಸ್‌ಬುಕ್ ಕ್ರಮಕ್ಕೆ ಮುಂದಾಗಿದ್ದು, ಫೇಸ್‌ಬುಕ್, ಇನ್‌ಸ್ಟಾಗ್ರಾಂ ನಕಲಿ ಖಾತೆಗಳ ಮೇಲೂ ಕ್ರಮ ಕೈಗೊಳ್ಳುತ್ತಿದೆ.

ಅದರಂತೆ ನಕಲಿ ಲೈಕ್ ನೀಡುವ ಸಂಸ್ಥೆಗಳ ವಿರುದ್ಧ ಕಾನೂನು ಕ್ರಮಕ್ಕೆ ಮುಂದಾಗಿದೆ.