WhatsApp: ಈ ಫೋನ್‌ಗಳಲ್ಲಿ ವಾಟ್ಸಪ್ ಕೆಲಸ ಮಾಡುವುದಿಲ್ಲ!

ವಾಟ್ಸಪ್ ಅತ್ಯಂತ ಜನಪ್ರಿಯ ಮಾಧ್ಯಮವಾಗಿದ್ದು, ಅತಿಹೆಚ್ಚಿನ ಜನರು ಬಳಸುವ ಆ್ಯಪ್‌ ಆಗಿದೆ. ಆದರೆ ವಾಟ್ಸಪ್‌ನ ಕೆಲವೊಂದು ಫೀಚರ್‌ಗಳು ಕೆಲಸ ಮಾಡಲು ಸೂಕ್ತ ಆಪರೇಟಿಂಗ್ ಸಾಫ್ಟ್‌ವೇರ್ ಬೆಂಬಲ ಮತ್ತು ಹಾರ್ಡ್‌ವೇರ್ ಬೆಂಬಲ ಕೂಡ ಬೇಕಾಗುತ್ತದೆ.

ಹೀಗಾಗಿ ಹಳೆಯ ಓಎಸ್‌ ಹೊಂದಿರುವ ಮತ್ತು ಆಂಡ್ರಾಯ್ಡ್, ಐಫೋನ್ ಮತ್ತು ವಿಂಡೋಸ್ ಫೋನ್‌ಗಳಲ್ಲಿ ವಾಟ್ಸಪ್ ಕೆಲಸ ಮಾಡುವುದನ್ನು ನಿಲ್ಲಿಸಲಿದೆ.

ಹೊಸ ವಾಟ್ಸಪ್ ಅಪ್‌ಡೇಟ್ ಮತ್ತು ಫೀಚರ್‌ಗಳು, ಸರ್ವರ್ ಬೆಂಬಲ ಹಳೆಯ ಫೋನ್‌ಗಳಿಗೆ ದೊರೆಯುವುದಿಲ್ಲ. ಹೀಗಾಗಿ ಬಳಕೆದಾರರು ಫೋನ್ ಬದಲಾಯಿಸುವುದು ಇಲ್ಲವೇ ವಾಟ್ಸಪ್‌ಗೆ ಪರ್ಯಾಯ ಇತರ ಆ್ಯಪ್‌ ಬಳಸಬೇಕಾಗುತ್ತದೆ.

ವಾಟ್ಸಪ್ ಫೀಚರ್ ಕುರಿತು ಸೂಚಿಸುವ ವಾಬೀಟಾಇನ್ಫೋ, ಐಓಎಸ್ 8 ಮತ್ತು ಅದಕ್ಕಿಂತ ಕೆಳಗಿನ ಐಓಎಸ್ ಬಳಸುವ ಐಫೋನ್‌ಗಳಲ್ಲಿ ಫೆ. 1, 2020ರಿಂದ ಕೆಲಸ ಮಾಡುವುದನ್ನು ನಿಲ್ಲಿಸಲಿದೆ.

ಜತೆಗೆ ಆಂಡ್ರಾಯ್ಡ್ 2.3.7 ಅಥವಾ ಅದಕ್ಕಿಂತ ಕೆಳಗಿನ ಓಎಸ್ ಬಳಸುವ ಆಂಡ್ರಾಯ್ಡ್ ಫೋನ್‌ಗಳಲ್ಲೂ ವಾಟ್ಸಪ್ ಬೆಂಬಲ ಕೊನೆಯಾಗಲಿದೆ.
ಅಲ್ಲದೆ ಎಲ್ಲ ಮಾದರಿಯ ವಿಂಡೋಸ್ ಫೋನ್‌ಗಳಲ್ಲಿ ಡಿ. 31, 2019ರಿಂದ ವಾಟ್ಸಪ್‌ ಸ್ಥಗಿತಗೊಳ್ಳಲಿದೆ.

WhatsApp Account: ಒಂದೇ ಫೋನ್‌ನಲ್ಲಿ ಎರಡು ವಾಟ್ಸಪ್ ಖಾತೆ

ಹೀಗಾಗಿ ಐಓಎಸ್ 8 ಮತ್ತು ಅದಕ್ಕಿಂತ ಕೆಳಗಿನ ಓಎಸ್ ಬಳಸುತ್ತಿರುವ ಐಫೋನ್ ಹೊಂದಿರುವವರು, ಆಂಡ್ರಾಯ್ಡ್ ಎಕ್ಲೇರ್ಸ್‌ 2.3.7 ಮತ್ತು ಅದಕ್ಕಿಂತ ಕೆಳಗಿನ ಆವೃತ್ತಿಯನ್ನು ಬಳಸುವವರು ಹಾಗೂ ವಿಂಡೋಸ್ ಫೋನ್ ಬಳಕೆದಾರರು ಈಗ ಇರುವ ಆವೃತ್ತಿಯನ್ನು ವಾಟ್ಸಪ್ ಬೆಂಬಲ ನಿಲ್ಲಿಸುವವರೆಗೆ ಬಳಸಬಹುದಾದರೂ, ಅದರ ಮಧ್ಯೆ ಅನ್‌ಇನ್‌ಸ್ಟಾಲ್ ಮಾಡಿದರೆ, ನಂತರದಲ್ಲಿ ಇನ್‌ಸ್ಟಾಲ್ ಮಾಡಲು ಸಾಧ್ಯವಾಗುವುದಿಲ್ಲ. ಹೀಗಾಗಿ ಬೆಂಬಲ ಲಭ್ಯವಿರುವವರೆಗೆ ವಾಟ್ಸಪ್ ಬಳಸಲು ಅಡ್ಡಿಯಿಲ್ಲ.

Smartphone Battery: ಬಾಳಿಕೆ, ಚಾರ್ಜ್ ಹೆಚ್ಚಿಸಲು ಹೀಗೆ ಮಾಡಿ