PUBG Mobile: ಮೊದಲ ಹುಟ್ಟುಹಬ್ಬದ ಸಂಭ್ರಮದಲ್ಲಿ ಪಬ್‌ಜಿ

ದೇಶದ ಯುವಜನತೆಯ ನೆಚ್ಚಿನ ಆನ್‌ಲೈನ್ ಗೇಮ್ ಪಬ್‌ಜಿ ಮಾರ್ಚ್ 19ರಂದು ಮೊದಲ ಹುಟ್ಟುಹಬ್ಬ ಆಚರಿಸಿಕೊಳ್ಳುತ್ತಿದೆ. ಅತ್ಯಲ್ಪ ಅವಧಿಯಲ್ಲೇ ಅತಿಹೆಚ್ಚಿನ ಬಳಕೆದಾರರನ್ನು ಪಡೆದ ಗೇಮ್ ಎಂಬ ಖ್ಯಾತಿ ಪಬ್‌ಜಿಗೆ ಸಲ್ಲುತ್ತದೆ.

ತೆನ್ಸೆಂಟ್ ಗೇಮ್ಸ್‌ ಅಭಿವೃದ್ಧಿಪಡಿಸಿರುವ ಪಬ್‌ಜಿ ಗೇಮ್‌ಪ್ರಿಯರ ಇಚ್ಛೆಯಂತೆ ವಿವಿಧ ಅಪ್‌ಡೇಟ್ ಮೂಲಕ ಹಲವು ಆಯ್ಕೆಗಳನ್ನು ನೀಡುತ್ತಾ ಬಂದಿದೆ. ಪಬ್‌ಜಿ ಗೇಮ್‌ ಬಂದು ಒಂದು ವರ್ಷವಾಗುತ್ತಿರುವ ಹಿನ್ನೆಲೆಯಲ್ಲಿ ಬಳಕೆದಾರರಿಗೆ ಮತ್ತಷ್ಟು ಹೊಸ ಆಯ್ಕೆಗಳನ್ನು ನೀಡಲು ನಿರ್ಧರಿಸಿದೆ. ಈ ಕುರಿತು ಪಬ್‌ಜಿ ಟ್ವಿಟರ್‌ನಲ್ಲಿ ಹೇಳಿಕೊಂಡಿದೆ.

ಪಬ್‌ಜಿ ವರ್ಷಾಚರಣೆಗೆ ಗೇಮ್‌ನಲ್ಲಿ ಹೊಸ ಥೀಮ್ ಪರಿಚಯಿಸಿದೆ. ಜತೆಗೆ ಫಸ್ಟ್ ಅನಿವರ್ಸರಿ ಎಂಬ ಬರಹವೊಂದು ಆರಂಭದಲ್ಲಿ ಕಾಣಿಸಿಕೊಳ್ಳುತ್ತದೆ. ಕೆಲವೊಂದು ಲೇಔಟ್‌ನಲ್ಲಿ ನಿಯಾನ್‌ ಬಣ್ಣದ ಮೂಲಕ ಪಾರ್ಟಿ ಲುಕ್ ನೀಡಲಾಗಿದೆ.

ಜತೆಗೆ ಜಾಯಿನ್ ಸ್ಕ್ರೀನ್‌ನಲ್ಲಿ ಹಲವು ವಿನ್ಯಾಸ, ಆಕರ್ಷಕ ಪಾರ್ಟಿ ಡೆಕೊರೆಷನ್, ಬಲೂನ್, ಗಿಫ್ಟ್ ಪ್ಯಾಕ್, ಬರ್ತ್‌ಡೇ ಕೇಕ್ ಕಾಣಿಸಿಕೊಳ್ಳುತ್ತದೆ. ಜತೆಗೆ ಹೊಸ ಮ್ಯೂಸಿಕ್ ಕೂಡ ಸೇರ್ಪಡೆ ಮಾಡಲಾಗಿದೆ.


ಪಬ್‌ಜಿ ಡಿಸ್ಕೌಂಟ್‌:
ಪಬ್‌ಜಿ ವರ್ಷಾಚರಣೆಯ ಸಂಭ್ರಮದಲ್ಲಿ ಮಾರ್ಚ್ 8ರಿಂದ ಮಾರ್ಚ್ 14ರವರೆಗೆ ವಿವಿಧ ಡಿಸ್ಕೌಂಟ್ ಘೋಷಿಸಿದೆ. ಈ ವಿಶೇಷ ಕೊಡುಗೆಯಡಿ ಪಬ್‌ಜಿ ಆಟಗಾರರು ಪ್ಯಾರಾಚೂಟ್, Kar98K ಮತ್ತು PUBG Premium ಕ್ರೇಟ್ ಕೂಪನ್‌ಗಳನ್ನು ವಿಶೇಷ ರಿಯಾಯಿತಿಯಲ್ಲಿ ಖರೀದಿಸಬಹುದಾಗಿದೆ.

ಜತೆಗೆ ಪಬ್‌ಜಿ ಹುಟ್ಟುಹಬ್ಬವನ್ನು ಆಟಗಾರರು ಸಂಭ್ರಮಿಸಲು ಅನಿವರ್ಸರಿ ಮೆಡಲ್, ಎಕ್ಸ್‌ಚೇಂಜ್, ರಾಯಲ್ ಪಾಸ್‌ ಸಹಿತ ಹಲವು ಕೊಡುಗೆಗಳನ್ನು ಪ್ರಕಟಿಸಿದೆ.