PUBG Mobile Lite: ದೇಶದಲ್ಲಿ ಈಗ ಲಭ್ಯ

ದೇಶದಲ್ಲಿ ಯುವಕರ ನಿದ್ದೆಗೆಡಿಸಿರುವ ಜನಪ್ರಿಯ ಆನ್‌ಲೈನ್ ಗೇಮ್ ಪಬ್‌ಜಿ ಈಗ ಮೊಬೈಲ್ ಲೈಟ್ ಆವೃತ್ತಿಯಲ್ಲಿ ಲಭ್ಯವಾಗುತ್ತಿದೆ.

ಪಬ್‌ಜಿ ಇತ್ತೀಚೆಗೆ ಕಡಿಮೆ ರ‍್ಯಾಮ್ ಮತ್ತು ಸ್ಟೋರೇಜ್ ಹೊಂದಿರುವ ಕಂಪ್ಯೂಟರ್, ಲ್ಯಾಪ್‌ಟಾಪ್‌ನಲ್ಲಿ ಬಳಸಲು ಅನುಕೂಲವಾಗುವಂತೆ ಪಬ್‌ಜಿ ಲೈಟ್ ಆವೃತ್ತಿಯನ್ನು ಪರಿಚಯಿಸಿತ್ತು. ಇದೀಗ ಪಬ್‌ಜಿ ಮೊಬೈಲ್ ಲೈಟ್ ಕೂಡ ಲಭ್ಯವಾಗುತ್ತಿದ್ದು, ಕಡಿಮೆ ಸಾಮರ್ಥ್ಯದ ಮೊಬೈಲ್‌ನಲ್ಲಿ ಬಳಸಬಹುದು.

400 MB ಫೈಲ್ ಗಾತ್ರವಿರುವ ಹೊಸ ಪಬ್‌ಜಿ ಮೊಬೈಲ್ ಲೈಟ್ ಆವೃತ್ತಿಯು 2 GB RAM ಮತ್ತು ಅದಕ್ಕಿಂತ ಕಡಿಮೆ RAM ಇದ್ದರೂ, ಸುಲಭದಲ್ಲಿ ಆಡಬಹುದಾಗಿದೆ.

ಗೂಗಲ್ ಪ್ಲೇ ಸ್ಟೋರ್‌ನಲ್ಲಿ ಈಗಾಗಲೇ ಪಬ್‌ಜಿ ಮೊಬೈಲ್‌ ಲೈಟ್ ಆವೃತ್ತಿ ಡೌನ್‌ಲೋಡ್‌ಗೆ ಲಭ್ಯವಿದೆ.

ಅಲ್ಲದೆ ಪಬ್‌ಜಿ ಮೊಬೈಲ್‌ ಲೈಟ್ ಆವೃತ್ತಿಯಲ್ಲಿ 60 ಜನ ಆಟಗಾರರು ಮಾತ್ರ ಇರಬಹುದಾದ ಚಿಕ್ಕ ಮ್ಯಾಪ್ ಕೂಡ ಇರಲಿದೆ.

ಪಬ್‍ಜಿ ಮೊಬೈಲ್ ಲೈಟ್‍ನ ವೈಶಿಷ್ಟ್ಯತೆಗಳು:
ವರ್ಧಿತ ನೆರವಿನ ಗುರಿ: ನೆಟ್‍ವರ್ಕ್‍ನ ಸಾಮರ್ಥ್ಯ ತುಂಬಾ ಕಡಿಮೆ ಇರುವ ಸಂದರ್ಭದಲ್ಲೂ ಸಹ ಆಟದ ಗುಣಮಟ್ಟದಲ್ಲಿ ಯಾವುದೇ ಅಡ್ಡಿ ಎದುರಾಗದ ರೀತಿಯಲ್ಲಿ ಬಳಕೆದಾರರಿಗೆ ಆಟದ ಅನುಭವವನ್ನು ನೀಡುವುದು ಇದರ ಪ್ರಮುಖ ಉದ್ದೇಶವಾಗಿದೆ. ಅತ್ಯಂತ ಸರಳ ನಿಯಂತ್ರಣಗಳೊಂದಿಗೆ ಪಬ್‍ಜಿ ಮೊಬೈಲ್ ಅನುಭವವನ್ನು ಇದು ನೀಡಲಿದೆ.

ವಿನ್ನರ್ ಪಾಸ್ ಮೇಲ್ದರ್ಜೆಗೆ: ರಾಯಲ್ ಪಾಸ್ ಅನ್ನು ವಿನ್ನರ್ ಪಾಸ್ ಬದಲಾಯಿಸುತ್ತಿದೆ ಮತ್ತು ಅನ್‍ಲಾಕ್ ಸಾಧನೆಯನ್ನು ಕ್ಷಿಪ್ರಗತಿಯಲ್ಲಿ ಹೊಂದಬಹುದಾಗಿದೆ ಹಾಗೂ ಹಲವಾರು ಆಕರ್ಷಕ ರಿವಾರ್ಡ್ ಆಫರ್ ಪಡೆಯಬಹುದಾಗಿದೆ.

ಬುಲೆಟ್ ಟ್ರೇಲ್ ಅಡ್ಜಸ್ಟ್‌ಮೆಂಟ್: ಈ ಪಬ್‍ಜಿ ಮೊಬೈಲ್ ಲೈಟ್ ಬುಲೆಟ್ ವೇಗವನ್ನು ಹೆಚ್ಚಿಸಲಿದೆ ಮತ್ತು ಬುಲೆಟ್ ಡ್ರಾಪ್ ಪರಿಣಾಮಗಳಿಂದ ಮುಕ್ತವಾಗಿದೆ. ನೆಟ್‍ವರ್ಕ್ ಸಾಮರ್ಥ್ಯ ಅತ್ಯಂತ ಕಡಿಮೆ ಇದ್ದ ಸಂದರ್ಭಗಳಲ್ಲೂ ನಿಖರವಾದ ಶಾಟ್‍ಗೆ ಅವಕಾಶ ಮಾಡಿಕೊಡುತ್ತದೆ.

ಇವುಗಳಲ್ಲದೇ, ವೆಪನ್ ರೀಕಾಯಿಲ್ ಸಪ್ರೆಶನ್, ಟೈಮ್ ಟು ಕಿಲ್ ವಿಸ್ತರಣೆ, ಲೊಕೇಶನ್ ಡಿಸ್‍ಪ್ಲೇ ಸೇರಿದಂತೆ ಇನ್ನೂ ಹಲವಾರು ವೈಶಿಷ್ಟ್ಯತೆಗಳನ್ನು ಪಬ್‍ಜಿ ಮೊಬೈಲ್ ಲೈಟ್ ಹೊಂದಿದೆ.