ಫೇವರಿಟ್‌ ಆ್ಯಪ್‌ಗಳು

GroupMe

ಕೆಲವರಿಗೆ ಗ್ರೂಪ್‌ ಚಾಟಿಂಗ್‌ನಲ್ಲಿ ವಿಪರೀತ ಆಸಕ್ತಿ. ಯಾವಾಗ ನೋಡಿದರೂ ತಲೆ ತಗ್ಗಿಸಿ ಗ್ರೂಪ್‌ ಚಾಟಿಂಗ್‌ನಲ್ಲಿ ತೊಡಗಿರುತ್ತಾರೆ. ಅಂಥವರಿಗೆ ಹೇಳಿ ಮಾಡಿಸಿದ ಆ್ಯಪ್‌ ಗ್ರೂಪ್‌ಮಿ. ಐಒಎಸ್‌ ಮತ್ತು ಪ್ಲೇ ಸ್ಟೋರ್‌ನಲ್ಲಿ ಈ ಆ್ಯಪ್‌ ಲಭ್ಯವಿದೆ. ಗ್ರೂಪ್‌ ಚಾಟಿಂಗ್‌ ನಿರ್ವಹಣೆಯನ್ನು ಈ ಗ್ರೂಪ್‌ಮಿ ಆ್ಯಪ್‌ ಮಾಡುತ್ತದೆ. ನೀವು, ಗ್ರೂಪ್‌ಗಳಿಗೆ ನಾಮಕರಣ ಮಾಡಬಹುದು, ಅವತಾರ್‌ಗಳನ್ನು ಸೆಟ್‌ ಮಾಡಬಹುದು, ಗ್ರೂಪ್‌ ಚಾಟ್ಸ್‌ನಲ್ಲೇ ನಿಮ್ಮ ಫೋಟೊಗಳನ್ನು ಮತ್ತು ವಿಡಿಯೊಗಳನ್ನು ಸೇವ್‌ ಮಾಡಿಟ್ಟುಕೊಳ್ಳಬಹುದು ಮತ್ತು ಬೇಕಿದ್ದಾಗ ರೆಫರ್‌ ಮಾಡಬಹುದು. ಗ್ರೂಪ್‌ ಚಾಟಿಂಗ್‌ಗೆ ಈ ಆ್ಯಪ್‌ ಬಹಳಷ್ಟು ಸಹಕಾರಿಯಾಗಿದೆ.

Google Docs

ಗೂಗಲ್‌ ಡಾಕ್ಸ್‌ ಸಂಪೂರ್ಣವಾಗಿ ಕ್ಲೌಡ್‌ ಬೇಸ್ಡ್‌ ಆ್ಯಪ್‌ ಆಗಿದ್ದು, ಗೂಗಲ್‌ ಖಾತೆಗೆ ಲಾಗಿನ್‌ ಆಗುವ ಯಾವುದೇ ಸಾಧನದಿಂದಲೂ ನೀವು ಇದನ್ನು ಪಡೆಯಬಹುದು. ಜತೆಗೆ ಇದು ಇಮೇಜಸ್‌, ಟೆಕ್ಸ್ಟ್‌ ಫಾರ್ಮಾಟ್‌ ಫೈಲ್‌ಗಳಿಗೆ ಸಪೋರ್ಟ್‌ ಮಾಡುತ್ತದೆ. ಗೂಗಲ್‌ ಡಾಕ್ಸ್‌ ಆ್ಯಪ್‌ನ ಪ್ರಮುಖ ಲಾಭ ಎಂದರೆ, ನಿಮ್ಮ ಡಾಕ್ಯುಮೆಂಟ್‌ಗಳನ್ನು ಇತರರೊಂದಿಗೆ ಷೇರ್‌ ಮಾಡಲು ಅವಕಾಶ ಕಲ್ಪಿಸಿಕೊಡುತ್ತದೆ. ಹಾಗೆಯೇ, ಏಕಕಾಲಕ್ಕೆ ಅದೇ ಡಾಕ್ಯುಮೆಂಟ್‌ ಫೈಲ್‌ಗಳಲ್ಲಿ ಬರೆಯಲು ನೆರವಾಗುತ್ತದೆ. ಎಲ್ಲಕ್ಕಿಂತ ಹೆಚ್ಚಾಗಿ, ಇದು ಸಂಪೂರ್ಣವಾಗಿ ಉಚಿತವಾಗಿದೆ. ಕೆಲವು ಸ್ಮಾರ್ಟ್‌ಫೋನ್‌ಗಳಲ್ಲಿ ಇದು ಇನ್‌ಬಿಲ್ಟ್‌ ಆಗಿಯೂ ದೊರೆಯುತ್ತದೆ.