ಗೂಗಲ್‌ ನ್ಯೂಸ್‌ ಆ್ಯಪ್‌ ಪರಿಷ್ಕರಣೆ

google news

ಗೂಗಲ್‌ ಕಂಪನಿಯು ತನ್ನ ಗೂಗಲ್‌ ನ್ಯೂಸ್‌ ಆ್ಯಪ್‌ ಅನ್ನು ಸಂಪೂರ್ಣವಾಗಿ ಪರಿಷ್ಕರಿಸಿದ ರೂಪದಲ್ಲಿ ಪರಿಚಯಿಸಿದೆ. ಸುದ್ದಿ ಆಸಕ್ತರಿಗೆ ವಿಶಿಷ್ಟ ಅನುಭವವನ್ನು ನೀಡುವ ರೀತಿಯಲ್ಲಿ ಇದನ್ನು ವಿನ್ಯಾಸಗೊಳಿಸಲಾಗಿದೆ. ನಿಮಗೆ ಯಾವುದೇ ಟಾಪಿಕ್‌, ಸ್ಟೋರಿಗಳನ್ನು ಆಸಕ್ತಿಯ ಅನುಸಾರ ಪಡೆದು ಓದಬಹುದು. ಈ ಆ್ಯಪ್‌ ನಿಮಗೆ ಇಷ್ಟವಾದ ಲೇಖನಗಳನ್ನು ಆಫ್‌ಲೈನ್‌ನಲ್ಲಿ ಓದಲು ನೆರವಾಗುವಂತೆ ಸೇವ್‌ ಮಾಡಿಕೊಳ್ಳಲು ನೆರವಾಗುತ್ತದೆ. ಜತೆಗೆ ತುಂಬ ವಿಶಿಷ್ಟವಾದ ಫುಲ್‌ ಪಿಕ್ಚರ್‌ ಎಂಬ ಹೊಸ ಫೀಚರ್‌ ಅನ್ನು ಕೂಡ ಇದು ಹೊಂದಿದೆ. ಸುದ್ದಿಗಳ ಬಗ್ಗೆ ವಿಶೇಷ ಆಸಕ್ತಿ ಇದ್ದವರಿಗೆ ಈ ಗೂಗಲ್‌ ನ್ಯೂಸ್‌ ಆ್ಯಪ್‌ ಎಲ್ಲ ರೀತಿಯಲ್ಲಿ ಸಹಾಯ ಮಾಡುತ್ತದೆ ಎಂಬುದರಲ್ಲಿ ಯಾವುದೇ ಅನುಮಾನವಿಲ್ಲ.

the fuelly app

ಕಾರುಗಳು ಆಧುನಿಕ ತಂತ್ರಜ್ಞಾನ ಬೆಂಬಲದೊಂದಿಗೆ ಹೊಸ ಅನುಭವವನ್ನು ನೀಡುತ್ತವೆ. ಹೀಗಾಗಿ, ಅನೇಕ ಆ್ಯಪ್‌ಗಳು ಈ ದಿಸೆಯಲ್ಲಿ ಕಾರ್ಯ ನಿರ್ವಹಿಸುತ್ತವೆ. ಅದೇ ರೀತಿ, ದಿ ಫುಲೀ ಎಂಬ ಆ್ಯಪ್‌ ಕೂಡ ಮಹತ್ವದ ಸ್ಥಾನ ಪಡೆದಿದೆ. ನಿಮ್ಮ ಕಾರ್‌ ಟ್ಯಾಂಕ್‌ನಲ್ಲಿ ಎಷ್ಟು ಇಂಧನ ಇದೆ ಎಂಬುದನ್ನು ಈ ಆ್ಯಪ್‌ ಮೂಲಕ ಕರಾರುವಕ್ಕಾಗಿ ಚಾಲಕರಿಗೆ ತಿಳಿಸುತ್ತದೆ. ಜತೆಗೆ, ಎಂಜಿನ್‌ನಲ್ಲಿ ಏನಾದರೂ ಸಮಸ್ಯೆಗಳಿದ್ದರೆ ಆ ಬಗ್ಗೆಯೂ ನಿಮಗೆ ಮಾಹಿತಿ ನೀಡುತ್ತದೆ. ಆ್ಯಪ್‌ ನೀಡುವ ಮಾಹಿತಿ ಆಧರಿಸಿ ಚಾಲಕರಿಗೆ ಸರಿಯಾದ ಸಮಯದಲ್ಲಿ ಇಂಧನ ತುಂಬಿಸಿಕೊಳ್ಳಬಹುದು.