Flipkart: ಸೋಶಿಯಲ್ ಕಾಮರ್ಸ್ ಪ್ಲಾಟ್‌ಫಾರ್ಮ್‌ಗೆ ಕಾಲಿಟ್ಟ ಫ್ಲಿಪ್‌ಕಾರ್ಟ್ 2GUD

ದೇಶದ ಪ್ರಮುಖ ಇ-ಕಾಮರ್ಸ್ ಮಾರ್ಕೆಟ್ ಪ್ಲೇಸ್ ಆಗಿರುವ ಫ್ಲಿಪ್‌ಕಾರ್ಟ್ ತನ್ನ ಸ್ವತಂತ್ರ ಮೌಲ್ಯಾಧಾರಿತ ಪ್ಲಾಟ್ ಫಾರ್ಮ್ ಆಗಿರುವ 2GUDನಲ್ಲಿ ಸೋಶಿಯಲ್ ಕಾಮರ್ಸ್ ಅನ್ನು ಆರಂಭಿಸಲಾಗುವುದು ಎಂದು ಘೋಷಿಸಿದೆ. ಗ್ರಾಹಕರ ಪ್ರತಿಪಾದನೆಯನ್ನು ಮತ್ತಷ್ಟು ವಿಸ್ತಾರ ಮಾಡುವ ಉದ್ದೇಶವನ್ನು ಹೊಂದಿರುವ ಫ್ಲಿಪ್‌ಕಾರ್ಟ್, ಎಲ್ಲ ಆಲ್-ಆ್ಯಪ್ ಗ್ರಾಹಕರಿಗೆ ಈ ಸೋಶಿಯಲ್ ಕಾಮರ್ಸ್ ವೈಶಿಷ್ಟ್ಯತೆ ಲಭ್ಯವಿದೆ. 2GUDನ ಸೋಶಿಯಲ್ ಕಾಮರ್ಸ್ ಪ್ಲಾಟ್ ಫಾರ್ಮ್ ಬಳಕೆದಾರರಿಗೆ ತಡೆರಹಿತವಾದ ವಿಡಿಯೋ ಶಾಪಿಂಗ್ ಅನುಭವವನ್ನು ನೀಡಲಿದೆ. ಇತ್ತೀಚಿನ ಫ್ಯಾಷನ್ ಟ್ರೆಂಡ್ಸ್, ಗ್ಯಾಜೆಟ್ ವಿಮರ್ಶೆ, ಬ್ಯೂಟಿ ಟಿಪ್ಸ್ ಶೇರಿಂಗ್ ಸೇರಿದಂತೆ ಹಲವು ಬಗೆಯ ಮಾಹಿತಿಗಳನ್ನು ಈ ಸೋಶಿಯಲ್ ಕಾಮರ್ಸ್ ಪ್ಲಾಟ್‌ಫಾರ್ಮ್‌ನಲ್ಲಿ ನೀಡಲಾಗುತ್ತದೆ.

2GUDನ ಸೋಶಿಯಲ್ ಕಾಮರ್ಸ್ ಪ್ಲಾಟ್‌ಫಾರ್ಮ್ ಹಲವಾರು ವಿಷಯಗಳು ಮತ್ತು ವಿಭಾಗಗಳ ಬಗೆಗಿನ ವಿಡಿಯೋಗಳೊಂದಿಗೆ ಸೂಕ್ತ ಚಿತ್ರಣವನ್ನು ಬಳಕೆದಾರರಿಗೆ ನೀಡುತ್ತದೆ. ಅಂದರೆ, ಇವುಗಳು ಒಂದು ರೀತಿಯಲ್ಲಿ ಪ್ರಭಾವಿಗಳ(ಇನ್‌ಫ್ಲುಯೆನ್ಸರ್) ರೀತಿಯಲ್ಲಿ ಕೆಲಸ ಮಾಡುತ್ತವೆ. ವರ್ಚುವಲ್ ಸ್ಟೋರ್‌ನಲ್ಲಿ ತಮ್ಮ ಸಂಗ್ರಹದ ಭಾಗವಾಗಿ ಗ್ರಾಹಕರ ನೆಚ್ಚಿನ ಉತ್ಪನ್ನಗಳನ್ನು ಈ ಇನ್‌ಫ್ಲುಯೆನ್ಸರ್ ಗಳು ನೀಡುತ್ತಾರೆ. ಗ್ರಾಹಕರು ವಿಭಾಗಗಳಲ್ಲಿನ ಸ್ಟೈಲಿಂಗ್ ಜರ್ನಿಗೆ ಸಾಕ್ಷಿಯಾಗುವಂತೆ ಮಾಡಲಿವೆ. ಗ್ರಾಹಕರು ವಿಡಿಯೋ ಭಾಗವಾಗಿರುವ ಉತ್ಪನ್ನಗಳನ್ನು ಶಾಪ್ ಮಾಡಲು ಇವು ಅನುವು ಮಾಡಿಕೊಡಲಿವೆ. ಈ ಮೂಲಕ ಗ್ರಾಹಕರು ತಡೆ ರಹಿತವಾದ, ನೈಸರ್ಗಿಕವಾದ ಶಾಪ್ ಮಾಡಬಹುದಾಗಿದೆ.

ಸಾಮಾಜಿಕ ಮಾಧ್ಯಮಗಳ ಆಗಮನದೊಂದಿಗೆ ಕಳೆದ ಕೆಲವು ವರ್ಷಗಳಿಂದ ಗ್ರಾಹಕರು ವಿಷಯಗಳನ್ನು ಗ್ರಹಿಸುವ ವಿಧಾನಗಳು ಗಮನಾರ್ಹವಾದ ರೀತಿಯಲ್ಲಿ ಬದಲಾಗಿವೆ. ಇನ್‌ಫ್ಲುಯೆನ್ಸರ್ ಸಂಖ್ಯೆಯಲ್ಲಿ ಹೆಚ್ಚಳವಾಗುತ್ತಿದೆ. ವಿಶೇಷವಾಗಿ ಮೆಟ್ರೋ ನಗರಗಳ ಹೊರತಾದ ಪ್ರದೇಶಗಳಲ್ಲಿ ಹೊಸ ತಲೆಮಾರಿನ ವಿಷಯ ರಚನೆಕಾರರಿಗೆ ಒಂದು ಮಾರ್ಗವನ್ನು ನೀಡಿದಂತಾಗಿದೆ. ಅವರು ಆಳವಾದ ವೈಯಕ್ತಿಕ ಸಂಪರ್ಕಗಳನ್ನು ಹೆಚ್ಚಿಸಲು ಸಮರ್ಥರಾಗಿದ್ದಾರೆ ಮತ್ತು ಮೆಟ್ರೋ ನಗರಗಳನ್ನು ಮೀರಿ ಹೆಚ್ಚಿನ ಸಂಖ್ಯೆಯ ಪ್ರೇಕ್ಷಕರಿಗೆ ಸಂಬಂಧಿಸಿರುತ್ತಾರೆ.

ಉದ್ಯಮದ ವರದಿಗಳ ಪ್ರಕಾರ ವಿಸ್ತರಣೆಯ ಭಾಗವಾಗಿ ಸೋಶಿಯಲ್ ಕಾಮರ್ಸ್ ಈಗಾಗಲೇ ಇಂದು ಆನ್‌ಲೈನ್ ರೀಟೇಲ್ ಮಾರುಕಟ್ಟೆಯಲ್ಲಿ ಶೇ. 15-20 ರಷ್ಟು ಹೆಚ್ಚಳ ಮಾಡಿದೆ. ಮುಂದಿನ ದಶಕದಲ್ಲಿ ಇದರ ವ್ಯವಹಾರ 70 ಬಿಲಿಯನ್ ಡಾಲರ್‌ಗೆ ತಲುಪುವ ನಿರೀಕ್ಷೆ ಇದೆ. ಕಡಿಮೆ ದರದಲ್ಲಿ ಲಭ್ಯವಿರುವ ಡೇಟಾದಿಂದಾಗಿ ಮತ್ತು ಭಾರತದಲ್ಲಿ ಮೊದಲ ಬಾರಿಗೆ ಇಂಟರ್ನೆಟ್ ಬಳಕೆದಾರರ ಮಾರುಕಟ್ಟೆ ವಿಸ್ತಾರಗೊಂಡಿದೆ. ವಿಶೇಷವಾಗಿ 2 ಮತ್ತು 3 ನೇ ಹಂತದ ನಗರಗಳಲ್ಲಿ ಈ ಹೆಚ್ಚಳ ಕಂಡುಬರುತ್ತಿದ್ದು, ಸೋಶಿಯಲ್ ಕಾಮರ್ಸ್ ಉದ್ಯಮದ ಬೆಳವಣಿಗೆಗೆ ಒಂದು ಉತ್ತಮ ಅವಕಾಶವನ್ನು ಕಲ್ಪಿಸಿದಂತಾಗಿದೆ.


ತನ್ನ ಆ್ಯಪ್‌ನಲ್ಲಿ ಸೋಶಿಯಲ್ ಕಾಮರ್ಸ್ ಅನ್ನು ಆರಂಭಿಸುವುದರೊಂದಿಗೆ 2GUD ತನ್ನ ಎಂ-ಸೈಟ್ ಮತ್ತು ವೆಬ್‌ಸೈಟ್‌ನಲ್ಲಿ ಮತ್ತಷ್ಟು ವಿಸ್ತರಣೆ ಮಾಡಲಿದೆ. 2GUD ಪ್ರಸ್ತುತ 600 ಕ್ಕೂ ಅಧಿಕ ಆಫರ್‌ಗಳನ್ನು ನೀಡುತ್ತಿದ್ದು, ಹಾಲಿ ಇರುವ ಉತ್ಪನ್ನಗಳ ವಿಭಾಗಗಳನ್ನು ಮತ್ತಷ್ಟು ಸದೃಢಗೊಳಿಸುತ್ತಿದೆ. ಈ ಪ್ಲಾಟ್‌ಫಾರ್ಮ್ ಭಾರತಾದ್ಯಂತ 15,000ಕ್ಕೂ ಅಧಿಕ ಸ್ಥಳಗಳಲ್ಲಿ ಲಕ್ಷಾಂತರ ಗ್ರಾಹಕರನ್ನು ಹೊಂದಿದೆ.

Non China Mobile: ಹೊಸ ಮೊಬೈಲ್ ಕೊಳ್ಳುತ್ತಿದ್ದೀರಾ? ಇಲ್ಲಿ ಗಮನಿಸಿ..