Redmi K20 Sale: ಶವೋಮಿ ರೆಡ್ಮಿ K20, ರೆಡ್ಮಿ K20 Pro ಸೇಲ್

ಜನಪ್ರಿಯ ಸ್ಮಾರ್ಟ್‌ಫೋನ್ ಬ್ರ್ಯಾಂಡ್ ಶವೋಮಿ ರೆಡ್ಮಿ K20ಮತ್ತು ರೆಡ್ಮಿ K20 Pro ಸೋಮವಾರ ಫ್ಲಿಪ್‌ಕಾರ್ಟ್‌ನಲ್ಲಿ ಫ್ಲ್ಯಾಶ್ ಸೇಲ್ ಮೂಲಕ ಲಭ್ಯವಾಗಲಿದೆ.

ಮಧ್ಯಾಹ್ನ 12 ಗಂಟೆಗೆ ಫ್ಲಿಪ್‌ಕಾರ್ಟ್ ಮತ್ತು ಎಂಐ ಡಾಟ್ ಕಾಮ್‌ನಲ್ಲಿ ಸೇಲ್ ಆರಂಭವಾಗಲಿದ್ದು, ಎರಡೂ ಫೋನ್‌ಗಳ ಖರೀದಿ ಸಂದರ್ಭದಲ್ಲಿ ಐಸಿಐಸಿಯ ಬ್ಯಾಂಕ್ ಕ್ರೆಡಿಟ್ ಕಾರ್ಡ್‌ ಮತ್ತು ಡೆಬಿಟ್ ಕಾರ್ಡ್ ಇಎಂಐ ಖರೀದಿಗೆ 1,000 ರೂ. ಡಿಸ್ಕೌಂಟ್ ಕೂಡ ದೊರೆಯುತ್ತದೆ.

ಶವೋಮಿ ರೆಡ್ಮಿ K20 21,999 ರೂ. ಆರಂಭಿಕ ದರ ಮತ್ತು ರೆಡ್ಮಿ K20 Pro 27,999 ರೂ. ದರ ಹೊಂದಿದೆ.

ಶವೋಮಿ ರೆಡ್ಮಿ K20, 6 GB RAM ಮತ್ತು 64 GB ಸ್ಟೋರೇಜ್, 6 GB RAM ಹಾಗೂ 128 GB ಮಾದರಿಯಲ್ಲಿ ಲಭ್ಯವಿದೆ.

ರೆಡ್ಮಿ K20 Pro, 6 GB ಮತ್ತು 8 GB RAM ಹಾಗೂ 128 GB ಮತ್ತು 256 GB ಸ್ಟೋರೇಜ್‌ನಲ್ಲಿ ದೊರೆಯುತ್ತದೆ. ಗ್ಲೇಸಿಯರ್ ಬ್ಲೂ, ಫ್ಲೇಮ್ ರೆಡ್ ಮತ್ತು ಕಾರ್ಬನ್ ಬ್ಲ್ಯಾಕ್‌ನ ಆಕರ್ಷಕ ಬಣ್ಣದಲ್ಲಿ ರೆಡ್ಮಿ K20 Pro ಲಭ್ಯವಿದೆ.