ಗ್ಯಾಲರಿ ಡಾಕ್ಟರ್‌ ಆ್ಯಪ್‌

gallery doctor

ಕೈಯಲ್ಲಿ ಫೋನ್‌ ಇದ್ದರೆ ಕಣ್ಣಿಗೆ ಕಾಣುವುದನ್ನೆಲ್ಲ ಫೋಟೊ ಕ್ಲಿಕಿಸುತ್ತಾ ಹೋಗುತ್ತೇವೆ. ನೂರಾರು ಫೋಟೊಗಳು ಫೋನ್‌ನ ಸ್ಪೇಸ್‌ ಅನ್ನು ಆಕ್ರಮಿಸಿಕೊಂಡು ಬಿಡುತ್ತವೆ. ಆಗ ಬೇಡವಾಗಿರುವ ಫೋಟೊಗಳನ್ನು ಡಿಲಿಟ್‌ ಮಾಡುವುದೇ ದೊಡ್ಡ ತಲೆನೋವು. ಆದರೆ, ಈ ಕಾರ್ಯವನ್ನು ಗ್ಯಾಲರಿ ಡಾಕ್ಟರ್‌ ಆ್ಯಪ್‌ ಹಗುರ ಮಾಡುತ್ತದೆ. ಫೋಟೊ ಗ್ಯಾಲರಿಯಲ್ಲಿರುವ ಡುಪ್ಲಿಕೇಟ್‌ ಇಮೇಜ್‌ಗಳನ್ನು ಹೈಲೆಟ್ಸ್‌ ಮಾಡಿ, ಅವುಗಳನ್ನು ಡಿಲಿಟ್‌ ಮಾಡಲು ಸಹಕರಿಸುತ್ತದೆ. ಆದರೆ, ಒಮ್ಮೊಮ್ಮೆ ಅತ್ಯುತ್ತಮ ಫೋಟೊ ಕೂಡ ಡಿಲಿಟ್‌ಗೆ ಹೈಲೆಟ್ಸ್‌ ಆಗುವ ಸಾಧ್ಯತೆ ಇರುತ್ತದೆ. ಅಂಥ ಸಂದರ್ಭದಲ್ಲಿ ಸ್ವಲ್ಪ ಎಚ್ಚರಿಕೆ ವಹಿಸಬೇಕಾಗುತ್ತದೆ. ಒಟ್ಟಿನಲ್ಲಿ ಬೇಡವಾಗಿರುವ ಫೋಟೊಗಳನ್ನು ಗ್ಯಾಲರಿಯಿಂದ ಅಳಸಿ ಹಾಕಲು ಈ ಆ್ಯಪ್‌ ಪ್ರಯೋಜನಕಾರಿ ಎಂಬುದರಲ್ಲಿ ಯಾವುದೇ ಅನುಮಾನವಿಲ್ಲ.

stop motion studio

ನಿಮ್ಮದೇ ಸ್ವಂತ ಮೂವಿ ಮಾಡುವ ಇಚ್ಛೆ ಇದ್ದರೆ, ಅದಕ್ಕೆ ಈ ಸ್ಟಾಪ್‌ ಮೋಷನ್‌ ಸ್ಟುಡಿಯೊ ಆ್ಯಪ್‌ ನೆರವು ನೀಡುತ್ತದೆ. ಈ ಆ್ಯಪ್‌ ಬಳಸಿ ಮೂವಿ ಮಾಡಲು ರಿಯಲ್‌ ನಟರು ಬೇಕಾಗಿಲ್ಲ. ಆ್ಯಪ್‌ ಒದಗಿಸುವ ಲೆಗೊ ಮಿನಿಫಿಗರ್ಸ್‌ಗಳನ್ನು ಬಳಸಿಕೊಂಡು ಮೂವಿ ಮಾಡಬಹುದು. ಪೇವಾಲ್‌ನಂಥ ಅತ್ಯುತ್ತಮ ಫೀಚರ್‌ಗಳು ಕೂಡ ಇದರಲ್ಲಿವೆ. ಉಚಿತವಾಗಿ ದೊರೆಯುವ ಈ ಆ್ಯಪ್‌ನಲ್ಲಿ ಅನೇಕ ಸಾಧ್ಯತೆಗಳಿವೆ. ಅಲ್ಟ್ರಾ ಹೈ ಡೆಫಿನೇಷಿನ್‌ ಎಫೆಕ್ಟ್ ನೀಡಬಹುದು. ಜತೆಗೆ, ಇತರ ಏಳು ರೀತಿಯ ಎಫೆಕ್ಟ್ ಕೂಡ ಇದರಲ್ಲಿ ಸಾಧ್ಯವಿದೆ. ಅಗತ್ಯ ಬಿದ್ದರೆ, ನಿಮ್ಮ ಫೋಟೊ ಗ್ಯಾಲರಿಗಳಿಂದ ಫೋಟೊಗಳನ್ನು ಕೂಡ ಮೂವಿಗೆ ಬಳಸಿಕೊಳ್ಳಬಹುದು. ಒಟ್ಟಿನಲ್ಲಿ ನಿಮ್ಮ ಕ್ರಿಯಿಟಿವಿಟಿಗೆ ಈ ಆ್ಯಪ್‌ ಎಲ್ಲ ರೀತಿಯಿಂದಲೂ ನೆರವು ನೀಡುತ್ತದೆ ಎಂಬುದು ಸತ್ಯ.