ಇ ನ್ಯೂಸ್‌ : ಇನ್‌ಬಾಕ್ಸ್‌ ಆ್ಯಪ್‌ಗೆ ಗೂಗಲ್‌ ಗುಡ್‌ಬೈ

ಗೂಗಲ್‌ ತನ್ನ ಪರ್ಯಾಯ ಮೇಲಿಂಗ್‌ ಆ್ಯಪ್‌ 'ಇನ್‌ಬಾಕ್ಸ್‌' ಅನ್ನು ಸ್ಥಗಿತಗೊಳಿಸಲು ಮುಂದಾಗಿದೆ. 2014ರಲ್ಲಿ ಆರಂಭವಾಗಿದ್ದ ಇನ್‌ಬಾಕ್ಸ್‌ ಆ್ಯಪ್‌ 2019ರ ಮಾರ್ಚ್‌ನಿಂದ ಸಂಪೂರ್ಣವಾಗಿ ತನ್ನ ಸೇವೆಯನ್ನು ನಿಲ್ಲಿಸಲಿದೆ. ಈ ವಿಷಯವನ್ನು ಗೂಗಲ್‌ ಕಂಪನಿ ಖಚಿತಪಡಿಸಿದೆ. ಈ ಅವಧಿಯಲ್ಲಿ ಇನ್‌ಬಾಕ್ಸ್‌ ಮೇಲಿಂಗ್‌ ಆ್ಯಪ್‌ ಬಳಕೆದಾರರು ಸಾಂಪ್ರದಾಯಿಕ ಜಿಮೇಲ್‌ಗೆ ಸ್ಥಳಾಂತರವಾಗಲು ಅವಕಾಶ ಕಲ್ಪಿಸಲಾಗಿದೆ.

ಭಾರೀ ನಿರೀಕ್ಷೆಯೊಂದಿಗೆ ಆರಂಭವಾಗಿದ್ದ ಈ ಇನ್‌ಬಾಕ್ಸ್‌ ಮೇಲ್‌ ಸವೀರ್‍ಸ್‌, ಬಳಕೆದಾರರನ್ನು ಸಂತುಷ್ಟಪಡಿಸುವಲ್ಲಿ ವಿಫಲವಾಯಿತು ಎಂದು ಹೇಳಬಹುದು. ಪ್ರತಿಯೊಬ್ಬರಿಗೆ ಅತ್ಯುತ್ತಮವಾದ ಮೇಲ್‌ ಸೇವೆ ಒದಗಿಸಲು ನಾವು ಹೆಚ್ಚು ಗಮನ ಕೇಂದ್ರೀಕರಿಸುತ್ತಿದ್ದೇವೆ. ಇದರ ಪರಿಣಾಮವಾಗಿಯೇ, ಜಿಮೇಲ್‌ ಮೇಲೆ ಹೆಚ್ಚು ಫೋಕಸ್‌ ಮಾಡಿ, ಇನ್‌ಬಾಕ್ಸ್‌ಗೆ ವಿದಾಯ ಹೇಳುತ್ತಿದ್ದೇವೆ ಎಂದು ಜಿಮೇಲ್‌ನಲ್ಲಿ ಪ್ರಾಡಕ್ಟ್ ಮ್ಯಾನೇಜರ್‌ ಆಗಿರುವ ಮ್ಯಾಥ್ಯೂ ಇಝಟ್‌ ಅವರು ತಮ್ಮ ಬ್ಲಾಗ್‌ನಲ್ಲಿ ಬರೆದುಕೊಂಡಿದ್ದಾರೆ. ಈ ಹಿನ್ನೆಲೆಯಲ್ಲಿ ಸಾಂಪ್ರದಾಯಿಕ ಮೇಲ್‌ ಸೇವೆ ಒದಗಿಸುವ ಜಿಮೇಲ್‌ಗೆ ಇತ್ತೀಚಿನ ದಿನಗಳಲ್ಲಿ ಹೆಚ್ಚೆಚ್ಚು ಫೀಚರ್‌ಗಳನ್ನು ಕಂಪನಿ ಸೇರಿಸುತ್ತಿದೆ.