Google Doodle: ಎಲ್‌ಜಿಬಿಟಿ ಸಮುದಾಯದ ಹೋರಾಟಕ್ಕೆ 50 ವರ್ಷ

ಎಲ್‌ಜಿಬಿಟಿ ಸಮುದಾಯದ ಹೋರಾಟಕ್ಕೆ 50 ವರ್ಷ ಸಂದಿರುವ ಹಿನ್ನೆಲೆಯಲ್ಲಿ ಗೂಗಲ್ ವಿಶೇಷ ಡೂಡಲ್ ರಚಿಸುವ ಮೂಲಕ ಮಂಗಳವಾರದ ಮುಖಪುಟವನ್ನು ಸಿಂಗರಿಸಿದೆ.

ಗೂಗಲ್ ಹೋಮ್‌ಪೇಜ್ ತೆರೆದಾಗ ಅಲ್ಲಿ ಎಲ್‌ಜಿಬಿಟಿ ಸಮುದಾಯದ ಹೋರಾಟ, ಎನ್‌ಜಿಒ ಮತ್ತು ಸಂಬಂಧಿತ ವಿಚಾರಗಳು ತೆರೆದುಕೊಳ್ಳುತ್ತವೆ.

ಡೂಡಲ್ ಕ್ಲಿಕ್ ಮಾಡಿದಾಗ ಅಲ್ಲಿ, ಹೊಸತೊಂದು ಪುಟ ತೆರೆದುಕೊಳ್ಳುತ್ತದೆ.

ಇತ್ತೀಚೆಗೆ ಎಲ್‌ಜಿಬಿಟಿ ಸಮುದಾಯದ ಕುರಿತು ಹೆಚ್ಚಿನ ಜಾಗೃತಿ ಮತ್ತು ಸಮಾನ ಹಕ್ಕುಗಳ ಕುರಿತ ಹೋರಾಟ ನಡೆಯುತ್ತಿದ್ದು, ಗೂಗಲ್, ಆ್ಯಪಲ್ ಕೂಡ ಬೆಂಬಲ ನೀಡುತ್ತಿದೆ.

ಸಮಾನ ಲಿಂಗಿಗಳ ಮದುವೆ, ಲಿಂಗತ್ವ ಬದಲಾವಣೆ ಶಸ್ತ್ರಚಿಕಿತ್ಸೆ, ಎಲ್‌ಜಿಬಿಟಿ ಸಮುದಾಯದ ಮೇಲೆ ನಡೆಯುವ ದೌರ್ಜನ್ಯದ ವಿರುದ್ಧ ಹೋರಾಟ, ಮತ್ತು ಸಮಾನತೆಗಾಗಿ ಆಗ್ರಹ, ಎನ್‌ಜಿಒ, ಸಂಘಟನೆ ಸ್ಥಾಪನೆ, ಲೈಂಗಿಕ ಅಲ್ಪಸಂಖ್ಯಾತರಿಗೆ ಸ್ಥಾನಮಾನ, ಸವಲತ್ತು ನೀಡುವುದು ಮತ್ತಿತರ ಹೋರಾಟಕ್ಕೆ ಎಲ್‌ಜಿಬಿಟಿ ಸಮುದಾಯಕ್ಕೆ ಗೂಗಲ್ ಮತ್ತು ಜಾಗತಿಕ ಸಂಘಟನೆಗಳು ಬೆಂಬಲ ನೀಡುತ್ತಿವೆ.