Google: ಭಾರತೀಯ ಮಾರುಕಟ್ಟೆ ಕ್ರಾಂತಿಯ ಪ್ರೇರಣೆ

ವಾಷಿಂಗ್ಟನ್: ಭಾರತದ ಮಾರುಕಟ್ಟೆಯಲ್ಲಿನ ಗಣನೀಯ ಏರಿಕೆ ಮತ್ತು ಸಂಪರ್ಕ, ತಂತ್ರಜ್ಞಾನ ಕ್ಷೇತ್ರದ ಕ್ರಾಂತಿಯಿಂದಾಗಿ ಗೂಗಲ್ ಮತ್ತಷ್ಟು ಹೊಸ ಉತ್ಪನ್ನ ತಯಾರಿಸಲು ಪ್ರೇರಣೆಯಾಗಿದೆ ಎಂದು ಗೂಗಲ್ ಸಿಇಒ ಸುಂದರ್ ಪಿಚೈ ಹೇಳಿದ್ದಾರೆ.

ಅಮೆರಿಕದಲ್ಲಿ ನಡೆದ ಸಮಾರಂಭದಲ್ಲಿ ಮಾತನಾಡಿದ ಪಿಚೈ, ಕಳೆದ ಮೂರು-ನಾಲ್ಕು ವರ್ಷಗಳಲ್ಲಿ ದೇಶದಲ್ಲಿ ನಡೆದ ಸಂಪರ್ಕ ಕ್ರಾಂತಿ, ಮೇಡ್ ಇನ್ ಇಂಡಿಯಾದಂತಹ ಮಹತ್ವಾಕಾಂಕ್ಷಿ ಯೋಜನೆಯಿಂದ ಹಲವು ಕಂಪನಿಗಳು ಭಾರತದಲ್ಲೇ ತಂತ್ರಜ್ಞಾನ ಸಂಬಂಧಿ ಉಪಕರಣ ತಯಾರಿ ಮತ್ತು ಅಭಿವೃದ್ಧಿ, ಸಂಶೋಧನೆ ನಡೆಸುವಂತಾಯಿತು.

ಇದರಿಂದ ಗೂಗಲ್ ಕೂಡ ಭಾರತದ ಮಾರುಕಟ್ಟೆಗೆ ಅನುಗುಣವಾಗಿ ಹೊಸ ತಂತ್ರಜ್ಞಾನ ಅವಿಷ್ಕಾರ, ಉತ್ಪಾದನೆಗೆ ಹೆಚ್ಚು ಒತ್ತು ನೀಡುವಂತಾಯಿತು. ಇದು ಗೂಗಲ್‌ಗೆ ಪ್ರೇರಣೆ ಒದಗಿಸಿದೆ. ಜತೆಗೆ ಇಲ್ಲಿನ ತಂತ್ರಜ್ಞಾನ ಜಾಗತಿಕ ಪ್ರಸಿದ್ಧಿಯನ್ನೂ ತಂದಿದೆ.

ಈ ಯೋಜನೆಯ ಭಾಗವಾಗಿರುವುದಕ್ಕೆ ನಮಗೆ ಹೆಮ್ಮೆಯಿದೆ ಎಂದು ಗ್ಲೋಬಲ್ ಲೀಡರ್‌ಶಿಪ್ ಪ್ರಶಸ್ತಿ ಸ್ವೀಕರಿಸಿ ಸುಂದರ್ ಪಿಚೈ ಹೇಳಿದ್ದಾರೆ.