ಗೂಗಲ್‌ನಿಂದ ‘ಶಾಪಿಂಗ್‌’ ಟ್ಯಾಬ್‌

ಬೆಂಗಳೂರು: ಸರ್ಜ್‌ ಎಂಜಿನ್‌ ದೈತ್ಯ ಗೂಗಲ್‌ ಕಂಪನಿಯು ಸದ್ಯದಲ್ಲಿಯೇ ಭಾರತದಲ್ಲಿ ತನ್ನದೇ ಆದ 'ಶಾಪಿಂಗ್‌' ಟ್ಯಾಬ್‌ ಅನ್ನು ಅನ್ನು ಬಿಡುಗಡೆ ಮಾಡಲಿದೆ. ಈ ಸಂಬಂಧ ಫ್ಲಿಪ್‌ಕಾರ್ಟ್‌, ಪೇಟಿಎಂ ಮಾಲ್‌, ಸ್ನ್ಯಾಪ್‌ಡೀಲ್‌ ಮತ್ತಿತರ ಕಂಪನಿಗಳ ಜತೆ ಮಾತುಕತೆ ನಡೆಸಿದ್ದು, ಸದ್ಯದಲ್ಲಿಯೇ ಈ ಉತ್ಪನ್ನ ಮಾರುಕಟ್ಟೆಗೆ ಬರುವ ನಿರೀಕ್ಷೆ ಇದೆ.

ಈ ಟ್ಯಾಬ್‌ನಲ್ಲಿ ಬಳಕೆದಾರರು ತಮಗೆ ಬೇಕಾದ ಉತ್ಪನ್ನಗಳನ್ನು ಹುಡುಕಬಹುದು. ಅವರನ್ನು ಸಂಬಂಧಿಸಿದ ಇ-ಕಾಮರ್ಸ್‌ ತಾಣಗಳಿಗೆ ಈ ಟ್ಯಾಬ್‌ ಕರೆದೊಯ್ಯುತ್ತದೆ. ಯೋಜನೆಯ ಕೆಲಸ ಕಳೆದ ಕೆಲವು ತಿಂಗಳಿಂದ ನಡೆಯುತ್ತಿದೆ. ವರ್ಷಾಂತ್ಯಕ್ಕೆ ಅದು ಬಿಡುಗಡೆಯಾಗುವ ಸಾಧ್ಯತೆ ಇದೆ. ಈ ಬಗ್ಗೆ ಇಮೇಲ್‌ನಲ್ಲಿ ಪ್ರತಿಕ್ರಿಯಿಸಿರುವ ಗೂಗಲ್‌ ವಕ್ತಾರರು, ''ಗ್ರಾಹಕರು ತಮಗೆ ಬೇಕಾದ ಉತ್ಪನ್ನಗಳನ್ನು ಹುಡುಕಲು ನಾವು ಸದಾ ನೆರವು ನೀಡುತ್ತೇವೆ. ಸ್ಥಳೀಯ ವರ್ತಕರನ್ನು ಗ್ರಾಹಕರ ಜತೆ ಬೆಸೆಯುವ ಕೆಲಸವನ್ನು ಶಾಪಿಂಗ್‌ ಟ್ಯಾಬ್‌ ಮಾಡಲಿದೆ. ಇದೊಂದು ವಿನೂತನವಾದ ಪರಿಕಲ್ಪನೆ,'' ಎಂದು ಹೇಳಿದ್ದಾರೆ.