Spam Call Alert: ಆಂಡ್ರಾಯ್ಡ್ ಫೋನ್ ಬಳಕೆದಾರರಿಗೆ ಹೊಸ ಆಯ್ಕೆ ಪರಿಚಯಿಸಿದ ಗೂಗಲ್

ಇಂಟರ್‌ನೆಟ್ ದಿಗ್ಗಜ ಗೂಗಲ್, ಆಂಡ್ರಾಯ್ಡ್ ಸ್ಮಾರ್ಟ್‌ಫೋನ್ ಬಳಕೆದಾರರಿಗೆ ನೂತನ ಆಯ್ಕೆಯೊಂದನ್ನು ಪರಿಚಯಿಸಿದೆ. ನಮ್ಮ ದೇಶ ಸಹಿತ ಐದು ರಾಷ್ಟ್ರಗಳಲ್ಲಿ ಗೂಗಲ್ ಈ ನೂತನ ಆಯ್ಕೆ ಪರಿಚಯಿಸುತ್ತಿದ್ದು, ಟ್ರೂಕಾಲರ್ ಮಾದರಿಯಲ್ಲೇ ಆಂಡ್ರಾಯ್ಡ್ ಬಳಕೆದಾರರು ಸ್ಪಾಮ್ ಕರೆಗಳನ್ನು ನಿಯಂತ್ರಿಸಬಹುದು ಮತ್ತು ಬೇಡವಾದ ಕರೆಗಳನ್ನು ತಿರಸ್ಕರಿಸುವ ಆಯ್ಕೆಯನ್ನು ನೀಡಿದೆ.

ಗೂಗಲ್ ಫೋನ್ ಅಪ್ಲಿಕೇಶನ್‌ನಲ್ಲಿ ವೆರಿಫೈಡ್ ಕಾಲ್ಸ್ ಎನ್ನುವ ಫೀಚರ್ ಅನ್ನು ಬಿಡುಗಡೆ ಮಾಡಿದ್ದು, ಆಂಡ್ರಾಯ್ಡ್ ಫೋನ್ ಬಳಕೆದಾರರು ಕಿರಿಕಿರಿ ಉಂಟುಮಾಡುವ ಕರೆಗಳನ್ನು ತಿರಸ್ಕರಿಸುವ ಜತೆಗೆ, ರಿಪೋರ್ಟ್ ಮಾಡುವ ಆಯ್ಕೆ ಪಡೆಯಲಿದ್ದಾರೆ. ಅಲ್ಲದೆ, ಬ್ಯುಸಿನೆಸ್ ವೆರಿಫೈ ಆಯ್ಕೆ ಕೂಡ ಇದ್ದು, ನೈಜ ಕರೆಗಳನ್ನು ಗ್ರಾಹಕರು ದೃಢೀಕರಿಸಬಹುದು ಮತ್ತು ನಕಲಿ ಕರೆಗಳನ್ನು ತಿರಸ್ಕರಿಸಿ, ರಿಪೋರ್ಟ್ ಮಾಡಬಹುದು.

ವೆರಿಫೈಡ್ ಕಾಲ್‌ನಲ್ಲಿ ಆಂಡ್ರಾಯ್ಡ್ ಬಳಕೆದಾರರು ಕರೆ ಮಾಡಿದವರ ಹೆಸರು, ಲೋಗೋ ಮತ್ತು ಕಂಪನಿಯ ಕರೆಯಾಗಿದ್ದಲ್ಲಿ, ಕರೆ ಮಾಡಿರುವ ಕಾರಣವನ್ನು ತಿಳಿದುಕೊಳ್ಳಬಹುದು. ಅದನ್ನು ಗೂಗಲ್ ದೃಢೀಕರಿಸಿದ್ದರೆ ನಿಮಗೆ ಮಾಹಿತಿ ದೊರೆಯುತ್ತದೆ.

Truecaller: ನಿಮ್ಮ ಅಕೌಂಟ್ ಡಿಲೀಟ್ ಮಾಡಿ, ಫೋನ್ ನಂಬರ್ ತೆಗೆಯುವುದು ಹೇಗೆ?

ನಕಲಿಯಾಗಿದ್ದರೆ ಅಲ್ಲಿಯೇ ಸ್ಪಾಮ್ ಕರೆ ಅಲರ್ಟ್ ತೋರಿಸುವುದರಿಂದ, ಅನಗತ್ಯ ಕರೆಗಳ ಸಮಸ್ಯೆಯಿಂದ ಪಾರಾಗಲು ಈ ಆಯ್ಕೆ ಸೂಕ್ತವೆನಿಸಲಿದೆ. ಗೂಗಲ್ ಫೋನ್ ಆಪ್ಲಿಕೇಶನ್‌ನಲ್ಲಿ ಮಾತ್ರ ಈ ಆಯ್ಕೆ ದೊರೆಯಲಿದ್ದು, ಭಾರತ ಮಾತ್ರವಲ್ಲದೆ, ಅಮೆರಿಕ, ಮೆಕ್ಸಿಕೋ, ಬ್ರೆಝಿಲ್ ಮತ್ತು ಸ್ಪೇನ್‌ನಲ್ಲಿ ಲಭ್ಯವಾಗಲಿದೆ.

Google Pay: ಆನ್‌ಲೈನ್ ಪಾವತಿಗೆ ಡೆಬಿಟ್ ಮತ್ತು ಕ್ರೆಡಿಟ್ ಕಾರ್ಡ್ ಬಳಕೆ ಹೇಗೆ?