Google: ಸರ್ಚ್‌ನಲ್ಲೇ ಊಟ-ತಿಂಡಿ ಆರ್ಡರ್ ಮಾಡಿ

ಮನೆಬಾಗಿಲಿಗೆ ಊಟ-ತಿಂಡಿ ಒದಗಿಸುವ ಆ್ಯಪ್ ಸೇವೆಗಳು ಜನಪ್ರಿಯವಾಗುತ್ತಿದ್ದು, ಅಮೆರಿಕದಲ್ಲಿ ಗೂಗಲ್ ಸರ್ಚ್ ಮೂಲಕವೇ ಊಟ ತಿಂಡಿ ಆರ್ಡರ್ ಮಾಡುವ ವ್ಯವಸ್ಥೆ ಕಲ್ಪಿಸಿದೆ.

ಗೂಗಲ್ ಜತೆ ಪಾಲುದಾರಿಕೆ ಹೊಂದಿರುವ ಆ್ಯಪ್ ಸೇವೆಗಳಲ್ಲಿ ಆ್ಯಪ್ ಡೌನ್‌ಲೋಡ್ ಮಾಡದೆಯೇ ನೇರವಾಗಿ ಸರ್ಚ್ ಮೂಲಕವೇ ಫುಡ್ ಆರ್ಡರ್ ಮಾಡಬಹುದು.

ಟೇಕ್ ಅವೇ ಮತ್ತು ಹೋಮ್ ಡೆಲಿವರಿ ಆಯ್ಕೆ ಲಭ್ಯವಿದ್ದು, ಗೂಗಲ್ ಸರ್ಚ್‌ನಲ್ಲಿಯೇ ಆರ್ಡರ್ ಆನ್‌ಲೈನ್ ಎಂಬ ಆಯ್ಕೆ ಒದಗಿಸಿದೆ.

ಅದರ ಮೂಲಕ ಗ್ರಾಹಕರು ಬಯಸಿದ ತಿಂಡಿ-ತಿನಿಸು ಆರ್ಡರ್ ಮಾಡಬಹುದು. ನಂತರ ಗೂಗಲ್ ಪೇ ಮೂಲಕ ಪಾವತಿಗೂ ಅವಕಾಶವಿದೆ.

ಮೊಬೈಲ್ ಮತ್ತು ಆ್ಯಪ್ ಸೇವೆಗಳು ಜನಪ್ರಿಯವಾಗುತ್ತಿರುವುದರಿಂದ ಗ್ರಾಹಕರಿಗೆ ಸುಲಭದಲ್ಲೇ ಅದರ ಪ್ರಯೋಜನ ದೊರೆಯಲು ಈ ಕ್ರಮಕ್ಕೆ ಗೂಗಲ್ ಮುಂದಾಗಿದೆ.