Google Meet: ಜೂಮ್ ಮಾದರಿಯ ಹೊಸ ಫೀಚರ್ ಪರಿಚಯಿಸಿದ ಗೂಗಲ್ ಮೀಟ್!

ಲಾಕ್‌ಡೌನ್ ಜಾರಿಗೆ ಬಂದ ಬಳಿಕ ದೇಶದಲ್ಲಿ ಮಾತ್ರವಲ್ಲದೆ ಜಾಗತಿಕವಾಗಿ ಅತ್ಯಂತ ಹೆಚ್ಚು ಪ್ರಚಾರ ಪಡೆದುಕೊಂಡಿದ್ದು ಮತ್ತು ಬಳಕೆಗೆ ಬಂದಿದ್ದು ಗೂಗಲ್ ಮೀಟ್. ಗೂಗಲ್ ಮೀಟ್ ಮಾತ್ರವಲ್ಲದೆ, ವಿವಿಧ ವಿಡಿಯೋ ಕಾನ್ಫರೆನ್ಸ್ ಅಪ್ಲಿಕೇಶನ್ಸ್ ಮತ್ತು ವಿಡಿಯೋ ಕಾಲಿಂಗ್ ಸೇವೆಗಳು ಕೂಡ ಅತ್ಯಂತ ಹೆಚ್ಚು ಜನಪ್ರಿಯತೆ ಪಡೆದುಕೊಂಡಿದ್ದವು. ಈ ಪೈಕಿ, ಗೂಗಲ್ ಮೀಟ್ ಅತಿ ಹೆಚ್ಚು ಜನಪ್ರಿಯತೆ ಗಳಿಸಿದೆ. ಅದಕ್ಕೆ ಪೂರಕವಾಗಿ ಗೂಗಲ್ ಮೀಟ್, ರೈಸ್ ಹ್ಯಾಂಡ್ಸ್ ಎನ್ನುವ ವರ್ಚುವಲ್ ಫೀಚರ್ ಅಪ್‌ಡೇಟ್ ಅನ್ನು ಬಳಕೆದಾರರಿಗೆ ಪರಿಚಯಿಸಿದೆ.

ಗೂಗಲ್ ಮೀಟ್
ಹೊಸ ಅಪ್‌ಡೇಟ್ ಫೀಚರ್ ಎಲ್ಲ ಗೂಗಲ್ ಮೀಟ್ ಬಳಕೆದಾರರಿಗೆ ಈಗಾಗಲೇ ಲಭ್ಯವಾಗುತ್ತಿದೆ. ಆದರೆ ಖಾಸಗಿ ಗೂಗಲ್ ಅಕೌಂಟ್ ಹೊಂದಿರುವವರಿಗೆ ಗೂಗಲ್ ಮೀಟ್ ಹೊಸ ಫೀಚರ್ ದೊರೆಯುವುದಿಲ್ಲ. ಹೊಸ ಫೀಚರ್, ಗ್ರೂಪ್ ಕಾಲಿಂಗ್, ಟೀಮ್ ಮೀಟಿಂಗ್ ಮತ್ತು ಆನ್‌ಲೈನ್ ಕ್ಲಾಸ್‌ಗಳಲ್ಲಿ ಬಳಕೆಗೆ ದೊರೆಯಲಿದೆ. ಅಂದರೆ, ಗೂಗಲ್ ಮೀಟ್ ಬಳಕೆದಾರರು ಮೀಟಿಂಗ್ ಅವಧಿಯಲ್ಲಿ ಏನಾದರೂ ಹೇಳಲಿಚ್ಚಿಸಿದರೆ, ಅವರು ಕೈ ಎತ್ತಿರುವುದನ್ನು ಗೂಗಲ್ ತೋರಿಸುತ್ತದೆ.

ರೈಸ್ ಹ್ಯಾಂಡ್ ಫೀಚರ್
ವಿಡಿಯೋ ಕಾಲಿಂಗ್ ಸೇವೆ ಒದಗಿಸುತ್ತಿರುವ ಪ್ರಸಿದ್ಧ ಜೂಮ್ ಅಪ್ಲಿಕೇಶನ್ ಈಗಾಗಲೇ ರೈಸ್ ಹ್ಯಾಂಡ್ ಫೀಚರ್ ಹೊಂದಿದೆ. ಅದೇ ಮಾದರಿಯಲ್ಲಿ ಗೂಗಲ್ ಮೀಟ್ ಕೂಡ ರೈಸ್ ಹ್ಯಾಂಡ್ ಫೀಚರ್ ಪ್ರಕಟಿಸಿದೆ. ನೀವು ಮೀಟಿಂಗ್‌ನಲ್ಲಿ ಏನಾದರೂ ಮಾತನಾಡಲು ಬಯಸಿದರೆ, ಈ ಫೀಚರ್ ಬಳಸಬಹುದು. ಇದರಿಂದ ಮತ್ತೊಬ್ಬರು ಮಾತನಾಡುವಾಗ ಮಧ್ಯೆ ತೊಂದರೆಯಾಗುವುದು ತಪ್ಪುತ್ತದೆ.

Google Meet: ಡೆಸ್ಕ್‌ಟಾಪ್ ಬಳಕೆದಾರರಿಗೆ ಕಸ್ಟಂ ಬ್ಯಾಕ್‌ಗ್ರೌಂಡ್ ಆಯ್ಕೆ

ಯಾರಿಗೆ ಲಭ್ಯವಿದೆ?
ಹೊಸ ಗೂಗಲ್ ಫೀಚರ್, ವರ್ಕ್‌ಪ್ಲೇಸ್ ಎಸೆಂಶಿಯಲ್, ಬ್ಯುಸಿನೆಸ್ ಸ್ಟಾಂಡರ್ಡ್, ಬ್ಯುಸಿನೆಸ್ ಪ್ಲಸ್, ಎಂಟರ್‌ಪ್ರೈಸ್ ಆವೃತ್ತಿ, ಜಿಸ್ಯೂಟ್, ಎಜುಕೇಶನ್ ಬಳಕೆದಾರರಿಗೆ ಗೂಗಲ್ ಮೀಟ್ ಹೊಸ ಫೀಚರ್ ಲಭ್ಯವಿದೆ. ಟೀಮ್ ಮೀಟಿಂಗ್, ಆನ್‌ಲೈನ್ ಕ್ಲಾಸ್ ಸಂದರ್ಭದಲ್ಲಿ ಈ ಫೀಚರ್ ಹೆಚ್ಚು ಪ್ರಯೋಜನವಾಗಲಿದೆ.

Google Pay Rewards: ಆಂಡ್ರಾಯ್ಡ್ ಮತ್ತು ಐಓಎಸ್ ಬಳಕೆದಾರರಿಗೆ 501 ರೂ. ವರೆಗೆ ಬಹುಮಾನ!