15ನೇ ವರ್ಷಕ್ಕೆ ಕಾಲಿಟ್ಟ ಗೂಗಲ್‌ ಮ್ಯಾಪ್ಸ್‌!

ಸ್ಮಾರ್ಟ್‌ಫೋನ್ ಕೈಯಲ್ಲಿರುವಾಗ ಯಾವುದಾದರೊಂದು ಪ್ರದೇಶದ, ಉದ್ಯಮದ ವಿಳಾಸ, ಮಾಹಿತಿ ಬೇಕೆಂದಾಗ ತಕ್ಷಣ ನಮಗೆ ನೆನಪಾಗುವುದು ಗೂಗಲ್!

ಗೂಗಲ್‌ ಮ್ಯಾಪ್‌ನ ಮೂಲಕ ನಮ್ಮ ಗಮ್ಯ ತಲುಪಬಹುದಾಗಿದೆ. ನಮಗೆ ಗುರಿಯನ್ನು ತೋರಿಸುತ್ತಿರುವ ಈ ಗೂಗಲ್‌ ಮ್ಯಾಪ್‌ ಈಗ 15 ವರ್ಷನೇ ವರ್ಷಕ್ಕೆ ಕಾಲಿಟ್ಟಿದೆ.

ಗೂಗಲ್‌ ಮುಖ್ಯಸ್ಥ ಸುಂದರ್‌ ಪಿಚೈ ಈ ವಿಷಯವನ್ನು ತಮ್ಮ ಬ್ಲಾಗ್‌ಸ್ಪಾಟ್‌ನಲ್ಲಿ ಬರೆದುಕೊಂಡಿದ್ದಾರೆ.

ಈ 15ನೇ ಬರ್ತ್‌ ಡೇ ಸಂದರ್ಭದಲ್ಲಿ ಗೂಗಲ್‌ ಮ್ಯಾಪ್‌ನಲ್ಲಿ ಕೆಲವು ಮಹತ್ವದ ಬದಲಾವಣೆಗಳನ್ನು ಹಾಗೂ ಕೆಲ ಹೊಸ ಆವಿಷ್ಕಾರಗಳನ್ನು ಸೇರಿಸಲಾಗಿದೆ. ಜತೆಗೆ ಒಟ್ಟಾರೆ ವಿನ್ಯಾಸವನ್ನು ಬದಲಿಸಲಾಗಿದೆ.

ಕೆಲವು ಮೊಬೈಲ್‌ಗಳಲ್ಲಿ ಗೂಗಲ್‌ ಮ್ಯಾಪ್‌ ಸರಿಯಾಗಿ ಕೆಲಸ ಮಾಡುತ್ತಿರಲಿಲ್ಲ. ಅಂಥ ಸಣ್ಣ ಸಣ್ಣ ಸಮಸ್ಯೆಗಳನ್ನು ಪರಿಹರಿಸಲಾಗಿದ್ದು, ಈಗ ಗೂಗಲ್ ಇನ್ನಷ್ಟು ಅಪ್‌ಡೇಟ್‌ ಆಗಿದೆ.

ಸುಮಾರು 220 ದೇಶಗಳ ನಕ್ಷೆಗಳು, 171 ದೇಶಗಳ ರಸ್ತೆ, ಗಲ್ಲಿ ಗಲ್ಲಿಗಳು ಈ ಗೂಗಲ್ ಮ್ಯಾಪ್‌ ಮೂಲಕ ಬೆರಳ ತುದಿಯಲ್ಲಿ ಸಿಗಲಿದೆ.

Google: ಗೂಗಲ್ ಮ್ಯಾಪ್ ಹೇಗೆ ಅಪಾಯಕಾರಿಯಾಗಬಲ್ಲದು ಗೊತ್ತೇ?

ಜತೆಗೆ ಗೂಗಲ್ ಮ್ಯಾಪ್ಸ್ ಮೂಲಕ ಉದ್ಯಮವೊಂದರ ಮಾಹಿತಿ, ವಿಳಾಸ ಮತ್ತು ಫೋನ್ ನಂಬರ್ ಕೂಡ ದೊರೆಕುತ್ತದೆ. ಆದರೆ ಗೂಗಲ್‌ನ ಈ ಸೇವೆಯನ್ನು ಹಲವು ನಕಲಿ ಕಂಪನಿಗಳು ದುರ್ಬಳಕೆ ಮಾಡಿಕೊಳ್ಳುತ್ತಿವೆ.

ಗೂಗಲ್ ಮ್ಯಾಪ್ಸ್‌ನಲ್ಲಿ ಸುಮಾರು 1 ಕೋಟಿಗೂ ಅಧಿಕ ನಕಲಿ ವಿಳಾಸ, ಫೋನ್ ನಂಬರ್‌ಗಳು ಸೇರಿಕೊಂಡಿವೆ. ಜತೆಗೆ ಕೆಲವೊಂದು ಮುಚ್ಚಿಹೋದ ಉದ್ಯಮದ ವಿಳಾಸವೂ ಗೂಗಲ್‌ನಲ್ಲಿದೆ.

ಹೀಗಾಗಿ ಗ್ರಾಹಕರು ಗೂಗಲ್‌ನಲ್ಲಿರುವ ವಿಳಾಸ ಮತ್ತು ಫೋನ್ ನಂಬರ್, ಸೇವಾದಾರರನ್ನು ಪೂರ್ಣವಾಗಿ ನಂಬುವ ಮೊದಲೊಮ್ಮೆ ಯೋಚಿಸಬೇಕಿದೆ.