Hangouts: ಸೇವೆ ನಿಲ್ಲಿಸಲಿದೆಯೇ ಗೂಗಲ್?

ಗೂಗಲ್‌ ಸಂಸ್ಥೆಯು ಜಿ ಸೂಟ್‌ನಿಂದ ಪ್ರಸಕ್ತ ವರ್ಷವೇ ಗೂಗಲ್‌ ಹ್ಯಾಂಗೌಟ್‌ ಅಪ್ಲಿಕೇಷನ್‌ ಅನ್ನು ಸ್ಥಗಿತಗೊಳಿಸಿ, ಅದನ್ನು ಹ್ಯಾಂಗೌಟ್‌ ಚಾಟ್ಸ್‌ ಮತ್ತು ಹ್ಯಾಂಗೌಟ್ಸ್‌ ಮೀಟ್‌ ಎಂಬ ಪ್ರತ್ಯೇಕ ವಿಭಾಗಗಳಾಗಿ ವಿಂಗಡಿಸಲಿದೆ.

ಇದರ ಜತೆಗೆ, ಏರ್‌ ಸರ್ವಿಸ್‌ನಲ್ಲಿ ಸಕ್ರಿಯವಾಗಿದ್ದ ಹ್ಯಾಂಗೌಟ್‌ ಸೇವೆಯನ್ನೂ ಸ್ಥಗಿತಗೊಳಿಸುವ ನಿರ್ಧಾರಕ್ಕೆ ಬಂದಿದೆ ಎನ್ನಲಾಗಿದೆ. ಇದು ಸಹಜವಾಗಿ ಯೂಟ್ಯೂಬ್‌ ಬಳಕೆದಾರರ ಮೇಲೂ ಪ್ರಭಾವ ಆಗಲಿದೆ.

ಹ್ಯಾಂಗೌಟ್‌ ಆನ್‌ ಏರ್‌ ಸೇವೆಯನ್ನು ಬಹಳಷ್ಟು ಜನರು ಬಳಸುತ್ತಿದ್ದು, ಮಲ್ಟಿ ಯೂಸರ್‌ ವಿಡಿಯೊ ಚಾಟ್‌ ಮತ್ತು ರಿಯಲ್‌ ಟೈಮ್‌ ಲೈವ್‌ ಸ್ಟ್ರೀಮ್‌ ಅನ್ನು ಯುಟೂಬ್‌ ಬಳಕೆದಾರರು ಮಾಡುತ್ತಿದ್ದರು. ಇದೀಗ ಈ ಎಲ್ಲ ಚಟುವಟಿಕೆಗಳು ಬಂದ್‌ ಆಗಲಿವೆ.

ಹಾಗಾಗಿ, ಏರ್‌ ಸರ್ವಿಸ್‌ನಲ್ಲಿ ಹ್ಯಾಂಗೌಟ್‌ ಸ್ಥಗಿತಗೊಳ್ಳುವುದು ಯುಟೂಬ್‌ ಬಳಕೆದಾರರಿಗೆ ಹೆಚ್ಚು ದುಃಖ ತಂದಿದೆ ಎಂದು ಹೇಳಬಹುದು. ಈ ಫೀಚರ್‌ ಗೂಗಲ್‌ ಪ್ಲಸ್‌ ಆರಂಭದ ದಿನಗಳಲ್ಲಿ ಹೆಚ್ಚು ಜನಪ್ರಿಯವಾಗಿತ್ತು. ವಿಶೇಷ ಎಂದರೆ, ಈವರೆಗೂ ಗೂಗಲ್‌ ಸಂಸ್ಥೆ ಈ ಬಗ್ಗೆ ಅಧಿಕೃತವಾಗಿ ಯಾವುದೇ ಮಾಹಿತಿಯನ್ನು ಬಿಟ್ಟು ಕೊಟ್ಟಿಲ್ಲ.