Google Duo: ಎಂಟು ಮಂದಿಯ ಜತೆ ವಿಡಿಯೋ ಕಾಲ್

ಗೂಗಲ್‌ನ ಜನಪ್ರಿಯ ವಿಡಿಯೋ ಕಾಲಿಂಗ್ ಆ್ಯಪ್ ಡುವೋ ಈಗ ಏಕಕಾಲಕ್ಕೆ ಎಂಟು ಮಂದಿಯೊಂದಿಗೆ ವಿಡಿಯೋ ಕರೆ ಮಾಡುವ ಸೌಲಭ್ಯ ಒದಗಿಸಿದೆ.

ಜತೆಗೆ ಡೇಟಾ ಸೇವಿಂಗ್ ಮೋಡ್ ಕೂಡ ಇದ್ದು, ಬಳಕೆದಾರರು ಕಡಿಮೆ ವೇಗದ ಇಂಟರ್‌ನೆಟ್‌ ಇರುವಲ್ಲಿಯೂ ಗೂಗಲ್ ಡುವೋ ಬಳಸಲು ಅನುಕೂಲವಾಗುತ್ತದೆ.

ಒಂದು ವಿಡಿಯೋ ಕಾಲ್‌ನಲ್ಲಿ ಏಕಕಾಲಕ್ಕೆ ಎಂಟು ಮಂದಿಯನ್ನು ಸೇರಿಸಬಹುದು ಎಂಬ ಅಂಶವನ್ನು ಗೂಗಲ್ ಬ್ಲಾಗ್‌ನಲ್ಲಿ ಪ್ರಕಟಿಸಿದೆ.

ಐಒಎಸ್ ಮತ್ತು ಅಂಡ್ರಾಯ್ಡ್‌ನಲ್ಲೂ ಈ ಆಯ್ಕೆ ದೊರೆಯಲಿದ್ದು, ವಿಡಿಯೋ ಮೆಸೇಜ್‌ನಲ್ಲಿ ಟೆಕ್ಸ್ಟ್‌, ಇಮೋಜಿ ಅಥವಾ ಡೂಡಲ್ ಸೇರಿಸಬಹುದು ಎಂದು ಹೇಳಿದೆ.

ಡೇಟಾ ಸೇವ್ ಮೋಡ್‌ ದೇಶದಲ್ಲಿ ಹೆಚ್ಚು ಜನರಿಗೆ ಪ್ರಯೋಜನವಾಗಲಿದೆ. ಉತ್ತಮ ಧ್ವನಿ ಮತ್ತು ವೀಡಿಯೋ ಕರೆ ಗುಣಮಟ್ಟ ಗೂಗಲ್ ಡುವೋದ ವಿಶೇಷತೆಯಾಗಿದೆ.