Google Pay: ಆ್ಯಪಲ್ ಆ್ಯಪ್‌ ಸ್ಟೋರ್‌ಗೆ ಮರಳಿ ಬಂದ ಗೂಗಲ್ ಪೇ

ಗೂಗಲ್ ಜನಪ್ರಿಯ ಸೇವೆಗಳಲ್ಲಿ ಒಂದಾದ ಗೂಗಲ್ ಪೇ, ದೇಶದಲ್ಲಿ ಮತ್ತೆ ಆ್ಯಪ್ ಸ್ಟೋರ್ ಮೂಲಕ ಲಭ್ಯವಾಗುತ್ತಿದೆ. ಆ್ಯಪಲ್ ಐಫೋನ್ ಬಳಕೆದಾರರು ಗೂಗಲ್ ಪೇ ಅಪ್ಲಿಕೇಶನ್ ಬಳಸಿಕೊಂಡು ವಹಿವಾಟು ನಡೆಸಬಹುದಾಗಿದೆ. ಆ್ಯಪಲ್ ಪಾಲಿಸಿ ಮತ್ತು ಕೆಲವೊಂದು ಭದ್ರತಾ ಅಪ್‌ಡೇಟ್ ಸಲುವಾಗಿ ಗೂಗಲ್ ಪೇ ಅನ್ನು ಆ್ಯಪ್‌ ಸ್ಟೋರ್‌ನಿಂದ ತಾತ್ಕಾಲಿಕವಾಗಿ ತೆಗೆಯಲಾಗಿತ್ತು.

ಆ್ಯಪ್‌ ಸ್ಟೋರ್ ಪಾಲಿಸಿ
ಆ್ಯಪಲ್ ಐಫೋನ್‌ಗೆ ಅಪ್ಲಿಕೇಶನ್‌ ಒದಗಿಸುವ ಆ್ಯಪ್‌ ಸ್ಟೋರ್ ತನ್ನದೇ ಆದ ಪಾಲಿಸಿ ಹೊಂದಿದೆ. ಅದರ ಪ್ರಕಾರ, ಗೂಗಲ್ ಪೇ ಆ್ಯಪ್‌ ಕೆಲವೊಂದು ಭದ್ರತಾ ಅಂಶಗಳನ್ನು ಅಪ್‌ಡೇಟ್ ಮಾಡುವ ಸಲುವಾಗಿ ತೆಗೆಯಲಾಗಿತ್ತು. ಪ್ರಸ್ತುತ ಈಗ ಆ್ಯಪ್‌ ಸ್ಟೋರ್ ಪಾಲಿಸಿ ಅಪ್‌ಡೇಟ್ ಅನ್ನು ಗೂಗಲ್ ಪೇ ಅಳವಡಿಸಿಕೊಂಡಿದ್ದು, ಮತ್ತೆ ಆ್ಯಪ್‌ ಸ್ಟೋರ್‌ಗೆ ಮರಳಿದೆ.

ಗೂಗಲ್ ಪೇ
ಯುಪಿಐ ಮತ್ತು ಡಿಜಿಟಲ್ ಪೇಮೆಂಟ್ ಹಾಗೂ ಆನ್‌ಲೈನ್ ಬಿಲ್ ಪಾವತಿ ಸೇವೆಗಳಿಗೆ ಗೂಗಲ್ ಪೇ ಬಳಸಲಾಗುತ್ತದೆ. ಗೂಗಲ್ ಪೇ ಆ್ಯಪ್‌ ಅನ್ನು ಆ್ಯಪಲ್ ಆ್ಯಪ್‌ ಸ್ಟೋರ್‌ನಿಂದ ತೆಗೆದ ಬಳಿಕ, ಹೊಸದಾಗಿ ಡೌನ್‌ಲೋಡ್ ಮಾಡಿಕೊಳ್ಳಲು ಸಾಧ್ಯವಾಗಿರಲಿಲ್ಲ. ಆದರೆ ಮತ್ತೆ ಆ್ಯಪ್‌ ಸ್ಟೋರ್‌ಗೆ ಗೂಗಲ್ ಪೇ ಮರಳಿದ್ದು, ಬಳಕೆದಾರರಿಗೆ ಲಭ್ಯವಿದೆ.

Google Pay: ಆನ್‌ಲೈನ್ ಪಾವತಿಗೆ ಡೆಬಿಟ್ ಮತ್ತು ಕ್ರೆಡಿಟ್ ಕಾರ್ಡ್ ಬಳಕೆ ಹೇಗೆ?

ಆ್ಯಪಲ್ ಸ್ಪಷ್ಟನೆ
ಆ್ಯಪ್‌ ಸ್ಟೋರ್‌ನಿಂದ ಗೂಗಲ್ ಪೇ ಆ್ಯಪ್‌ ಅನ್ನು ತಾತ್ಕಾಲಿಕವಾಗಿ ತೆಗೆದಿರುವುದಕ್ಕೆ ಮತ್ತು ನಂತರ ಮರುಸ್ಥಾಪಿಸಿರುವುದಕ್ಕೆ ಆ್ಯಪಲ್ ಸ್ಪಷ್ಟನೆ ನೀಡಿದೆ. ಭದ್ರತಾ ಅಂಶ ಅಪ್‌ಡೇಟ್ ಬಳಿಕ ಗೂಗಲ್ ಪೇ ಡೌನ್‌ಲೋಡ್‌ಗೆ ಲಭ್ಯ ಎಂದು ಕಂಪನಿ ಹೇಳಿದೆ.

Google Pay: ಗೂಗಲ್ ಪೇ ಪಿನ್ ಬದಲಾವಣೆ ಹೇಗೆ ಗೊತ್ತಾ?