Joker Malware: ಗೂಗಲ್ ಪ್ಲೇ ಸ್ಟೋರ್‌ನಲ್ಲಿ ಮತ್ತೆ ಜೋಕರ್ ಮಾಲ್ವೇರ್ ಆ್ಯಪ್ ಹಾವಳಿ!

ಆಂಡ್ರಾಯ್ಡ್ ಸ್ಮಾರ್ಟ್‌ಫೋನ್‌ಗಳಿಗೆ ಗೇಮ್ಸ್ ಮತ್ತು ಅಪ್ಲಿಕೇಶನ್‌ ಒದಗಿಸುವ ಗೂಗಲ್ ಪ್ಲೇ ಸ್ಟೋರ್‌ಗೆ ಮತ್ತೆ ಮತ್ತೆ ವೈರಸ್ ಹಾವಳಿ ಹೆಚ್ಚಾಗುತ್ತಿದೆ.

ಈ ಬಾರಿ ಜೋಕರ್ ಮಾಲ್ವೇರ್ ಹೆಸರಿನ ವೈರಸ್ ಮತ್ತೆ ಪ್ಲೇ ಸ್ಟೋರ್‌ಗೆ ಕಾಲಿರಿಸಿದ್ದು, ಗ್ರಾಹಕರ ವೈಯಕ್ತಿಕ ಮಾಹಿತಿ ಕದಿಯುತ್ತಿದೆ. ಆಂಡ್ರಾಯ್ಡ್ ಓಎಸ್‌ಗೆ ಜೋಕರ್ ವೈರಸ್ ಹಾವಳಿ ಸಾಮಾನ್ಯವಾಗಿದ್ದು, ಈ ಮೊದಲು ಕೂಡ ವಿವಿಧ ಸ್ಮಾರ್ಟ್‌ಫೋನ್‌ಗಳಿಗೆ ಹಾನಿ ಮಾಡಿತ್ತು. ಬಳಿಕ ಗೂಗಲ್, ಪ್ಲೇ ಸ್ಟೋರ್‌ನಿಂದ ಅವುಗಳನ್ನು ತೆಗೆದುಹಾಕಿತ್ತು. ಆದರೆ ಈಗ ಮತ್ತೆ ಜೋಕರ್ ಹಾವಳಿ ಆರಂಭವಾಗಿದ್ದು, ಕೆಲವೊಂದು ಆ್ಯಪ್‌ಗಳನ್ನು ಕೂಡಲೇ ಅನ್‌ಇನ್‌ಸ್ಟಾಲ್ ಮಾಡುವುದು ಉತ್ತಮ ಎಂದು ಗೂಗಲ್ ಸೂಚನೆ ನೀಡಿದೆ.

ಪ್ಲೇ ಸ್ಟೋರ್ ಸೇರಿಕೊಂಡು, ಅದರ ಮೂಲಕ ಜೋಕರ್ ಮಾಲ್ವೇರ್ ಹರಿಯಬಿಡುತ್ತಿದ್ದ ಸುಮಾರು 11 ಆ್ಯಪ್‌ಗಳನ್ನು ಗೂಗಲ್ ತೆಗೆದುಹಾಕಿದ್ದು, ಬಳಕೆದಾರರ ಫೋನ್‌ನಲ್ಲಿ ಅಂತಹ ಆ್ಯಪ್ ಇದ್ದರೆ, ಕೂಡಲೇ ತೆಗೆದುಹಾಕುವುದು ಉತ್ತಮ.

ಗೂಗಲ್ ಪ್ಲೇ ಸ್ಟೋರ್‌ನಿಂದ ತೆಗೆದುಹಾಕಿರುವ ಜೋಕರ್ ಮಾಲ್ವೇರ್ ಆ್ಯಪ್ ಪಟ್ಟಿ ಇಲ್ಲಿದೆ..
com.imagecompress.android,
com.relax.relaxation.androidsms,
com.cheery.message.sendsms,
com.peason.lovinglovemessage,
com.contact.withme.texts,
com.hmvoice.friendsms,
com.file.recovefiles,
com.LPlocker.lockapps,
com.remindme.alram
com.training.memorygame.

China Apps Ban: ಚೀನಾದಲ್ಲಿ ಯಾವೆಲ್ಲ ಆ್ಯಪ್, ವೆಬ್‌ಸೈಟ್ ನಿಷೇಧವಾಗಿದೆ ಗೊತ್ತಾ?