Remove China Apps: ಮತ್ತೊಂದು ಆ್ಯಪ್‌ಗೆ ಕೈಕೊಟ್ಟ ಗೂಗಲ್ ಪ್ಲೇ ಸ್ಟೋರ್!

ದೇಶದಲ್ಲಿ ಚೀನಾ ಆ್ಯಪ್ ವಿರುದ್ಧದ ಅಭಿಯಾನದಲ್ಲಿ ಸಂಚಲನ ಸೃಷ್ಟಿಸಿದ್ದ ರಿಮೂವ್ ಚೀನಾ ಆ್ಯಪ್ಸ್ ಎಂಬ ಅಪ್ಲಿಕೇಶನ್‌ಗೆ ಗೂಗಲ್ ಪ್ಲೇ ಸ್ಟೋರ್ ಕೈಕೊಟ್ಟಿದೆ. ದೇಶದಲ್ಲಿ ಟಿಕ್‌ಟಾಕ್‌ಗೆ ಪರ್ಯಾಯ ದೇಸಿ ಆ್ಯಪ್ ಎಂದು ಪ್ರಚಾರ ಪಡೆದಿದ್ದ ಮಿತ್ರೋ ಆ್ಯಪ್ ಅನ್ನು ಕೂಡ ಗೂಗಲ್ ಪ್ಲೇ ಸ್ಟೋರ್‌ನಿಂದ ತೆಗೆದುಹಾಕಿತ್ತು.

ಇದೀಗ ರಿಮೂವ್ ಚೀನಾ ಆ್ಯಪ್ ಅನ್ನು ಗೂಗಲ್ ಪ್ಲೇ ಸ್ಟೋರ್‌ನಿಂದ ತೆಗೆದುಹಾಕಿದೆ. ಹೀಗಾಗಿ ಗೂಗಲ್‌ನ ಅಧಿಕೃತ ಪ್ಲೇ ಸ್ಟೋರ್‌ನಲ್ಲಿ ರಿಮೂವ್ ಚೀನಾ ಆ್ಯಪ್ ನಾಪತ್ತೆಯಾಗಿದೆ. ಗೂಗಲ್ ಪ್ಲೇ ಸ್ಟೋರ್‌ನ ನಿಯಮಾವಳಿಗಳನ್ನು ಮೀರಿದ್ದೇ ಇದಕ್ಕೆ ಕಾರಣ ಎನ್ನಲಾಗಿದೆ.

ರಿಮೂವ್ ಚೀನಾ ಆ್ಯಪ್ ಗೂಗಲ್ ಪ್ಲೇ ಸ್ಟೋರ್‌ನಲ್ಲಿ 50 ಲಕ್ಷಕ್ಕೂ ಹೆಚ್ಚು ಡೌನ್‌ಲೋಡ್ ಕಂಡಿತ್ತು. ಅಲ್ಲದೆ, ಒನ್‌ಟಚ್ ಆ್ಯಪ್‌ಲ್ಯಾಬ್ಸ್ ಅಭಿವೃದ್ಧಿಪಡಿಸಿದ್ದ ಈ ಆ್ಯಪ್, ಅತ್ಯಂತ ಹೆಚ್ಚು ರೇಟಿಂಗ್, ರಿವ್ಯೂ ಕೂಡ ಪಡೆದುಕೊಂಡು ಜನಪ್ರಿಯತೆ ಗಳಿಸಿತ್ತು. ಹೀಗಾಗಿ ಜನರು ರಿಮೂವ್ ಚೀನಾ ಆ್ಯಪ್ ಬಳಸಿಕೊಂಡು, ತಮ್ಮ ಆಂಡ್ರಾಯ್ಡ್ ಸ್ಮಾರ್ಟ್‌ಫೋನ್‌ನಲ್ಲಿದ್ದ ಚೀನಾ ಮೂಲದ ಅಪ್ಲಿಕೇಶನ್‌ಗಳನ್ನು ಅನ್‌ಇನ್‌ಸ್ಟಾಲ್ ಮಾಡಿದ್ದರು. ಅದರ ಬೆನ್ನಲ್ಲೇ, ಗೂಗಲ್, ಪ್ಲೇ ಸ್ಟೋರ್ ನಿಯಮಾವಳಿಗಳನ್ನು ರಿಮೂವ್ ಚೀನಾ ಆ್ಯಪ್ ಪಾಲಿಸುತ್ತಿಲ್ಲ ಎಂದು ಹೇಳಲಾಗಿದ್ದು, ಅದನ್ನು ತೆಗೆಯಲಾಗಿದೆ.

Samsung Galaxy M01: ಎರಡು ಆಕರ್ಷಕ ಫೋನ್ ಪರಿಚಯಿಸಿದ ಸ್ಯಾಮ್‌ಸಂಗ್

ರಿಮೂವ್ ಚೀನಾ ಆ್ಯಪ್ ನಿಮ್ಮ ಫೋನ್‌ನಲ್ಲಿ ಇನ್‌ಸ್ಟಾಲ್ ಮಾಡಿದ ಬಳಿಕ, ಫೋನ್ ಅನ್ನು ಸ್ಕ್ಯಾನ್ ಮಾಡುತ್ತಿತ್ತು. ನಂತರ ಚೀನಾ ಮೂಲದ ಆ್ಯಪ್ ಪಟ್ಟಿಯನ್ನು ಬಳಕೆದಾರರ ಮುಂದೆ ಇರಿಸುತ್ತಿತ್ತು. ಹೀಗಾಗಿ ಬಳಕೆದಾರರು ಚೀನಾ ಆ್ಯಪ್ ಬೇಡವೆಂದಾದಲ್ಲಿ, ಅದನ್ನು ಅನ್‌ಇನ್‌ಸ್ಟಾಲ್ ಮಾಡುವ ಆಯ್ಕೆ ದೊರೆಯುತ್ತಿತ್ತು. ಆದರೆ ಈಗ ಗೂಗಲ್ ಪ್ಲೇ ಸ್ಟೋರ್‌ನಲ್ಲಿ ರಿಮೂವ್ ಚೀನಾ ಆ್ಯಪ್ ನಾಪತ್ತೆಯಾಗಿದೆ.

Mitron App: ಗೂಗಲ್ ಪ್ಲೇ ಸ್ಟೋರ್‌ನಿಂದ ಕಣ್ಮರೆಯಾಯ್ತು ದೇಸಿ ಟಿಕ್‌ಟಾಕ್!