Google: ಬರುತ್ತಿವೆ 53 ಹೊಸ ಇಮೋಜಿ

ಮನುಷ್ಯನ ಭಾವನೆಯನ್ನು ಬರಹದ ಮೂಲಕ ಅಭಿವ್ಯಕ್ತಪಡಿಸದೇ ಇದ್ದಾಗ, ಅದನ್ನು ಇಮೋಜಿ ಮೂಲಕ ಅಭಿವ್ಯಕ್ತಪಡಿಸಲು ಈಗ ಸಾಧ್ಯವಿದೆ. ಹೀಗಾಗಿಯೇ ತರಹೇವಾರಿ ಇಮೋಜಿಗಳಿಂದು ಲಭ್ಯ.

ಇದೀಗ ಗೂಗಲ್ ನೂತನ ಆಪರೇಟಿಂಗ್ ಸಾಫ್ಟ್‌ವೇರ್ ಅಂಡ್ರಾಯ್ಡ್ ಕ್ಯೂ ಜತೆಗೆ ಹೊಸದಾಗಿ 53 ಇಮೋಜಿಗಳನ್ನು ಪರಿಚಯಿಸಲಿದೆ.

ಪುರುಷ ಮತ್ತು ಮಹಿಳೆಯರ ವಿವಿಧ ಹುದ್ದೆ, ಕೆಲಸವನ್ನು ಪ್ರತಿಬಿಂಬಿಸುವ ಇಮೋಜಿ ಕೂಡ ಇದರಲ್ಲಿ ಸೇರಿದ್ದು, ಮೊದಲಿಗೆ ಪಿಕ್ಸೆಲ್ ಸ್ಮಾರ್ಟ್‌ಫೋನ್‌ಗೆ ಲಭ್ಯವಾಗಲಿದೆ. ನಂತರ ಅಂಡ್ರಾಯ್ಡ್ ಕ್ಯೂ ಬೆಂಬಲಿಸುವ ಇತರ ಸ್ಮಾರ್ಟ್‌ಫೋನ್‌ಗಳಿಗೂ ದೊರೆಯಲಿದೆ.

ಮೊದಲು 176 ಇಮೋಜಿಗಳಿದ್ದು, ನಂತರ ಈಗ ಸುಮಾರು 3,000 ಇಮೋಜಿಗಳು ಲಭ್ಯ.

ಪುರುಷ ಮತ್ತು ಮಹಿಳಾ ಸಮಾನತೆ ಹಾಗು ಹೊಸ ಮಾದರಿಯ ಇಮೋಜಿಗಳನ್ನು ಪರಿಚಯಿಸುವ ಮೂಲಕ ಬಳಕೆದಾರರಿಗೆ ಮತ್ತಷ್ಟು ಉತ್ತಮ ಆಯ್ಕೆ ಒದಗಿಸಲು ಗೂಗಲ್ ಸಿದ್ಧತೆ ನಡೆಸಿದೆ.