G Suite: ಕಾನ್ಫಿಡೆನ್ಷಿಯಲ್‌ ಮೋಡ್‌ ಲಭ್ಯ

ಕಳೆದ ವರ್ಷ ಗೂಗಲ್‌ ಕಂಪನಿಯು ಜಿಮೇಲ್‌ಗೆ ಕಾನ್ಫಿಡೆನ್ಷಿಯಲ್‌ ಮೋಡ್‌ ಪರಿಚಯಿಸಿತ್ತು. ಇದೀಗ ಕಂಪನಿಯು ಈ ಮೋಡ್‌ ಅನ್ನು ಜಿ ಸೂಟ್‌ಗೂ ವಿಸ್ತರಿಸಲಿದೆ. ಜೂನ್‌ 25ರಿಂದ ಜಿ ಸೂಟ್‌ಗೂ ಕಾನ್ಫಿಡೆನ್ಷಿಯಲ್‌ ಮೋಡ್‌ ದೊರೆಯಲಿದೆ ಎಂದು ಗೂಗಲ್‌ ಸಂಸ್ಥೆ ತನ್ನ ಅಧಿಕೃತ ಬ್ಲಾಗ್‌ನಲ್ಲಿ ಬರೆದುಕೊಂಡಿದೆ.

ಕಾನ್ಫಿಡೆನ್ಷಿಯಲ್‌ ಮೋಡ್‌ ಅನೇಕ ರೀತಿಯಲ್ಲಿ ನೆರವಾಗಲಿದೆ. ಇದು ನಿಮ್ಮ ಮೇಲ್‌ಗಳಲ್ಲಿ ಅಂತರ್‌ ನಿರ್ಮಿತ ಮಾಹಿತಿ ನಿರ್ವಹಣೆಯನ್ನು ಮಾಡುತ್ತದೆ. ಇ ಮೇಲ್‌ಗಳನ್ನು ವರ್ಗಿಕೃತವಾಗಿ ವಿಂಗಡಿಸಲು ನೆರವಾಗುತ್ತದೆ ಮತ್ತು ಜತೆಗೆ ಎಕ್ಸಾಪೈರೇಷನ್‌ ಡೇಟ್‌ ಅಳವಡಿಸಲು ಅವಕಾಶ ಕಲ್ಪಿಸುತ್ತದೆ.

ಹಾಗೆಯೇ ಟೆಕ್ಸ್ಟ್‌ ಸಂದೇಶದ ಮೂಲಕ ದೃಢೀಕರಿಸುತ್ತದೆ. ಜತೆಗೆ, ನಿಮ್ಮ ಇ ಮೇಲ್‌ ಸುರಕ್ಷತೆಯ ದೃಷ್ಟಿಯಿಂದಲೂ ಈ ಮೋಡ್‌ ಹೆಚ್ಚು ಉಪಯೋಗಕಾರಿಯಾಗಿದೆ. ಒಂದು ವೇಳೆ ಇ ಮೇಲ್‌ ಏನಾದರೂ ಹ್ಯಾಕ್‌ ಆದರೆ ಮಾಹಿತಿಯನ್ನು ಇದು ಸಂರಕ್ಷಿಸುತ್ತದೆ.

ಎಲ್ಲಕ್ಕಿಂತ ಹೆಚ್ಚಾಗಿ, ಈ ಕಾನ್ಫಿಡೆನ್ಷಿಯಲ್‌ ಮೋಡ್‌ನೊಂದಿಗೆ ಮೇಲ್‌ ಸ್ವೀಕರಿಸುವವರಿಗೆ ಅದನ್ನು ಫಾರ್ವರ್ಡ್‌, ಕಾಪಿ, ಪ್ರಿಂಟ್‌ ಅಥವಾ ಡೌನ್‌ಲೋಡ್‌ ಮಾಡುವ ಅವಕಾಶವನ್ನು ಇದು ನಿರಾಕರಿಸುತ್ತದೆ. ಈಗಾಲೇ ಜಿಮೇಲ್‌ನಲ್ಲಿ ಕಾನ್ಫಿಡೆನ್ಷಿಯಲ್‌ ಮೋಡ್‌ ಹೆಚ್ಚು ಜನಪ್ರಿಯವಾಗಿದೆ.