Google Map: ಶೀಘ್ರದಲ್ಲಿ ಇನ್‌ಕಾಗ್ನಿಟೊ ಮೋಡ್‌

ಜಾಹೀರಾತು ಮತ್ತು ಗ್ರಾಹಕರ ವೈಯಕ್ತಿಕ ಮಾಹಿತಿ ಕದಿಯುವ ಕೆಲಸವನ್ನು ಅಂತರ್ಜಾಲದಲ್ಲಿ ಸೇವೆ ಒದಗಿಸುವ ವಿವಿಧ ಕಂಪನಿಗಳು ಮಾಡುತ್ತವೆ ಎಂಬ ಆರೋಪವಿದೆ. ಅಂತಹ ಸಂದರ್ಭದಲ್ಲಿ ವೈಯಕ್ತಿಕ ಮಾಹಿತಿ ರಕ್ಷಣೆಗೆ ಇನ್‌ಕಾಗ್ನಿಟೊ ಮೋಡ್ ಪ್ರಯೋಜನಕ್ಕೆ ಬರುತ್ತದೆ.

ಹೀಗಾಗಿ ಬ್ರೌಸಿಂಗ್‌ ಅಪ್ಲಿಕೇಶನ್‌ಗಳಲ್ಲಿಇನ್‌ಕಗ್ನಿಟೋ ಮೋಡ್‌ ಇತ್ತೀಚಿನ ದಿನಗಳಲ್ಲಿಹೆಚ್ಚು ಜನಪ್ರಿಯತೆ ಪಡೆದುಕೊಳ್ಳುತ್ತಿದೆ. ಇದೀಗ ಗೂಗಲ್‌ ಮ್ಯಾಪ್‌ ಕೂಡ ಇನ್‌ಕಗ್ನಿಟೊ ಮೋಡ್‌ ಅನ್ನು ಪರಿಚಯಿಸಲು ಮುಂದಾಗಿದೆ. ಒಂದೊಮ್ಮೆ ಈ ಮೋಡ್‌ ಚಾಲನೆಗೊಂಡರೆ ಗೂಗಲ್‌ ಮ್ಯಾಪ್‌ನಲ್ಲಿನಿಮ್ಮ ಲೊಕೇಷನ್‌ ಡೇಟಾವನ್ನು ಗುಪ್ತವಾಗಿಸಬಹುದು.

ಸದ್ಯಕ್ಕೆ ಇನ್‌ಕಗ್ನಿಟೊ ಮೋಡ್‌ ಅನ್ನು ಆಂಡ್ರಾಯ್ಡ್‌ ಆ್ಯಪ್‌ಗಳಲ್ಲಿಪರೀಕ್ಷೆಗೆ ಒಳಪಡಿಸಲಾಗುತ್ತಿದೆ. ಈಗಾಗಲೇ ಈ ಮೋಡ್‌ ಅನ್ನು ಗೂಗಲ್‌ ಕ್ರೋಮ್‌ನಲ್ಲಿರುವುದನ್ನು ಗಮನಿಸಿರಬಹುದು.

ಜತಗೆ, ಗೂಗಲ್‌ 10.26 ಆವೃತ್ತಿಯು ಐಸ್ ಫ್ರೀ ವಾಕಿಂಗ್‌ ನ್ಯಾವಿಗೇಷನ್‌ ಮೋಡ್‌ ಕೂಡ ಹೊಂದುವ ಸುಳಿವು ದೊರೆತಿದೆ ಎಕ್ಸ್‌ಡಿಎ ಡೆವಲಪರ್‌ ವರದಿ ತಿಳಿಸಿದೆ. ವಾಕಿಂಗ್‌ ನ್ಯಾವಿಗೇಷನ್‌ ವೇಳೆ ನೀವು ಫೋನ್‌ ಮೇಲೆ ಪದೆ ಪದೆ ನೋಡುವುದನ್ನು ಈ ಐಸ್ ಫ್ರೀ ಮೋಡ್‌ ತಪ್ಪಿಸಲಿದೆ. ಇದಕ್ಕಾಗಿ ಧ್ವನಿ ಆಧರಿತ ಹೆಚ್ಚಿನ ವಿವರಣೆಯನ್ನು ಒದಗಿಸಲಿದೆ.

Google Pay: ಹಲವು ಬ್ಯಾಂಕ್ ಖಾತೆ ಬಳಕೆ ಹೇಗೆ?

ಕಳೆದ ತಿಂಗಳಷ್ಟೇ ಗೂಗಲ್‌ ಮ್ಯಾಪ್‌ ಲೈವ್‌ ವಿವ್ಯೂ ಎಂಬ ನ್ಯಾವಿಗೇಷನ್‌ ಮೋಡ್‌ ಅನ್ನು ಪರಿಚಯಿಸಿತ್ತು. ಗೂಗಲ್‌ ಸಂಸ್ಥೆ ಮ್ಯಾಪ್‌ ಆ್ಯಪ್‌ನಲ್ಲಿಎಷ್ಟು ಸಾಧ್ಯವೋ ಅಷ್ಟು ಸುರಕ್ಷಾ ತಂತ್ರಜ್ಞಾನವನ್ನು ಅಳವಡಿಸಿಕೊಳ್ಳುತ್ತಿದೆ.

ಗೂಗಲ್ ಹುಡುಕಾಟದಲ್ಲಿರುವಾಗ ಬಳಕೆದಾರರು ಯಾವೆಲ್ಲ ತಾಣಗಳಿಗೆ ಭೇಟಿ ನೀಡಿದ್ದಾರೆ ಮತ್ತು ಅವರ ಆಸಕ್ತಿಗಳೇನು ಎಂಬ ಬಗ್ಗೆ ಮಾಹಿತಿ ಸಂಗ್ರಹಿಸುತ್ತದೆ ಎನ್ನಲಾಗಿದೆ. ಆದರೆ ಇನ್‌ಕಾಗ್ನಿಟೊ ಮೋಡ್ ಬಳಸಿದರೆ, ಅಂತಹ ಸಮಸ್ಯೆಯಿರುವುದಿಲ್ಲ.

Facebook: ಹೇಟ್‌ ಪೋಸ್ಟ್‌ಗಳಿಂದಲೂ ಹಣ!