Google Chrome: ಇನ್‌ಕಾಗ್ನಿಟೋ ಮೋಡ್‌ ಮತ್ತಷ್ಟು ಸುಧಾರಣೆ

ಖಾಸಗಿಯಾಗಿ ಬ್ರೌಸಿಂಗ್ ಮಾಡಲು ಮತ್ತು ನೆಟ್‌ ಜಾಲಾಟದ ಜಾಡನ್ನು ಇತರರು ಹಿಂಬಾಲಿಸದಂತೆ ಇರಲು ಜನರು ಗೂಗಲ್ ಕ್ರೋಮ್‌ನ ಇನ್‌ಕಾಗ್ನಿಟೋ ಮೋಡ್ ಬಳಸುತ್ತಾರೆ.

ಆದರೆ ಇನ್‌ಕಾಗ್ನಿಟೋ ಮೋಡ್‌ನಲ್ಲಿದ್ದರೂ, ಕೆಲವು ಡೆವಲಪರ್‌ಗಳು ವೆಬ್‌ಸೈಟ್ ಟ್ರ್ಯಾಕ್ ಮಾಡಲು ಮತ್ತು ನಿಮ್ಮ ಬ್ರೌಸಿಂಗ್ ಹಿಸ್ಟರಿಯನ್ನು ಪರಿಶೀಲಿಸಲು ಸಾಧ್ಯವಿದೆ.

ಆನ್‌ಲೈನ್‌ನಲ್ಲಿ ಲಭ್ಯವಿರುವ ಕೆಲ ಟೂಲ್ ಬಳಸಿ ಡೆವಲಪರ್‌ಗಳು ಇನ್‌ಕಾಗ್ನಿಟೋ ಮೋಡ್‌ ಬ್ರೌಸಿಂಗ್ ಅನ್ನು ಜಾಲಾಡುತ್ತಾರೆ.

ಮುಂದೆ ಅಂತಹ ಟೂಲ್‌ಗಳ ಬಳಕೆಗೆ ಅವಕಾಶ ನೀಡದಿರಲು ಗೂಗಲ್ ಕ್ರೋಮ್ ನಿರ್ಧರಿಸಿದ್ದು, ಇನ್‌ಕಾಗ್ನಿಟೋ ಮೋಡ್‌ ಅನ್ನು ಪೂರ್ಣವಾಗಿ ಖಾಸಗಿ ಬ್ರೌಸಿಂಗ್‌ಗೆ ಬಳಕೆಯಾಗುವ ರೀತಿ ರೂಪಿಸಲಿದೆ ಎಂದು ಹೇಳಿದೆ.

ಡೆವಲಪರ್‌ಗಳು ಬಳಕೆದಾರರ ಬ್ರೌಸಿಂಗ್ ಮಾಹಿತಿ ಪಡೆದು ಅದನ್ನು ಜಾಹೀರಾತಿಗೆ ಬಳಸುತ್ತಾರೆ ಎಂಬ ಆರೋಪವಿದ್ದು, ಖಾಸಗೀತನ ಮತ್ತು ಸುರಕ್ಷತೆಯ ಕಾರಣಕ್ಕೆ ಇನ್‌ಕಾಗ್ನಿಟೋ ಮೋಡ್ ಅನ್ನು ಮತ್ತಷ್ಟು ಸುಧಾರಿಸಲು ಗೂಗಲ್ ಕ್ರಮ ಕೈಗೊಳ್ಳಲಿದೆ ಎಂದು ಗೂಗಲ್ ಹೇಳಿದೆ.