Google Pixel 3A: ಐಫೋನ್ ಟ್ರೋಲ್ ಮಾಡಿದ ಗೂಗಲ್

ಹೊಸದಿಲ್ಲಿ: ಟೆಕ್ ಜಗತ್ತಿನಲ್ಲಿ ಮುಂಚೂಣಿಯ ಆ್ಯಪಲ್ ಐಫೋನ್ ಬ್ರ್ಯಾಂಡ್‌ಗೆ ಗೂಗಲ್ ದಿಟ್ಟ ಸಡ್ಡು ನೀಡುತ್ತಿದೆ. ಇದರಂತೆ ಹೊಸದಾಗಿ ಬಿಡುಗಡೆ ಮಾಡಿದ ಜಾಹೀರಾತಿನಲ್ಲಿ ಐಫೋನ್‌ ಟ್ರೋಲ್ ಮಾಡುವ ಮೂಲಕ ಟಕ್ಕರ್ ನೀಡಿದೆ.

ಗೂಗಲ್ ಮಾರುಕಟ್ಟೆಗೆ ಹೊರತಂದಿರುವ ಪಿಕ್ಸೆಲ್ 3ಎ ಹಾಗೂ ಪಿಕ್ಸೆಲ್ 3ಎ ಎಕ್ಸ್‌ಎಲ್ ಸ್ಮಾರ್ಟ್‌ಫೋನ್‌ಗಳ ಹೊಸ ಫೀಚರ್ ಪರಿಯಚಿಸುವ ಮೂಲಕ ಐಫೋನ್ ಜತೆ ಹೋಲಿಕೆ ಮಾಡುವ ಪಯತ್ನ ಮಾಡಿದೆ.

ನಿಮಗೆಲ್ಲರಿಗೂ ತಿಳಿದಿರುವಂತೆಯೇ ಗೂಗಲ್ ಮ್ಯಾಪ್‌ನಲ್ಲಿ ನಿಖರತೆಯನ್ನು ಪಡೆದಿರುವ ಗೂಗಲ್, ಹೊಸ ಪಿಕ್ಸೆಲ್ 3ಎ ಸ್ಮಾರ್ಟ್‌ಫೋನ್‌ನಲ್ಲಿರುವ ಎಆರ್ ನೇವಿಗೇಷನ್ ಫೀಚರ್ ಪರಿಚಯಿಸಿದೆ.

ರಿಯಲ್ ಟೈಮ್ ಮಾರ್ಗದರ್ಶಕಗಳಾದ ಏರೋ ಚಿಹ್ನೆಗಳು ಎಷ್ಟು ನಿಖರವಾಗಿದೆ ಎಂಬುದನ್ನು ಗೂಗಲ್ ಉದಾಹರಣೆ ಸಹಿತ ತೋರಿಸಿದೆ. ಐಫೋನ್‌ನಲ್ಲಿ ಇದರ ಕೊರತೆಯು ಕಾಡುತ್ತಿದೆ.

ಅಷ್ಟಕ್ಕೂ ಗೂಗಲ್ ಮ್ಯಾಪ್ಸ್ ಎಆರ್ ಬಳಕೆಗಾಗಿ ಗೂಗಲ್ ಸ್ಟ್ರೀಟ್ ವ್ಯೂ ಫೀಚರ್‌ನ ಅಗತ್ಯವಿದೆ. ಸದ್ಯಕ್ಕೆ ಇದು ಭಾರತದಲ್ಲಿ ಅಲಭ್ಯವಾಗಿರುವುದಿರಿಂದ ಎಆರ್ ಸೇವೆಯನ್ನು ಹೊಂದಿರುವುದಿಲ್ಲ.

ಅಂದ ಹಾಗೆ ಇತ್ತೀಚೆಗಷ್ಟೇ ಭಾರತ ಮಾರುಕಟ್ಟೆಯನ್ನು ಪ್ರವೇಶಿಸಿರುವ ಗೂಗಲ್ ಪಿಕ್ಸೆಲ್ 3ಎ ಹಾಗೂ ಪಿಕ್ಸೆಲ್ 3ಎ ಎಕ್ಸ್‌ಎಲ್ ಸ್ಮಾರ್ಟ್‌ಫೋನ್‌ಗಳು ಅನುಕ್ರಮವಾಗಿ 39,999 ರೂ. ಹಾಗೂ 44,999 ರೂ.ಗಳಷ್ಟು ದುಬಾರಿಯೆನಿಸುತ್ತದೆ.