BSNL: ಸೀಮಿತ ಅವಧಿಗೆ ಪ್ರಿಪೇಯ್ಡ್ ಕೊಡುಗೆ

ರಿಲಯನ್ಸ್ ಜಿಯೋ ಪ್ರವೇಶದ ಬಳಿಕ ಹೊಸ ಹೊಸ ಯೋಜನೆಗಳನ್ನು ವಿವಿಧ ಟೆಲಿಕಾಂ ಆಪರೇಟರ್‌ಗಳು ನೀಡುತ್ತಿದ್ದಾರೆ. ಬಿಎಸ್‌ಎನ್‌ಎಲ್ ಕೂಡ ಹೊಸ ಪ್ಲ್ಯಾನ್ ಒಂದರ ವ್ಯಾಲಿಡಿಟಿ ವಿಸ್ತರಿಸಿ, ಹೊಸ ಪ್ಲ್ಯಾನ್ ಪ್ರಕಟಿಸಿದೆ. 1,699 ರೂ. ರೀಚಾರ್ಜ್‌ ಮಾಡಿದರೆ, ಈಗ 90 ದಿನಗಳ ಹೆಚ್ಚುವರಿ ವ್ಯಾಲಿಡಿಟಿ ದೊರೆಯುತ್ತಿದೆ.

ಹೀಗಾಗಿ ಹೊಸ ಪ್ಲ್ಯಾನ್ ಪ್ರಸ್ತುತ 455 ದಿನಗಳ ವ್ಯಾಲಿಡಿಟಿ ಹೊಂದಿದ್ದು, ಆಗಸ್ಟ್ 14ರಿಂದ ಸೆ. 13 ರವರೆಗೆ ಈ ರೀಚಾರ್ಜ್ ಕೊಡುಗೆ ಲಭ್ಯವಿದೆ. ಈ ಅವಧಿಯಲ್ಲಿ 1,699 ರೂ. ಪ್ರಿಪೇಯ್ಡ್ ರೀಚಾರ್ಜ್‌ಗೆ 455 ದಿನದ ವ್ಯಾಲಿಡಿಟಿ, ದಿನಂಪ್ರತಿ 250 ನಿಮಿಷಗಳ ಲೋಕಲ್ ಅಥವಾ ಎಸ್‌ಟಿಡಿ, ನ್ಯಾಶನಲ್ ರೋಮಿಂಗ್, ಡೆಲ್ಲಿ ಮತ್ತು ಮುಂಬೈ ಸರ್ಕಲ್‌ನಲ್ಲೂ ಆಫರ್ ಅನ್ವಯವಾಗಲಿದೆ.

ಅದರ ಜತೆ ದಿನವೂ 2 GB 4G ಡೇಟಾ ದೊರೆಯಲಿದೆ.

ಆಗಾಗ ರೀಚಾರ್ಜ್ ಮಾಡುವ ಕಿರಿಕಿರಿಯಿಂದ ಪಾರಾಗಬೇಕಾದರೆ, ದೀರ್ಘಾವಧಿಯ ಪ್ಲ್ಯಾನ್ ಅಳವಡಿಸಿಕೊಂಡು, ಅದರ ಮೂಲಕ ಗರಿಷ್ಠ ಪ್ರಯೋಜನ ಪಡೆಯಲು ಬಿಎಸ್‌ಎನ್‌ಲ್ ಹೊಸ ಪ್ರಿಪೇಯ್ಡ್ ಆಫರ್ ನೆರವಾಗಲಿದೆ.