TikTok: ಕೊರೊನಾ ಕುರಿತ ಸುಳ್ಳುಸುದ್ದಿ ತೆಗೆಯಲು ಸರಕಾರ ಸೂಚನೆ

ದೇಶದಲ್ಲಿ ಲಾಕ್‌ಡೌನ್ ಮೂಲಕ ವೈರಸ್ ಹಾವಳಿ ನಿಯಂತ್ರಣಕ್ಕೆ ಕೇಂದ್ರ ಸರಕಾರ ಶ್ರಮಿಸುತ್ತಿದ್ದರೆ, ಮತ್ತೊಂದೆಡೆ ಕಿಡಿಗೇಡಿಗಳು ಸೋಶಿಯಲ್ ಮೀಡಿಯಾ ಮೂಲಕ ಇಲ್ಲಸಲ್ಲದ ಸುಳ್ಳು ಸುದ್ದಿ ಹರಡುತ್ತಿರುವುದು ಸರಕಾರಕ್ಕೆ ಸವಾಲಾಗಿದೆ. ಹೀಗಾಗಿ ಕೋವಿಡ್ 19 ಕುರಿತು ಅನಧಿಕೃತ ಮಾಹಿತಿ ಮತ್ತು ಪೋಸ್ಟ್ ಮಾಡಲಾಗಿರುವ ಎಲ್ಲ ಸುಳ್ಳು ಸುದ್ದಿಯನ್ನು, ಆತಂಕಕಾರಿ ಪೋಸ್ಟ್‌ಗಳನ್ನು ಕಿತ್ತೊಗೆಯುವಂತೆ ಸರಕಾರ ಸೂಚನೆ ನೀಡಿದೆ.

ಟಿಕ್‌ಟಾಕ್, ಹಲೋ ಮತ್ತು ಫೇಸ್‌ಬುಕ್ ಸಹಿತ ವಿವಿಧ ಸಾಮಾಜಿಕ ತಾಣಗಳಲ್ಲಿ ಈಗಾಗಲೇ ದ್ವೇಷ ಹರಡುವ, ವೈರಸ್ ಕುರಿತ ಅವೈಜ್ಞಾನಿಕ ಮತ್ತು ತಿರುಚಲಾದ ಅಂಕಿ ಅಂಶ, ಮಾಹಿತಿಯನ್ನು ಹರಡುವವರ ವಿರುದ್ಧ ಸೂಕ್ತ ಕ್ರಮಕ್ಕೆ ಸರಕಾರ ಮುಂದಾಗಿದೆ.

ಅಂತಹ ಎಲ್ಲ ಪೋಸ್ಟ್‌ಗಳನ್ನು ಪತ್ತೆಮಾಡಿ ಡಿಲೀಟ್ ಮಾಡಿ. ಜತೆಗೆ ಪೋಸ್ಟ್ ಮಾಡಿದವರ ವಿವರವನ್ನ ಸಂಗ್ರಹಿಸಿಟ್ಟುಕೊಳ್ಳುವಂತೆ ಸೂಚನೆ ನೀಡಿರುವ ಸರಕಾರ, ಅಗತ್ಯವಿದ್ದಲ್ಲಿ ಅದನ್ನು ತನಿಖಾ ಸಂಸ್ಥೆಗಳೊಂದಿಗೆ ಹಂಚಿಕೊಳ್ಳುವಂತೆ ನಿರ್ದೇಶನ ನೀಡಿದೆ.

DTH Offer: ಟಾಟಾ ಸ್ಕೈ, ಡಿಶ್ ಟಿವಿ ಮತ್ತು ಏರ್‌ಟೆಲ್ ಡಿಜಿಟಲ್ ಟಿವಿ ಆಫರ್

ಸರಕಾರದ ಈ ಕ್ರಮದಿಂದಾಗಿ ಟಿಕ್‌ಟಾಕ್, ಹಲೋ, ಫೇಸ್‌ಬುಕ್‌ನಲ್ಲಿ ಮಾತ್ರವಲ್ಲದೆ, ಯೂಟ್ಯೂಬ್ ಮತ್ತು ಟ್ವಿಟರ್‌ನಲ್ಲಿ ಆರೋಗ್ಯ ಇಲಾಖೆ ಮತ್ತು ಸರಕಾರದ ನಿರ್ದೇಶನವನ್ನು ಧಿಕ್ಕರಿಸಿ ವೈರಸ್ ಹರಡಲು ಕಾರಣವಾಗುವಂತಹ ಪೋಸ್ಟ್ ಮಾಡಿರುವ ಕುರಿತು ಫ್ಯಾಕ್ಟ್ ಚೆಕ್ ಐಟಿ ಸಂಸ್ಥೆ ವೊಯೇಜರ್ ಇನ್ಫೋಸೆಕ್ ಸರಕಾರಕ್ಕೆ ವರದಿ ನೀಡಿದೆ. ಹೀಗಾಗಿ ಅಂತಹ ವಿಡಿಯೋ, ಮಾಹಿತಿಯನ್ನು ಗಂಭೀರವಾಗಿ ಪರಿಗಣಿಸಿರುವ ಸರಕಾರ, ಸೂಕ್ತ ಕ್ರಮಕ್ಕೆ ಮುಂದಾಗಿದೆ.

WhatsApp Message: ಫಾರ್‌ವರ್ಡ್ ಮೆಸೇಜ್‌ಗೆ ಮಿತಿ, ಸುಳ್ಳು ಸುದ್ದಿಗೆ ತಡೆ!