PUBG Lite: ಪ್ರಿ ರಿಜಿಸ್ಟ್ರೇಶನ್ ಹೇಗೆ?

ಯುಜನತೆಯ ಜನಪ್ರಿಯ ಗೇಮ್‌ ಪಬ್‌ಜಿಯ ಲೈಟ್ ಆವೃತ್ತಿ ದೇಶದಲ್ಲಿ ಶೀಘ್ರದಲ್ಲಿ ಲಭ್ಯವಾಗಲಿದ್ದು, ಆಸಕ್ತರು ಪ್ರಿ ರಿಜಿಸ್ಟರ್ ಮಾಡಿಕೊಳ್ಳಬಹುದು.

ಈ ಕುರಿತು ಪಬ್‌ಜಿ ಲೈಟ್ ಫೇಸ್‌ಬುಕ್ ಪೇಜ್‌ನಲ್ಲಿ ಪ್ರಕಟಿಸಿದೆ. ಕಡಿಮೆ ರ‍್ಯಾಮ್, ಪ್ರೊಸೆಸರ್ ಮತ್ತು ಸ್ಟೋರೇಜ್ ಇರುವ ಸ್ಮಾರ್ಟ್‌ಫೋನ್‌ಗಳಲ್ಲಿ ಪಬ್‌ಜಿ ಲೈಟ್ ಆವೃತ್ತಿಯನ್ನು ಸುಲಲಿತವಾಗಿ ಬಳಸಬಹುದು. ದೇಶದಲ್ಲಿ ಮತ್ತಷ್ಟು ಹೆಚ್ಚಿನ ಬಳಕೆದಾರರನ್ನು ಸೆಳೆಯುವ ಉದ್ದೇಶದಿಂದ ಪಬ್‌ಜಿ ಲೈಟ್ ಆವೃತ್ತಿ ಪರಿಚಯಿಸುತ್ತಿದೆ.

ಪಬ್‌ಜಿ ಲೈಟ್ ಈಗಾಗಲೇ ಹಲವು ದೇಶದಲ್ಲಿ ದೊರೆಯುತ್ತಿದ್ದು, ಮುಂದೆ ಭಾರತ, ಪಾಕಿಸ್ತಾನ, ಶ್ರೀಲಂಕಾ, ಬಾಂಗ್ಲಾದೇಶ ಸಹಿತ ಏಷ್ಯಾದ ರಾಷ್ಟ್ರಗಳಲ್ಲಿ ದೊರೆಯಲಿದೆ.

ಪ್ರಿ ರಿಜಿಸ್ಟ್ರೇಶನ್ ಜುಲೈ 3ರ ಮಧ್ಯರಾತ್ರಿಯವರೆಗೆ ತೆರೆದಿದ್ದು, ಅಧಿಕೃತ ವೆಬ್‌ಸೈಟ್ ಮೂಲಕ ನೋಂದಣಿ ಮಾಡಿಕೊಳ್ಳಬಹುದು. ಜತೆಗೆ ಪ್ರಿ ರಿಜಿಸ್ಟರ್ ಮಾಡಿಕೊಂಡರೆ, ಫ್ರೀ ಸ್ಕಿನ್ ಮತ್ತು ಇತರ ಹಲವು ಕೊಡುಗೆ ದೊರೆಯಲಿದೆ.

ಪಬ್‌ಜಿ ಲೈಟ್ ನೋಂದಣಿ ಹೇಗೆ?
ಪಬ್‌ ಜಿ ಲೈಟ್ ಪ್ರಿ ರಿಜಿಸ್ಟ್ರೇಶನ್ ಲಿಂಕ್ ತೆರೆಯಿರಿ: https://lite.pubg.com/
ಅದರಲ್ಲಿ ಪಾರ್ಟಿಸಿಪೇಟ್ ಈವೆಂಟ್ ಆಯ್ಕೆ ಮಾಡಿ

ನಂತರ ಯಾವ ರೀತಿ ನೀವು ನೋಂದಣಿ ಮಾಡುವಿರಿ ಎಂಬ ಆಯ್ಕೆ ಬರುತ್ತದೆ. ಬಳಿಕ ಲಿಂಕ್ ಯುವರ್ ಫೇಸ್‌ಬುಕ್ ಅಕೌಂಟ್ ಆಯ್ಕೆ ಮಾಡಿ.
ಅಲ್ಲಿಗೆ ನೋಂದಣಿ ಪೂರ್ಣವಾಗುತ್ತದೆ.

ಬಳಿಕ ಜುಲೈ 11ರಂದು ನೋಂದಣಿ ಕೋಡ್ ನಿಮ್ಮ ಇ ಮೇಲ್‌ಗೆ ಬರಲಿದೆ. ಅದನ್ನು ಬಳಸಿಕೊಂಡು ಹೆಚ್ಚುವರಿ ಸ್ಕಿನ್, ರಿವಾರ್ಡ್ ಪಡೆಯಬಹುದು.