Best Dating Apps: ಪ್ರೇಯಸಿ ಸಿಕ್ಕಿಲ್ಲವೆಂದು ಬೇಸರಿಸಬೇಡಿ..!

ಟಿಂಡರ್ ಎನ್ನುವುದು ದೇಶದಲ್ಲಿರುವ ಪ್ರಮುಖ ಡೇಟಿಂಗ್ ಆ್ಯಪ್‌ ಆಗಿದ್ದು, ಫೇಸ್‌ಬುಕ್ ಮೂಲಕ ಲಾಗಿನ್ ಆಗಬಹುದು. ಇಲ್ಲವೆ, ಫೋನ್ ನಂಬರ್ ನೀಡುವ ಮೂಲಕವೂ ಖಾತೆ ತೆರೆಯಬಹುದು. ನಿಮ್ಮ ಇಂಟರೆಸ್ಟ್‌ಗೆ ಪೂರಕವಾಗಿ, ಸಮಾನ ಆಸಕ್ತಿ ಹೊಂದಿರುವ ಪ್ರೊಫೈಲ್‌ಗಳು ನಿಮಗೆ ಲಭ್ಯವಾಗುತ್ತದೆ.

ಟ್ರೂಲಿ ಮ್ಯಾಡ್ಲಿ ಎನ್ನುವುದು ಭಾರತದಲ್ಲಿ ಲಭ್ಯವಿರುವ ಮತ್ತೊಂದು ಪ್ರಮುಖ ಡೇಟಿಂಗ್ ಆ್ಯಪ್‌. ಇಲ್ಲಿ ದಾಖಲೆಗಳನ್ನು ನೀಡಿ ನಿಮ್ಮ ಖಾತೆಯನ್ನು ದೃಢೀಕರಿಸಬೇಕು. ನಿಮ್ಮ ಪ್ರೊಫೈಲ್‌ ಅನ್ನು ಮತ್ತೊಬ್ಬರು ಲೈಕ್ ಮಾಡಿ, ಮ್ಯಾಚ್ ಆದರೆ ನಿಮಗೆ ಚಾಟ್ ಆಯ್ಕೆ ದೊರೆಯಲಿದೆ.

ಹ್ಯಾಪನ್ ಎನ್ನುವುದು ಮತ್ತೊಂದು ಬೆಸ್ಟ್ ಡೇಟಿಂಗ್ ಆ್ಯಪ್‌ ಆಗಿದ್ದು, ಲೊಕೇಶನ್ ಆಧಾರದಲ್ಲಿ ಕಾರ್ಯನಿರ್ವಹಿಸುತ್ತದೆ. ರಸ್ತೆಯಲ್ಲಿ ನಡೆದಾಡುವಾಗ, ಪ್ರಯಾಣದಲ್ಲಿರುವಾಗ ನಿಮ್ಮ ಬಳಿ ಸಾಗಿದ ವ್ಯಕ್ತಿಯ ಮೇಲೆ ನಿಮಗೆ ಕ್ರಶ್ ಆದರೆ, ಅವರು ಕೂಡ ಹ್ಯಾಪನ್ ಬಳಸುತ್ತಿದ್ದರೆ, ಮ್ಯಾಚ್ ಆದರೆ ನಿಮಗೆ ಡೇಟಿಂಗ್ ಆಯ್ಕೆ ದೊರೆಯುತ್ತದೆ.

ವೂ ಎನ್ನುವುದು ಉತ್ತಮ ಶೈಕ್ಷಣಿಕ ಮತ್ತು ಔದ್ಯೋಗಿಕ ಹಿನ್ನಲೆಯುಳ್ಳವರಿಗಾಗಿ ಡೇಟಿಂಗ್ ಆಯ್ಕೆ ಕಲ್ಪಿಸುತ್ತದೆ. ವಾಯ್ಸ್ ಇಂಟ್ರೋ, ಟ್ಯಾಗ್ ಸರ್ಚ್‌, ಡೈರೆಕ್ಟ್ ಮೆಸೇಜ್ ವಿವಿಧ ಆಯ್ಕೆಗಳನ್ನು ಈ ಆ್ಯಪ್‌ ಒದಗಿಸುತ್ತದೆ. ನಂಬರ್ ಹಂಚಿಕೊಳ್ಳದೆಯೇ ಚಾಟ್, ಕಾಲ್ ಮಾಡಬಹುದು.

ದೇಶದಲ್ಲಿ ಇರುವ ಮತ್ತೊಂದು ಇಂಟರೆಸ್ಟಿಂಗ್ ಆ್ಯಪ್‌ ಎಂದರೆ ಅದು ಐಸ್ಲ್ ಡೇಟಿಂಗ್ ಆ್ಯಪ್‌. ನಿಮ್ಮಲ್ಲಿ ಫೇಸ್‌ಬುಕ್, ಲಿಂಕ್ಡ್‌ ಇನ್ ಆ್ಯಪ್‌ ಇದ್ದರೆ ಉತ್ತಮ. ಇಲ್ಲಿ ಕೂಡ ಖಾತೆ ದೃಢೀಕರಣ ಅಗತ್ಯವಾಗಿ ಬೇಕಾಗುತ್ತದೆ. ಒಮ್ಮೆ ಖಾತೆ ದೃಢಪಟ್ಟ ಬಳಿಕ ಡೇಟಿಂಗ್ ಆ್ಯಪ್‌ ಚಾಟ್ ಮತ್ತಿತರ ಆಯ್ಕೆಗಳನ್ನು ಬಳಸಬಹುದು.

ಜಾಗತಿಕವಾಗಿ ಅತ್ಯಧಿಕ ಸಂಖ್ಯೆಯಲ್ಲಿ ಬಳಕೆದಾರರನ್ನು ಹೊಂದಿರುವ ಡೇಟಿಂಗ್ ಆ್ಯಪ್‌ ಎಂದರೆ ಅದು ಬಾಡೂ. ಟಿಂಡರ್‌ಗೆ ಹೋಲಿಕೆಯಿರುವ ಕೆಲವೊಂದು ಆಯ್ಕೆಗಳನ್ನು ಈ ಆ್ಯಪ್‌ ಹೊಂದಿದೆ. ಫೋಟೋ ಮೂಲಕ ಇದನ್ನು ದೃಢೀಕರಿಸಲಾಗುತ್ತದೆ. ಲೊಕೇಶನ್ ಆಧರಿಸಿ ನಿಮಗೆ ಪ್ರೊಫೈಲ್ ಮ್ಯಾಚಿಂಗ್ ಒದಗಿಸುತ್ತದೆ.

ನೀವು ಟ್ರೈ ಮಾಡಬಹುದಾದ ಮತ್ತೊಂದು ಡೇಟಿಂಗ್ ಆ್ಯಪ್‌ ಎಂದರೆ ಅದು ಕಾಫಿ ಮೀಟ್ಸ್ ಬಗೆಲ್. ಮಹಿಳೆಯರಿಗೆ ಹೆಚ್ಚಿನ ಆಯ್ಕೆ ಒದಗಿಸುವ ಆ್ಯಪ್‌ ಇದಾಗಿದೆ. ಹುಡುಗರಿಗೆ ಈ ಆ್ಯಪ್‌ನಲ್ಲಿ ಕಡಿಮೆ ಆಯ್ಕೆಗಳಿವೆ, ಆದರೆ ಹುಡುಗಿಯರಿಗೆ ಅಧಿಕ ಆಯ್ಕೆ ಲಭ್ಯವಿದೆ.

ಡೇಟಿಂಗ್ ಆ್ಯಪ್‌ ಎಂದು ಅಝರ್ ಎಲ್ಲೂ ಪ್ರಚಾರ ನೀಡುವುದಿಲ್ಲ. ಆದರೆ ಅಪರಿಚಿತರೊಡನೆ ಚಾಟ್ ಮಾಡಲು, ವಿಡಿಯೋ ಕಾಲ್ ಮಾಡಲು ಅವಕಾಶ ಕಲ್ಪಿಸುತ್ತದೆ. ನಿಮ್ಮ ಆಸಕ್ತಿಗೆ ಅನುಗುಣವಾಗಿ ಮ್ಯಾಚಿಂಗ್ ಪ್ರೊಫೈಲ್ ಹುಡುಕಬಹುದು. ಜತೆಗೆ ಚಾಟ್ ಟ್ರಾನ್ಸ್‌ಲೇಶನ್ ಆಯ್ಕೆ ಕೂಡ ಲಭ್ಯವಿದೆ.

ಒಕ್ಯೂಪಿಡ್ ಎನ್ನುವುದು ಅಂತಾರಾಷ್ಟ್ರೀಯ ಡೇಟಿಂಗ್ ಆ್ಯಪ್‌ ಆಗಿದೆ. 113 ರಾಷ್ಟ್ರಗಳಲ್ಲಿ ಕಾರ್ಯನಿರ್ವಹಿಸುತ್ತಿದೆ. ಇದು ಭದ್ರತೆ ಮತ್ತು ಖಾಸಗಿತನವನ್ನು ಹೆಚ್ಚು ಗಂಭೀರವಾಗಿ ಪರಿಗಣಿಸುತ್ತದೆ. ಹೀಗಾಗಿ ಡೇಟಿಂಗ್ ಕುರಿತು ಸೀರಿಯಸ್ ಆಗಿರುವವರು ಇದನ್ನು ಬಳಸಬಹುದು.

ಹಿಂಜ್ ಡೇಟಿಂಗ್ ಆ್ಯಪ್‌ ಫೇಸ್‌ಬುಕ್ ಮೂಲಕ ಲಾಗಿನ್ ಆಯ್ಕೆ ಒದಗಿಸುತ್ತದೆ. ಬಳಿಕ ನೀವು ಖಾತೆ ರಚಿಸಿಕೊಂಡು, ಅಲ್ಲಿ ನಿಮ್ಮ ಮ್ಯಾಚ್ ಹುಡುಕಿಕೊಳ್ಳಬಹುದು. ನಿಮ್ಮ ಫೋಟೋ, ಆಸಕ್ತಿಯ ವಿವರ ಬಳಸಿಕೊಂಡು ಅಲ್ಲಿ ಟೈಮ್‌ಲೈನ್ ಸೃಷ್ಟಿಯಾಗುತ್ತದೆ.