ಐಫೋನ್ ಎಕ್ಸ್ ಖರೀದಿ ವೇಳೆಯಲ್ಲಿ ಶೇ. 70ರಷ್ಟು ಡಿಸ್ಕೌಂಟ್

ಹೊಸದಿಲ್ಲಿ: ಭಾರತದಲ್ಲಿ ಆ್ಯಪಲ್ ಐಫೋನ್ ಎಕ್ಸ್ ಮುಂಗಡ ಪ್ರಕ್ರಿಯೆಯನ್ನು ಆರಂಭಿಸಲಾಗಿದೆ. ಆಸಕ್ತ ಗ್ರಾಹಕರು ಆನ್ಲೈನ್ ಮತ್ತು ಆಫ್‌ಲೈನ್ ಮುಖಾಂತರ ಬುಕ್ಕಿಂಗ್ ಮಾಡಿಕೊಳ್ಳಬಹುದಾಗಿದೆ.

ಅಮೇಜಾನ್ ಅಥವಾ ರಿಯಲನ್ಸ್ ಡಿಜಿಟಲ್ ಸ್ಟೋರ್ ಮುಖಾಂತರ ಬುಕ್ಕಿಂಗ್ ಮಾಡಿಕೊಳ್ಳುವಾಗ ಐಫೋನ್ ಎಕ್ಸ್ ಖರೀದಿಯಲ್ಲಿ ಶೇಕಡಾ 70ರಷ್ಟು ಡಿಸ್ಕೌಂಟ್ ದೊರಕಲಿದೆ.

ರಿಲಯನ್ಸ್ ಜಿಯೋ ಗ್ರಾಹಕರು ಮೈ ಜಿಯೋ ಆ್ಯಪ್ ಮುಖಾಂತರ ಬುಕ್ಕಿಂಗ್ ಮಾಡಿಕೊಳ್ಳಬಹುದಾಗಿದೆ. ಐಫೋನ್ 8 ಮತ್ತು ಐಫೋನ್ 8 ಪ್ಲಸ್ ಮಾದರಿಗಳಿಗೂ ರಿಲಯನ್ಸ್ ಜಿಯೋ ಶೇಕಡಾ 70ರಷ್ಟು ಬಯ್ ಬ್ಯಾಕ್ ನೀಡುತ್ತಿದೆ.

2017 ನವೆಂಬರ್ 3ರಿಂದ ಡಿಸೆಂಬರ್ 31ರ ವರೆಗೆ ಶೇಕಡಾ 70ರಷ್ಟು ಬಯ್ ಬ್ಯಾಕ್ ಆಫರ್ ಲಭ್ಯವಾಗಲಿದೆ. ಈಗಿರುವ ಹೊಸತಾದ ರಿಲಯನ್ಸ್ ಜಿಯೋ ಗ್ರಾಹಕರಿಗೆ ಆಫರ್ ಲಭ್ಯವಾಗಲಿದೆ.

ರಿಲಯನ್ಸ್ ಜಿಯೋ ಗ್ರಾಹಕರು 799 ರೂ. ಅಥವಾ ಅದಕ್ಕಿಂತಲೂ ಹೆಚ್ಚು ಮೊತ್ತದ ಪ್ಲ್ಯಾನ್ ಅನ್ನು 12 ತಿಂಗಳ ವರೆಗೆ ಖರೀದಿಸಬೇಕು ಅಥವಾ ವಾರ್ಷಕ 9999 ರೂ. ಪಾವತಿ ಮಾಡಬೇಕು. 799 ರೂ. ಪ್ಲ್ಯಾನ್ ಮುಖಾಂತರ ಗ್ರಾಹಕರು 28 ದಿನಗಳ ವರೆಗೆ ದಿನಕ್ಕೆ 3ಜಿಬಿ ಇಂಟರ್‌ನೆಟ್ ಡೇಟಾ ಮತ್ತು ಅನಿಯಮಿತ ಕರೆ ಸೇವೆ ಸಿಗಲಿದೆ.

ಐಫೋನ್ ಎಕ್ಸ್ ಪ್ರಾರಂಭಿಕ ಬೆಲೆ 89,000 ರೂ.ಗಳಾಗಿವೆ. ಇದು OLED ಡಿಸ್‌ಪ್ಲೇ ಜತೆಗೆ ಡಾಲ್ಬಿ ವಿಷನ್ ಮತ್ತು HDR10 ಬೆಂಬಲವನ್ನು ಪಡೆದಿದೆ. ಸೂಪರ್ ರೆಟಿನಾ ಎಡ್ಜ್-ಟು-ಎಡ್ಜ್ 5.8 ಇಂಚುಗಳ ಡಿಸ್‌ಪ್ಲೇ ಜತೆ 2436 x 1125 ಪಿಕ್ಸೆಲ್ ರೆಸೊಲ್ಯೂಷನ್ ಇರುತ್ತದೆ.