Phantom Smartphone: ಟೆಕ್ನೋ ವಿನೂತನ ಫೋನ್

ಹಾಂಗ್ ಕಾಂಗ್ ಮೂಲದ ಟ್ರಾನ್ಸಿಶನ್ ಹೋಲ್ಡಿಂಗ್ಸ್‌ನ ಸ್ಮಾರ್ಟ್‌ಫೋನ್ ಬ್ರ್ಯಾಂಡ್ ಆಗಿರುವ ಟೆಕ್ನೋ ಮೊಬೈಲ್ಸ್ ಭಾರತದಲ್ಲಿ ಫಾಂಟಮ್ ಸ್ಮಾರ್ಟ್‌ಫೋನ್ ಬಿಡುಗಡೆ ಮಾಡಲು ತಯಾರಿ ನಡೆಸಿದೆ. ಜುಲೈ 10ರಂದು ನೂತನ ಟೆಕ್ನೋ ಫ್ಯಾಂಟಮ್ ಸ್ಮಾರ್ಟ್‌ಫೋನ್ ಬಿಡುಗಡೆಯಾಗುವ ಸಾಧ್ಯತೆಯಿದೆ.

ಫ್ಯಾಂಟಮ್ ಸ್ಮಾರ್ಟ್‌ಫೋನ್ 15,000 ಬೆಲೆ ಹೊಂದಿರಬಹುದು ಎಂದು ಅಂದಾಜಿಸಲಾಗಿದ್ದು, ರೆಡ್ಮಿ ನೋಟ್ 7 Pro ಮತ್ತು ರಿಯಲ್‌ಮಿ 3 Proಗೆ ಸ್ಪರ್ಧೆ ನೀಡಲಿದೆ.

ಟೆಕ್ನೋ ಈಗಾಗಲೇ ಸ್ಪಾರ್ಕ್ ಎಂಬ ಎಂಟ್ರಿ ಲೆವೆಲ್ ಸ್ಮಾರ್ಟ್‌ಫೋನ್, ಕ್ಯಾಮೊನ್ ಎಂಬ ಕ್ಯಾಮರಾ ವಿಶೇಷತೆ ಹೊಂದಿರುವ ಫೋನ್ ಮತ್ತು ಫ್ಯಾಂಟಮ್ ಸರಣಿಯ ಫ್ಲ್ಯಾಗ್‌ಶಿಪ್ ಸ್ಮಾರ್ಟ್‌ಫೋನ್ ಹೊಂದಿದೆ.

ನೂತನ ಫ್ಯಾಂಟಮ್ ಫೋನ್, ಡಿಸ್‌ಪ್ಲೇ ಫಿಂಗರ್‌ಪ್ರಿಂಟ್ ಸೆನ್ಸರ್, ಆರ್ಟಿಫಿಶಿಯಲ್ ಇಂಟಲಿಜೆನ್ಸ್ ಇರಲಿದೆ. ಉಳಿದಂತೆ ಯಾವುದೇ ಹೆಚ್ಚುವರಿ ವಿವರವನ್ನು ಟೆಕ್ನೋ ಬಹಿರಂಗಪಡಿಸಿಲ್ಲ.