Dark Mode: ವಾಟ್ಸಪ್‌ನಲ್ಲಿ ಬಳಸುವುದು ಹೇಗೆ?

ಗೂಗಲ್ ಆಂಡ್ರಾಯ್ಡ್‌ ಕ್ಯೂ ಆಪರೇಟಿಂಗ್ ಸಿಸ್ಟಂನಲ್ಲಿ ಪೂರ್ಣ ಪ್ರಮಾಣದ ಡಾರ್ಕ್ ಮೋಡ್ ಪರಿಚಯಿಸಲಿದೆ. ಜತೆಗೆ ಆ್ಯಪಲ್ ಕೂಡ ನೂತನ iOS 13ರಲ್ಲಿ ಡಾರ್ಕ್ ಮೋಡ್ ಹೊರತರುತ್ತಿದೆ.

ಅದರೊಂದಿಗೆ ವಾಟ್ಸಪ್ ಕೂಡ ಬಳಕೆದಾರರ ಅನುಕೂಲಕ್ಕಾಗಿ ಡಾರ್ಕ್ ಮೋಡ್ ಪರಿಚಯಿಸಲಿದೆ.

ಆದರೆ ಅದಕ್ಕೂ ಮೊದಲಾಗಿ, ಸ್ಮಾರ್ಟ್‌ಫೋನ್‌ನಲ್ಲಿ ವಾಟ್ಸಪ್‌ ಡಾರ್ಕ್‌ ಮೋಡ್ ಬಳಕೆ ಹೇಗೆ ಎನ್ನುವ ಕುರಿತು ಇಲ್ಲಿ ವಿವರ ನೀಡಲಾಗಿದೆ.

ಆಂಡ್ರಾಯ್ಡ್‌ ಫೋನ್‌ನಲ್ಲಿ ವಾಟ್ಸಪ್ ಡಾರ್ಕ್ ಮೋಡ್ ಬಳಕೆ ಹೇಗೆ?
ಸೆಟ್ಟಿಂಗ್ಸ್‌ಗೆ ತೆರಳಿ-ಡಿಸ್‌ಪ್ಲೇ-ಸೆಲೆಕ್ಟ್ ಥೀಮ್-ಡಾರ್ಕ್
ಡಾರ್ಕ್ ಮೋಡ್ ಆನ್ ಆದ ಬಳಿಕ, ಸೆಟ್ಟಿಂಗ್ಸ್‌ನಲ್ಲಿ ಅಬೌಟ್ ಫೋನ್ ತೆರೆಯಿರಿ.
ಅಲ್ಲಿ ಬಿಲ್ಡ್ ನಂಬರ್ ಆಯ್ಕೆ ಮಾಡಿ.
ನಂತರ Developers options is turned on ಸೆಲೆಕ್ಟ್ ಮಾಡಿ,
ಬಳಿಕ Override force-dark ಕ್ಲಿಕ್ ಮಾಡಿ.
ಈಗ ಡಾರ್ಕ್ ಮೋಡ್ ಆಕ್ಟಿವ್ ಆಗುತ್ತದೆ. ನಂತರ, ವಾಟ್ಸಪ್‌ ಸೆಟ್ಟಿಂಗ್ಸ್‌ನಲ್ಲಿ ವಾಲ್‌ಪೇಪರ್, ನನ್ ಎಂದು ಕೊಡಿ. ಈಗ ಆಂಡ್ರಾಯ್ಡ್ ಸ್ಮಾರ್ಟ್‌ಫೋನ್‌ನಲ್ಲಿ ವಾಟ್ಸಪ್ ಡಾರ್ಕ್ ಮೋಡ್‌ನಲ್ಲಿ ಲಭ್ಯವಾಗುತ್ತದೆ.

ಆ್ಯಪಲ್ ಐಓಎಸ್‌ನಲ್ಲಿ ವಾಟ್ಸಪ್‌ಗೆ ಡಾರ್ಕ್‌ಮೋಡ್
ಸೆಟ್ಟಿಂಗ್ಸ್‌ ಹೋಗಿ, ಜನರಲ್‌ನಲ್ಲಿ ಅಕ್ಸೆಸ್ಸಿಬಿಲಿಟಿ ತೆರೆಯಿರಿ. ಬಳಿಕ, ಡಿಸ್‌ಪ್ಲೇ ಅಕೊಮೋಡೇಶನ್‌ನಲ್ಲಿ ಇನ್‌ವರ್ಟ್ ಕಲರ್ ತೆರೆಯಿರಿ. ಅಲ್ಲಿ ಸ್ಮಾರ್ಟ್ ಇನ್‌ವರ್ಟ್ ಆಯ್ಕೆ ಮಾಡಿ.
ಈಗ ಎಲ್ಲ ಆ್ಯಪ್ಸ್‌ನಲ್ಲಿ ಡಾರ್ಕ್ ಥೀಮ್ ಲಭ್ಯವಾಗುತ್ತದೆ.
ನಂತರ ವಾಟ್ಸಪ್‌ನಲ್ಲಿ ಚಾಟ್‌ ವಾಲ್‌ಪೇಪರ್ ನನ್ ಇಲ್ಲವೇ ಡಾರ್ಕ್ ಎಂದು ಕೊಡಿ. ವಾಟ್ಸಪ್‌ನ ಸೆಟ್ಟಿಂಗ್ಸ್‌ನಲ್ಲಿ ವಾಲ್‌ಪೇಪರ್ ಸೆಟ್ಟಿಂಗ್ಸ್ ದೊರೆಯುತ್ತದೆ.
ಈಗ ವಾಟ್ಸಪ್ ಚಾಟ್‌, ಡಾರ್ಕ್ ಮೋಡ್‌ನಲ್ಲಿ ದೊರೆಯುತ್ತದೆ.

ಆಂಡ್ರಾಯ್ಡ್ ಕೆಲವೊಂದು ಸ್ಮಾರ್ಟ್‌ಫೋನ್‌ಗಳಲ್ಲಿ ಡಿಸ್‌ಪ್ಲೇ ಮತ್ತು ಥೀಮ್ ಸೆಟ್ಟಿಂಗ್ಸ್ ಭಿನ್ನವಾಗಿರುತ್ತದೆ. ಹೀಗಾಗಿ ಕೆಲವೊಂದು ಬದಲಾವಣೆಗಳಿರಬಹುದು.