ಸ್ಮಾರ್ಟ್‌ಫೋನ್ ಬಿಸಿಯಾಗುವುದನ್ನು ತಪ್ಪಿಸುವುದು ಹೇಗೆ?

ಒಂದೆಡೆ ಬಿರುಬಿಸಿಲಿನಲ್ಲಿ ಜನರು ತೊಂದರೆ ಅನುಭವಿಸುತ್ತಿದ್ದರೆ, ಮತ್ತೊಂದೆಡೆ ಕೈಯಲ್ಲಿರುವ ಸ್ಮಾರ್ಟ್‌ಫೋನ್ ಕೂಡ ಬಿಸಿಯಾಗುತ್ತಿದೆ. ಸ್ಮಾರ್ಟ್‌ಫೋನ್ ಬಳಸುತ್ತಿದ್ದಂತೆ ತೀರಾ ಬಿಸಿಯಾಗುತ್ತಿದ್ದರೆ ಅದನ್ನು ತಡೆಯಲು ಹಲವು ಕ್ರಮಗಳನ್ನು ಅನುಸರಿಸಬಹುದು.

ಅತಿಯಾದ ಜಾರ್ಜಿಂಗ್, ಗೇಮ್ಸ್ ಆಡುವುದು ಮತ್ತು ನಿರಂತರ ವೀಡಿಯೋ ಸ್ಟ್ರೀಮಿಂಗ್‌ನಿಂದ ಫೋನ್ ಬಿಸಿಯಾಗುತ್ತದೆ. ಹಾರ್ಡ್‌ವೇರ್ ಸಮಸ್ಯೆಯಿದ್ದರೂ ಸ್ಮಾರ್ಟ್‌ಫೋನ್ ಬಿಸಿಯಾಗುತ್ತದೆ. ಅದನ್ನು ತಪ್ಪಿಸುವುದು ಹೇಗೆ?

ಸೂರ್ಯನ ನೇರ ಬೆಳಕಿಗೆ ಒಡ್ಡಬೇಡಿ
ಸ್ಮಾರ್ಟ್‌ಫೋನ್ ಅನ್ನು ನೇರವಾಗಿ ಸೂರ್ಯನ ಬೆಳಕಿನಲ್ಲಿ ಇರಿಸಬೇಡಿ. ಪ್ಲಾಸ್ಟಿಕ್ ಬ್ಯಾಕ್‌ಕೇಸ್ ಇದ್ದರೂ, ಫೋನ್ ಬಿಸಿಯಾಗುವ ಸಾಧ್ಯತೆ ಅಧಿಕ.

ಚಾರ್ಜ್ ಮಾಡುವಾಗ ಬೆಡ್, ಸೋಫಾ ಮೇಲೆ ಇರಿಸಬೇಡಿ
ಸೋಫಾ, ಬೆಡ್‌ ಮೊದಲಾದ ಮೆದು ವಸ್ತುವಿನ ಮೇಲೆ ಸ್ಮಾರ್ಟ್‌ಫೋನ್ ಇರಿಸಿದರೆ ಅದರಿಂದ ಫೋನ್ ಮತ್ತಷ್ಟು ಬಿಸಿಯಾಗುವ ಸಾಧ್ಯತೆ ಅಧಿಕ. ಹೀಗಾಗಿ ಅದನ್ನು ತಡೆಯಲು ಬೋರ್ಡ್, ಅಥವಾ ಟೇಬಲ್ ಮೇಲಿರಿಸಿ.

ಹಿಂಬದಿ ಕೇಸ್ ತೆಗೆಯಿರಿ
ಸ್ಮಾರ್ಟ್‌ಫೋನ್ ತೀರಾ ಬಿಸಿಯಾಗುತ್ತಿದ್ದರೆ, ಅದರ ಹಿಂಬದಿ ಕೇಸ್ ತೆಗೆಯಿರಿ. ಬ್ಯಾಕ್‌ಕೇಸ್ ಫೋನ್ ಬಿಸಿಯನ್ನು ಮತ್ತಷ್ಟು ಹೆಚ್ಚಿಸುತ್ತದೆ.

ರಾತ್ರಿಪೂರ್ತಿ ಚಾರ್ಜಿಂಗ್ ಬೇಡ
ಸ್ಮಾರ್ಟ್‌ಫೋನ್ ಅನ್ನು ರಾತ್ರಿ ಪೂರ್ತಿ ಚಾರ್ಜಿಂಗ್ ಮಾಡಬೇಡಿ, ಬ್ಯಾಟರಿಯ ಮೇಲೂ ಅದು ಪರಿಣಾಮ ಬೀರುತ್ತದೆ.

ಅಧಿಕ ಬ್ಯಾಟರಿ ಬಳಸುವ ಆ್ಯಪ್‌ನಿಂದ ದೂರವಿರಿ
ಹೆಚ್ಚು ಪ್ರಮಾಣದಲ್ಲಿ ಬ್ಯಾಟರಿ ಬಳಸುವ ಆ್ಯಪ್‌ಗಳನ್ನು ಬಳಸಬೇಡಿ. ಅಂತಹ ಆ್ಯಪ್ ಇದ್ದರೆ, ಅನ್‌ಇನ್‌ಸ್ಟಾಲ್ ಮಾಡಿ. ಅನಗತ್ಯ ಬ್ಯಾಟರಿ ಬಳಕೆಯನ್ನು ಇದರಿಂದ ತಪ್ಪಿಸಬಹುದು.

ಥರ್ಡ್‌ ಪಾರ್ಟಿ ಆ್ಯಪ್ ಬಳಕೆ ಬೇಡಪ್ರಮಾಣೀಕೃತವಲ್ಲದ ಆ್ಯಪ್ ಬಳಕೆಯಿಂದ ದೂರವಿರಿ. ಅದು ಫೋನ ಬ್ಯಾಟರಿ ಮತ್ತು ಕಾರ್ಯನಿರ್ವಹಣೆಯ ಮೇಲೆ ಪ್ರಭಾವ ಬೀರುವ ಜತೆಗೆ ಸ್ಮಾರ್ಟ್‌ಫೋನ್ ಬಿಸಿಯಾಗುವಂತೆ ಮಾಡುತ್ತದೆ.