ಆ್ಯಂಡ್ರಾಯ್ಡ್‌ ಸ್ಮಾರ್ಟ್‌ಫೋನ್ ಮತ್ತು ಪಿಸಿ ನಡುವೆ ಕೇಬಲ್ ಇಲ್ಲದೆ ಡಾಟಾ ವರ್ಗಾವಣೆ ಹೇಗೆ?

ಆ್ಯಂಡ್ರಾಯ್ಡ್‌ ಸ್ಮಾರ್ಟ್‌ಫೋನ್ ಮತ್ತು ಪರ್ಸನಲ್ ಕಂಪ್ಯೂಟರ್ ಮಧ್ಯೆ ಡಾಟಾ ವರ್ಗಾವಣೆ ಮಾಡಬೇಕಾದರೆ, ಮೊದಲು ಬಳಸುವುದು ಡಾಟಾ ಕೇಬಲ್.

ಕೇಬಲ್ ಬದಲು ಬ್ಲೂಟೂತ್ ಮತ್ತು ವೈಫೈ ಡೈರೆಕ್ಟ್ ಕೂಡ ಕೆಲವೊಮ್ಮೆ ಬಳಸುವುದಿದೆ. ಆದರೆ ಈ ವಿಧಾನದಲ್ಲಿ ಪ್ರತಿ ಬಾರಿ ಸೆಟಪ್ ಆಯ್ಕೆ ಬಳಸಬೇಕಾಗುತ್ತದೆ. ಇವೆಲ್ಲ ಆಯ್ಕೆಗಳ ಬದಲಾಗಿ ಡಾಟಾ ವರ್ಗಾವಣೆಯನ್ನು ಮೊಬೈಲ್ ಮತ್ತು ಕಂಪ್ಯೂಟರ್ ಇಲ್ಲವೆ ಲ್ಯಾಪ್‌ಟ್ಯಾಪ್ ಮಧ್ಯೆ ವೈರ್‌ಲೆಸ್ ಆಗಿ ಮಾಡಲು ಸಾಧ್ಯವಿದೆ.

ಅದಕ್ಕಾಗಿ ಈ ಸರಳ ವಿಧಾನ ಅನುಸರಿಸಿ:
ಇದಕ್ಕಾಗಿ ವೈ-ಫೈ ಸಂಪರ್ಕ ಮತ್ತು ಗೂಗಲ್ ಪ್ಲೇ ಸ್ಟೋರ್‌ನಿಂದ ಆ್ಯಪ್ ಒಂದನ್ನು ಡೌನ್‌ಲೋಡ್ ಮಾಡಿಕೊಳ್ಳಬೇಕು.
ಇಂಟರ್‌ನೆಟ್ ಸಂಪರ್ಕದ ಜತೆಗೆ ಆ್ಯಂಡ್ರಾಯ್ಡ್‌ ಸ್ಮಾರ್ಟ್‌ಫೋನ್ ಮತ್ತು ಪಿಸಿ ಎರಡೂ ಒಂದೇ ವೈ-ಫೈ ಸಂಪರ್ಕ ಹೊಂದಿರಬೇಕು.

ಗೂಗಲ್ ಪ್ಲೇ ಸ್ಟೋರ್‌ನಲ್ಲಿ FTP file transfer ಆಯ್ಕೆ ನೀಡುವ ES file explorer, MX file explorer ಅಥವಾ ಬೇರಾವುದಾದರೂ ಫೈಲ್ ಮ್ಯಾನೇಜರ್ ಆ್ಯಪ್ ಒಂದನ್ನು ಡೌನ್‌ಲೋಡ್ ಮಾಡಿ.
ಡೌನ್‌ಲೋಡ್ ಆದ ಬಳಿಕ ಆ್ಯಪ್ ತೆರೆದು ಅದರಲ್ಲಿ FTP ಅಥವಾ ವ್ಯೂ ಆನ್ ಪಿಸಿ ಆಯ್ಕೆ ಇದೆಯೇ ನೋಡಿ.

ನಂತರ ಸ್ಮಾರ್ಟ್‌ಫೋನ್ ಮತ್ತು ಪಿಸಿ ಎರಡೂ ಒಂದೇ ವೈ-ಫೈನಲ್ಲಿ ಕಾರ್ಯನಿರ್ವಹಿಸುತ್ತಿದೆ ಎಂದು ಖಚಿತಪಡಿಸಿಕೊಳ್ಳಿ.
ಬಳಿಕ ಆ್ಯಪ್‌ನಲ್ಲಿ FTP transfer ಆಕ್ಟಿವೇಟ್ ಮಾಡಿ.

ನಂತರ ಕಂಪ್ಯೂಟರ್‌ನಲ್ಲಿ This PCಗೆ ಹೋಗಿ.
ಅಲ್ಲಿ Add a network location ಆಯ್ಕೆ ಮಾಡಿ.
ನಂತರ ನೆಕ್ಸ್ಟ್‌ ಕೊಡಿ.

ಅಲ್ಲಿ URL ಕೊಡಲು ಆಯ್ಕೆ ಇದ್ದು, ಫೈಲ್ ಮ್ಯಾನೇಜರ್ ಆ್ಯಪ್‌ನಲ್ಲಿರುವ URL ಕೊಡಿ. (ಉದಾಹರಣೆಗೆ: ftp://10.135.190:3731/)
ಅದಾದ ಬಳಿಕ ನೆಕ್ಸ್ಟ್ ಒಟ್ಟು, ಅಲ್ಲಿ ಯೂಸರ್‌ನೇಮ್ ಮತ್ತು ಪಾಸ್‌ವರ್ಡ್ ಕೊಡಿ, ಅಥವಾ ಲಾಗಿನ್ ಅನಾನಿಮಸ್ ಆಯ್ಕೆ ಮಾಡಿ.
ನಂತರ ನೆಟ್‌ವರ್ಕ್ ಡ್ರೈವ್ ಹೆಸರು ಕೊಟ್ಟು ನೆಕ್ಸ್ಟ್ ಒತ್ತಿ.

ಇದಾದ ಬಳಿಕ ಪ್ರಕರಿಯೆ ಪೂರ್ಣಗೊಳಿಸಲು ಕಂಪ್ಲೀಟ್ ಬಟನ್ ಒತ್ತಿ.
ಮುಂದೆ ಕಂಪ್ಯೂಟರ್‌ನಲ್ಲಿ This PCಗೆ ಹೋಗಿ ನಿಮ್ಮ ಡ್ರೈವ್ ಇದೆಯೇ ನೋಡಿ.

ಡ್ರೈವ್ ಮೇಲೆ ಡಬಲ್ ಕ್ಲಿಕ್ ಮಾಡಿ ತೆರೆಯಿರಿ. ನಿಮ್ಮ ಸ್ಮಾರ್ಟ್‌ಫೋನ್‌ನಲ್ಲಿರುವ ಫೈಲ್‌ಗಳು ಇಲ್ಲೂ ದೊರೆಯುತ್ತವೆ.