WhatsApp: ಸ್ಥಳೀಯ ಭಾಷೆಯಲ್ಲಿ ಬಳಕೆ ಹೇಗೆ?

ಸ್ಮಾರ್ಟ್‌ಫೋನ್‌ ಯುಗದಲ್ಲಿ ಅತಿಹೆಚ್ಚು ಜನರು ವಾಟ್ಸಪ್ ಬಳಸುತ್ತಾರೆ. ಆದರೆ ಭಾಷಾ ವೈವಿಧ್ಯದ ದೇಶವಾಗಿರುವ ನಮ್ಮಲ್ಲಿ ಜನರು ಪ್ರಾದೇಶಿಕ ಭಾಷೆಗಳಿಗೆ ಹೆಚ್ಚು ಆದ್ಯತೆ ಕೊಡುತ್ತಾರೆ. ಜತೆಗೆ ಅದು ಹೆಚ್ಚು ಆಪ್ತತೆಯೂ, ಅವರಿಗೆ ವಿಷಯವನ್ನು ಮನದಟ್ಟು ಮಾಡಿಕೊಳ್ಳಲೂ ಸಹಕಾರಿಯಾಗುತ್ತದೆ.

ಜನಪ್ರಿಯ ಸಂವಹನ ಮಾಧ್ಯಮ ವಾಟ್ಸಪ್ ದೇಶದಲ್ಲಿ ಕನ್ನಡದ ಜತೆಗೆ ಹಿಂದಿ, ಬೆಂಗಾಳಿ, ಪಂಜಾಬಿ, ತೆಲುಗು, ಮರಾಠಿ, ತಮಿಳು, ಉರ್ದು, ಗುಜರಾತಿ ಮತ್ತು ಮಲಯಾಳಂನಲ್ಲಿ ಭಾಷಾ ಬೆಂಬಲ ಒದಗಿಸುತ್ತದೆ.

ವಾಟ್ಸಪ್‌ನಲ್ಲಿ ಸ್ಥಳೀಯ ಭಾಷೆ ಬಳಸುವುದು ಹೇಗೆ?
ವಾಟ್ಸಪ್ ತೆರೆಯಿರಿ,
ಮೆನುವಿನಲ್ಲಿ ಸೆಟ್ಟಿಂಗ್ಸ್ ಆಯ್ಕೆ ಮಾಡಿ.
ಅದರಲ್ಲಿ ಚಾಟ್‌ನಲ್ಲಿ ಆ್ಯಪ್ ಲ್ಯಾಂಗ್ವೇಜಸ್ ತೆರೆಯಿರಿ.
ನಿಮ್ಮ ನೆಚ್ಚಿನ ಭಾಷೆ ಆಯ್ಕೆ ಮಾಡಿ.

ನಿಮ್ಮ ಫೋನ್‌ ಬೆಂಬಲ ವ್ಯಕ್ತಪಡಿಸುವ ಭಾಷೆಗಳ ಪಟ್ಟಿ ಅಲ್ಲಿ ಕಾಣಿಸುತ್ತದೆ. ಅದರಲ್ಲಿ ಆಯ್ಕೆ ಭಾಷೆಯನ್ನು ಸೆಲೆಕ್ಟ್ ಮಾಡಿಕೊಂಡರಾಯಿತು.
ಆದರೆ ಕೆಲವೊಂದು ಆ್ಯಂಡ್ರಾಯ್ಡ್ ಮತ್ತು ಐಫೋನ್‌ಗಳಲ್ಲಿ ಡಿಫಾಲ್ಟ್ ಭಾಷೆಯಾಗಿ ನೀವು ಯಾವ ಭಾಷೆ ಆಯ್ದುಕೊಂಡಿರುತ್ತೀರೋ, ಅದೇ ಭಾಷೆಯಲ್ಲಿ ವಾಟ್ಸಪ್ ಲಭ್ಯವಾಗುತ್ತದೆ.

WhatsApp Lock: ಚಾಟ್ ಸುರಕ್ಷತೆಗೆ ಬೆರಳಚ್ಚು ಲಾಕ್

ಆ್ಯಂಡ್ರಾಯ್ಡ್ ಫೋನ್‌ಗಳಲ್ಲಿ ಭಾಷೆ ಆಯ್ಕೆ ಮಾಡಿಕೊಳ್ಳಲು:
ಸೆಟ್ಟಿಂಗ್ಸ್ ತೆರೆಯಿರಿ,
ಅಲ್ಲಿ ಲ್ಯಾಂಗ್ವೇಜಸ್ ಮತ್ತು ಇನ್‌ಪುಟ್ ಆಯ್ದುಕೊಳ್ಳಿ,
ಅದರಲ್ಲಿ ಲಾಂಗ್ವೇಜಸ್ ತೆರೆಯಿರಿ,
ನಂತರ ನಿಮ್ಮ ನೆಚ್ಚಿನ ಭಾಷೆ ಆಯ್ಕೆ ಮಾಡಿ,
ನಂತರ ವಾಟ್ಸಪ್ ತೆರೆದರೆ, ಅಲ್ಲಿ ಡಿಫಾಲ್ಟ್ ಭಾಷೆಯಾಗಿ ನಿಮ್ಮ ಆಯ್ಕೆಯ ಭಾಷೆಯೇ ಇರುತ್ತದೆ.

ಆ್ಯಪಲ್ ಐಫೋನ್‌ನಲ್ಲಿ ಭಾಷೆ ಸೆಟ್ ಮಾಡಲು:
ಸೆಟ್ಟಿಂಗ್ಸ್ ತೆರೆಯಿರಿ,
ಅದರಲ್ಲಿ ಜನರಲ್ ಆಯ್ದುಕೊಳ್ಳಿ,
ನಂತರ ಲಾಂಗ್ವೇಜ್ ಮತ್ತು ರೀಜಿಯನ್ ತೆರೆಯಿರಿ,
ಅದರಲ್ಲಿ ಐಫೋನ್ ಲಾಂಗ್ವೇಜ್ ಆಯ್ಕೆ ಮಾಡಿ,
ಬಳಿಕ ನೀವು ಬಯಸುವ ಭಾಷೆ ಆಯ್ಕೆ ಮಾಡಿ,
ವಾಟ್ಸಪ್ ತೆರೆದು, ಅಲ್ಲಿ ನಿಮ್ಮ ಆಯ್ಕೆಯ ಭಾಷೆಯನ್ನು ಪರಿಶೀಲಿಸಿ.

ನಂಬರ್ ಸೇವ್ ಮಾಡದೆಯೂ WhatsApp ಸಂದೇಶ ಕಳುಹಿಸಬಹುದು!