HP Printer: ವೃತ್ತಿಪರರ ಪ್ರಿಂಟಿಂಗ್ ಅಗತ್ಯ ಪೂರೈಸುವ ಎಚ್‌ಪಿ ಪ್ರಿಂಟರ್

ಲಾಕ್‌ಡೌನ್ ಹಿನ್ನೆಲೆಯಲ್ಲಿ ಉತ್ಪನ್ನಗಳ ಪೂರೈಕೆಯಲ್ಲಿ ವ್ಯತ್ಯಯವಾಗಿರುವುದನ್ನು ಗಮನದಲ್ಲಿಟ್ಟುಕೊಂಡು ಎಚ್ ಪಿ ಇಂಡಿಯಾ ಸಣ್ಣ ಮತ್ತು ಮಧ್ಯಮ ವ್ಯವಹಾರಗಳು(ಎಸ್ಎಂಬಿಗಳು) ಹಾಗೂ ಮನೆಯ ಬಳಕೆದಾರರಿಗೆ ಪ್ರಿಂಟಿಂಗ್ ಅಗತ್ಯತೆಗಳನ್ನು ಪೂರೈಸುವ ನಿಟ್ಟಿನಲ್ಲಿ ಹೊಸ ಆಫರ್ ಗಳನ್ನು ಪ್ರಕಟಿಸಿದೆ. ಹೆಚ್ಚುವರಿ ಎಚ್‌ಪಿ ಟೋನರ್ ರೀಲೋಡ್ ಕಿಟ್‌ನೊಂದಿಗೆ ಎಚ್‌ಪಿ ನೆವರ್‌ಸ್ಟಾಪ್ ಪ್ರಿಂಟರ್ ಬಂದಿದೆ. ಇದರಲ್ಲಿ ಸ್ಮಾರ್ಟ್ ಪ್ರಿಂಟಿಂಗ್ ತಂತ್ರಜ್ಞಾನ ಇರಲಿದ್ದು, ಸಣ್ಣ ಮತ್ತು ಮಧ್ಯಮ ವ್ಯವಹಾರಗಳು(ಎಸ್ಎಂಬಿಗಳು) ಹಾಗೂ ಮನೆಯ ಬಳಕೆದಾರರ ಪ್ರಿಂಟಿಂಗ್ ಅಗತ್ಯತೆಗಳನ್ನು ಪೂರೈಸುತ್ತದೆ. ನಿರ್ಬಂಧ ಇರುವ ಈ ಸಂದರ್ಭದಲ್ಲಿ ಗ್ರಾಹಕರು ಮನೆಯಿಂದ ಹೊರಗೆ ಹೋಗಿ ರೀಲೋಡ್ ಅನ್ನು ಖರೀದಿಸುವುದನ್ನು ತಪ್ಪಿಸಲು ಈ ಎಚ್‌ಪಿ ನೆವರ್‌ಸ್ಟಾಪ್ ನೆರವಾಗಲಿದೆ.

ಬಳಕೆದಾರರು 2020ರ ಜುಲೈ 31ರವರೆಗೆ ಕೂಪನ್ ಅನ್ನು ರಿಡೀಮ್ ಮಾಡಿಕೊಂಡು ಈ ಆಫರ್ ಅನ್ನು ಪಡೆಯಬಹುದಾಗಿದೆ. ಈ ಮುಕ್ತವಾದ, ಸುಲಭವಾಗಿ ಬಳಕೆ ಮಾಡಬಹುದಾದ ಎಚ್ ಪಿ ಟೋನರ್ ರೀಲೋಡ್ ಕಿಟ್ ಹೆಚ್ಚುವರಿಯಾಗಿ 2500 ಪುಟಗಳನ್ನು ಪ್ರಿಂಟ್ ತೆಗೆಯುವ ಸಾಮರ್ಥ್ಯವನ್ನು ಹೊಂದಿರುತ್ತದೆ. ಈ ಎಚ್ ಪಿ ನೆವರ್ ಸ್ಟಾಪ್ ಪ್ರಿಂಟರ್ ಗಳು 5000 ಪುಟಗಳ ಪ್ರಿಂಟ್ ತೆಗೆಯುವ ಇನ್ ಬಾಕ್ಸ್ ಸಾಮರ್ಥ್ಯವನ್ನು ಹೊಂದಿರುತ್ತವೆ. ಈ ರಿಡೆಂಪ್ಷನ್ ಆಫರ್‌ನಿಂದ ಗ್ರಾಹಕರು ಹೆಚ್ಚುವರಿಯಾಗಿ 2500 ಪುಟಗಳು ಸೇರಿ ಒಟ್ಟು 7500 ಪುಟಗಳ ಪ್ರಿಂಟ್ ತೆಗೆಯಬಹುದಾಗಿದೆ. ಈ ಮೂಲಕ ಅವರು ತಮ್ಮ ಉತ್ಪಾದಕತೆಯನ್ನು ಹೆಚ್ಚಿಸಿಕೊಳ್ಳಬಹುದಾಗಿದೆ.

ಈ ಬಗ್ಗೆ ಮಾತನಾಡಿದ ಎಚ್‌ಪಿ ಇಂಕ್. ಇಂಡಿಯಾ ಮಾರ್ಕೆಟ್ ನ ಪ್ರಿಂಟಿಂಗ್ ಸಿಸ್ಟಮ್ಸ್ ನ ನಿರ್ದೇಶಕ ಸುನೀಶ್ ರಾಘವನ್, ಗ್ರಾಹಕರು ಯಾವುದೇ ತಡೆ ಇಲ್ಲದ ರೀತಿಯಲ್ಲಿ ಕೆಲಸ ಮಾಡಲು, ಕಲಿಯಲು ಮತ್ತು ಆಟವಾಡಲು ಸಹಕಾರಿಯಾಗುವ ರೀತಿಯಲ್ಲಿ ಆವಿಷ್ಕಾರಗಳನ್ನು ನೀಡುವಲ್ಲಿ ಎಚ್ ಪಿಯಲ್ಲಿ ನಾವು ಯಾವಾಗಲೂ ಮುಂಚೂಣಿಯಲ್ಲಿರುತ್ತೇವೆ. ಎಚ್ ಪಿ ನೆವರ್ ಸ್ಟಾಪ್ ದುಬಾರಿಯಲ್ಲದ ಪ್ರಿಂಟಿಂಗ್, ಟೋನ್ ಗಳನ್ನು ಸುಲಭವಾಗಿ ರೀಲೋಡ್ ಮಾಡುವುದು, ವಿಶ್ವಾಸಾರ್ಹತೆಯ ಪ್ರತೀಕ, ಎಸ್ಎಂಬಿಗಳಿಗೆ ಮತ್ತು ಸೇವಾನಿರತ ವೃತ್ತಿಪರರಿಗೆ ವ್ಯವಹಾರ ನಿರಾತಂಕವಾಗಿ ಸಾಗಲು ಅನುಕೂಲವಾಗುವಂತಹ ವೈಶಿಷ್ಟ್ಯತೆಗಳನ್ನು ಒಳಗೊಂಡಿದೆ ಎಂದರು.

ಎಚ್‌ಪಿ ನೆವರ್ ಸ್ಟಾಪ್ ಪ್ರಿಂಟರ್ ಅನ್ನು ಗ್ರಾಹಕರು ಸುಲಭವಾಗಿ ಇನ್‌ಸ್ಟಾಲ್ ಮತ್ತು ಸೆಟಪ್ ಮಾಡಬಹುದು ಹಾಗೂ ಟೋನರ್ ಅನ್ನೂ ಸಹ ಯಾವುದೇ ತೊಂದರೆ ಇಲ್ಲದೇ ಅಳವಡಿಸಬಹುದಾಗಿದೆ. ಇದರಲ್ಲಿ ಯಾವುದೇ ತಾಂತ್ರಿಕ ಸಮಸ್ಯೆಗಳು ಎದುರಾಗುವುದಿಲ್ಲ. ಟೋನರ್ ಅಲರ್ಟ್ ಸಿಸ್ಟಂ ಮತ್ತು 15 ಸೆಕೆಂಡ್ ಗಳ ಮೆಸ್ ಫ್ರೀ ರೀಲೋಡ್ ಸಾಧನವು ಆತ್ಮ ವಿಶ್ವಾಸವನ್ನು ಹೆಚ್ಚಿಸುತ್ತದೆ ಮತ್ತು ಸಾಮಾನ್ಯ ಪ್ರಿಂಟಿಂಗ್ ಅಡೆತಡೆಗಳನ್ನು ನಿವಾರಿಸುತ್ತದೆ.

ಕನಿಷ್ಠ ಬಾಹ್ಯ ಬೆಂಬಲದೊಂದಿಗೆ ಬಳಕೆದಾರ ಯಾವುದೇ ಉತ್ಪಾದನೆಯ ಸಮಯವನ್ನು ನಷ್ಟ ಮಾಡಿಕೊಳ್ಳದೇ ಈ ಡಿವೈಸ್ ಅನ್ನು ಬಳಕೆ ಮಾಡಬಹುದಾಗಿದೆ. ವೈಫೈ ಡೈರೆಕ್ಟ್ ವೇರಿಯೆಂಟ್ ಮಲ್ಟಿಫಂಕ್ಷನ್ ಮತ್ತು ಸಿಂಗಲ್-ಫಂಕ್ಷನ್ ಡಿವೈಸ್ ಗಳು ತಡೆರಹಿತವಾದ ಅನುಕೂಲಗಳನ್ನು ನೀಡುತ್ತದೆ. ಇದಲ್ಲದೇ, ಮೊಬೈಲ್ ಡಿವೈಸ್‌ಗಳಿಗೆ ರೂಟರ್ ಲೆಸ್ ಸಂಪರ್ಕವನ್ನು ಕಲ್ಪಿಸುತ್ತದೆ. ಎಚ್‌ಪಿ ನೆವರ್ ಸ್ಟಾಪ್ ಪ್ರಿಂಟರ್ ಅತ್ಯಂತ ಸುರಕ್ಷಿತ ಮತ್ತು ಕಡಿಮೆ ಇಂಧನವನ್ನು ಬಳಕೆ ಮಾಡುವ ಪ್ರಿಂಟರ್ ಪರಿಹಾರ ಇದಾಗಿದೆ. ಇದು ಮನೆಯ ವಾತಾವರಣದಲ್ಲಿ ಅತ್ಯಂತ ಸೂಕ್ತವಾದ ಪರಿಹಾರವಾಗಿದ್ದು, ಇದು ಬ್ಲ್ಯೂ ಏಂಜೆಲ್ ಮತ್ತು ಎನರ್ಜಿ ಸ್ಟಾರ್‌ನಿಂದ ಪ್ರಮಾಣೀಕರಿಸಲ್ಪಟ್ಟಿದೆ.

ಸೂಪರ್ ಸ್ಮಾರ್ಟ್ ಉಳಿತಾಯ
ಸಣ್ಣದಿಂದ ಮಧ್ಯಮ ವ್ಯವಹಾರಗಳಿಗೆ ಮತ್ತು ಮನೆಯಲ್ಲಿ ಬಳಕೆ ಮಾಡುವವರಿಗೆ ವೆಚ್ಚವನ್ನು ಉಳಿತಾಯ ಮಾಡುವುದು ಕಂಪನಿಯ ಪ್ರಮುಖ ಆದ್ಯತೆಯಾಗಿದೆ. ಈ ಡಿವೈಸ್ ಪ್ರಿಂಟಿಂಗ್ ವೆಚ್ಚವನ್ನು ಪ್ರತಿ ಪುಟಕ್ಕೆ 29 ಪೈಸೆಯಷ್ಟು ಉಳಿತಾಯ ಮಾಡುತ್ತದೆ ಮತ್ತು ವ್ಯವಹಾರಗಳಿಗೆ ಕಾರ್ಯಾಚರಣೆಯ ವೆಚ್ಚವನ್ನು ತಗ್ಗಿಸುತ್ತದೆ. ಈ ಮೂಲಕ ಉತ್ಪಾದಕತೆ ಪ್ರಮಾಣ ಹೆಚ್ಚಳವಾಗುತ್ತದೆ. ಇದಲ್ಲದೇ ಈ ಡಿವೈಸ್ ಸುಲಭವಾಗಿ ಕಾರ್ಯಾಚರಣೆ ಮಾಡಲು ಅನುಕೂಲವಾಗಿದೆ ಮತ್ತು ಪ್ರಿಂಟಿಂಗ್ ವೆಚ್ಚವನ್ನು ಕಡಿಮೆ ಮಾಡುತ್ತದೆ.

TikTok Rating: ರಿವ್ಯೂ ಅಳಿಸಿ ರಾತ್ರೋರಾತ್ರಿ ಟಿಕ್‌ಟಾಕ್ ರೇಟಿಂಗ್ ಏರಿಸಿದ ಗೂಗಲ್!

ಎಚ್‌ಪಿ ಲೇಸರ್ ಲೈನೇಜ್
ಇದು ಕಾಂಪ್ಯಾಕ್ಟ್ ಡಿವೈಸ್ ಆಗಿದ್ದು, ನಿರ್ವಹಣೆ ಮತ್ತು ಕಾರ್ಯ ನಿರ್ವಹಣೆ ಮಾಡುವುದು ಸುಲಭ. ಮನೆಯಲ್ಲಿ ತಡೆ ರಹಿತವಾಗಿ ಕೆಲಸ ಮಾಡಲು ಸೂಕ್ತವಾದ ಡಿವೈಸ್ ಆಗಿದೆ. ಇದರಿಂದ 5000 ಪ್ರತಿಗಳನ್ನು ಪ್ರಿಂಟ್ ತೆಗೆಯಬಹುದಾಗಿದೆ ಮತ್ತು ಎಚ್ ಪಿ ಟೋನರ್ ಮೇಲಿನ ಶೇ.80 ರಷ್ಟು ವೆಚ್ಚವನ್ನು ಕಡಿಮೆ ಮಾಡುತ್ತದೆ. ಇದಲ್ಲದೇ, ಎಚ್ ಪಿ ನೆವರ್ ಸ್ಟಾಪ್ 1200 ಸೀರೀಸ್ ಆಪ್ಟಿಕಲ್ ಕ್ಯಾರಕ್ಟರ್ ರೆಕಗ್ನಿಶನ್ (ಒಸಿಆರ್)ನಿಂದ ಸಕ್ರಿಯಗೊಂಡಿದೆ. ಈ ವೈಶಿಷ್ಟ್ಯತೆ ಸ್ಟೋರೇಜ್‌ನಲ್ಲಿ ಅತ್ಯುತ್ತಮವಾದ ಉತ್ಪಾದಕತೆಯನ್ನು ಹೆಚ್ಚು ಮಾಡಲಿದೆ, ಸ್ಕ್ಯಾನ್ ದಾಖಲೆಗಳನ್ನು ಹುಡುಕುವುದು ಮತ್ತು ಎಡಿಟ್ ಮಾಡಲು ಸುಲಭವಾದ ಸಾಧನವಾಗಿದೆ. ಇದಲ್ಲದೇ ಈ ಡಿವೈಸ್ ಸುಲಭವಾಗಿ ಕಾರ್ಯಾಚರಣೆ ಮಾಡಲು ಅನುಕೂಲವಾಗಿದೆ ಮತ್ತು ಪ್ರಿಂಟಿಂಗ್ ವೆಚ್ಚವನ್ನು ಕಡಿಮೆ ಮಾಡುತ್ತದೆ.

Galaxy Fold 2: ಮತ್ತೊಂದು ಮಡಚುವ ಫೋನ್ ತರಲಿದೆ ಸ್ಯಾಮ್‌ಸಂಗ್!