HP: ವರ್ಕ್ ಫ್ರಮ್‌ ಹೋಮ್‌ಗೆ ಅನುಕೂಲಕರ ಆಲ್‌ ಇನ್ ಒನ್ ಪಿಸಿ

ದೇಶದಲ್ಲಿ ಮುಂದುವರಿದಿರುವ ವರ್ಕ್ ಫ್ರಮ್ ಹೋಮ್ ಮತ್ತು ಆನ್‌ಲೈನ್ ಕಲಿಕೆಗೆ ಪೂರಕವಾಗುವಂತೆ, ಕಂಪ್ಯೂಟರ್ ಮತ್ತು ಲ್ಯಾಪ್‌ಟಾಪ್, ಐಟಿ ಉತ್ಪಾದಕ ಪ್ರಮುಖ ಸಂಸ್ಥೆ ಎಚ್‌ಪಿ, ನೂತನ ಆಲ್‌ ಇನ್‌ ಒನ್ ಪರ್ಸನಲ್ ಕಂಪ್ಯೂಟರ್ ಪರಿಚಯಿಸಿದೆ.

ಆಧುನಿಕ ಗ್ರಾಹಕರಿಗೆ ಕಂಪ್ಯೂಟಿಂಗ್ ಅನುಭವವನ್ನು ಮರುವ್ಯಾಖ್ಯಾನಿಸುವ ನಿಟ್ಟಿನಲ್ಲಿ ಎಚ್‌ಪಿ ಆಲ್-ಇನ್-ಒನ್ ಪಿಸಿ ಬಿಡುಗಡೆ ಮಾಡಿದೆ. ಮನೆಯಲ್ಲೇ ಇದ್ದುಕೊಂಡು ಕುಟುಂಬ, ಸಹಪಾಠಿಗಳು ಮತ್ತು ಸ್ನೇಹಿತರೊಂದಿಗೆ ಕಚೇರಿ ಕೆಲಸಗಳನ್ನು ಮಾಡುವುದು, ಕಲಿಯುವುದು ಮತ್ತು ಆಟವಾಡಲು ಗ್ರಾಹಕರಿಗೆ ಪರ್ಸನಲ್ ಕಂಪ್ಯೂಟರ್ ಅತ್ಯಂತ ಅಗತ್ಯವಾದ ಸಾಧನವಾಗಿದೆ.

ಪಿಸಿ ಬಳಕೆದಾರರು ತಮ್ಮ ಹಲವಾರು ಕಾರ್ಯಗಳಿಗಾಗಿ ದಿನದಲ್ಲಿ ಹೆಚ್ಚಿನ ಸಮಯವನ್ನು ತಮ್ಮ ಡಿವೈಸ್‌ಗಳೊಂದಿಗೆ ಕಳೆಯುತ್ತಾರೆ. ಎಚ್‌ಪಿ ಎಐಒಗಳು ವಿಸ್ತಾರವಾದ ಡಿಸ್‌ಪ್ಲೇ ಮತ್ತು ಕಾಂಪ್ಯಾಕ್ಟ್ ಡಿಸೈನ್ ಹೊಂದಿದ್ದು ಅವುಗಳ ಶಕ್ತಿಶಾಲಿ ವೈಶಿಷ್ಟ್ಯತೆಗಳು ಮತ್ತು ಅತ್ಯಮೂಲ್ಯವಾದ ಪ್ರಯೋಜನಗಳು ಬಳಕೆದಾರರ ಅನುಭವವನ್ನು ವೃದ್ಧಿಸಲಿವೆ.

ಎಚ್‌ಪಿ ಎಐಒ 24 ಮತ್ತು ಎಚ್‌ಪಿ ಪೆವಿಲಿಯನ್ ಎಐಒ 27 ಡಿವೈಸ್ ಬಿಡುಗಡೆ ಮಾಡಲಾಗಿದೆ. ಎಚ್‌ಪಿ ಎಈಒ 24 ಆಲ್-ಇನ್-ಒನ್ ಪಿಸಿ ಸ್ಲಿಮ್ ಅಗಿ ಸುಂದರವಾಗಿದ್ದು, ಆಧುನಿಕ ಡಿಸ್ ಪ್ಲೇ ಯನ್ನು ಹೊಂದಿದೆ. ಎಚ್‌ಪಿ ಪೆವಿಲಿಯನ್ ಆಲ್-ಇನ್-ಒನ್ ಪಿಸಿ ಬೇಡಿಕೆ ಇರುವ ಪ್ರಾಜೆಕ್ಟ್ ನಿಭಾಯಿಸಲು ಹಾಗೂ ನಿರಂತರವಾಗಿ ಮೂವಿಗಳನ್ನು ವೀಕ್ಷಿಸಿ ಆನಂದಪಡಲು ಸಾಧ್ಯವಾಗುವ ರೀತಿಯಲ್ಲಿ ವಿನ್ಯಾಸಗೊಳಿಸಲಾಗಿದೆ. ಈ ಮೂಲಕ ಇದು ಅಲ್ಟ್ರಾ-ಸ್ಮಾರ್ಟ್ ಪ್ಯಾಕೇಜ್ ಆಗಿದೆ. ಈ ಎರಡೂ ಎಐಒಗಳು ವೈರ್‌ಲೆಸ್ ಮತ್ತು ಸ್ಮಾರ್ಟ್ ತಂತ್ರಜ್ಞಾನದ ಮೂಲಕ ಪರಿಪೂರ್ಣವಾದ ಬ್ಲೆಂಡ್ ಮತ್ತು ಕಾರ್ಯನಿರ್ವಹಣೆಯನ್ನು ನೀಡುತ್ತವೆ. ಇವುಗಳನ್ನು ಯಾವುದೇ ಆಧುನಿಕ ಸ್ಥಳಕ್ಕೆ ಹೊಂದಿಕೊಳ್ಳುವ ರೀತಿಯಲ್ಲಿ ಸೊಗಸಾಗಿ ಜೋಡಿಸಲಾಗಿದೆ.


Apple Store Online: ದೇಶದಲ್ಲಿ ಕಾರ್ಯಾರಂಭ ಮಾಡಿದ ಆ್ಯಪಲ್ ಆನ್‌ಲೈನ್ ಸ್ಟೋರ್

ಈ ಡಿವೈಸ್ ದೀರ್ಘಾವಧಿಯ ಕೆಲಸ ಮತ್ತು ಕಲಿಕೆಗೆ ಪೂರಕವಾಗಿವೆ. ಈ ಆಲ್-ಇನ್-ಒನ್ ಪಿಸಿ ಪೋರ್ಟ್ ಫೋಲಿಯೋ ಸ್ಲೀಕ್ ಕ್ಲಟರ್-ಫ್ರೀ ವಿನ್ಯಾಸದೊಂದಿಗೆ ದೊಡ್ಡ ಸ್ಕ್ರೀನ್ ಅನ್ನು ಹೊಂದಿವೆ. ವಿದ್ಯಾರ್ಥಿಗಳಿಗೆ, ಮನೆಯಿಂದಲೇ ಕೆಲಸ ಮಾಡುತ್ತಿರುವ ವೃತ್ತಿಪರರಿಗೆ ಮತ್ತು ಮನೆಯಲ್ಲಿ ಮನೋರಂಜನೆಯನ್ನು ಬಯಸುವವರಿಗೆ ಸೂಕ್ತವಾದ ರೀತಿಯ ಡಿವೈಸ್ ಗಳಾಗಿವೆ.

ಈ ಡಿವೈಸ್ ಸುಲಭವಾಗಿ ವೈಫೈ ಸಂಪರ್ಕವನ್ನು, ಅಲೆಕ್ಸಾ ವಾಯ್ಸ್ ಅಸಿಸ್ಟೆನ್ಸ್ ಬೆಂಬಲಿಸುತ್ತವೆ. ಎಚ್‌ಡಿ ಪಾಪ್-ಅಪ್ ಕ್ಯಾಮರಾವನ್ನು ಸುಸಜ್ಜಿತಗೊಳಿಸಲಾಗಿದೆ. ಇದಲ್ಲದೇ, ಡ್ಯುಯೆಲ್ ಮೈಕ್ರೋಫೋನ್ ಮತ್ತು ಇನ್-ಬಿಲ್ಟ್ ಸ್ಪೀಕರ್ ಒಳಗೊಂಡಿವೆ.

Jio Postpaid Plus: ರಿಲಯನ್ಸ್ ಜಿಯೋ ಪೋಸ್ಟ್‌ಪೇಯ್ಡ್ ಪ್ಲಸ್ ಆಫರ್ ಏನಿದೆ?