Elite Dragonfly: ಹೊಸ ಎಚ್‌ಪಿ ಲ್ಯಾಪ್‌ಟಾಪ್ ಬಿಡುಗಡೆ

ಹೆಚ್‍ಪಿ ದೇಶದಲ್ಲಿ ಆಧುನಿಕ ಕಾರ್ಯಪಡೆಗಾಗಿ ಜಗತ್ತಿನ ಅತ್ಯಂತ ಹಗುರವಾದ ಕಾಂಪ್ಯಾಕ್ಟ್ ಬ್ಯುಸಿನೆಸ್ ಕನ್ವರ್ಟಿಬಿಲ್ ನೋಟ್‍ಬುಕ್ –ಎಲೈಟ್ ಡ್ರ್ಯಾಗನ್ ಫ್ಲೈ ಅನ್ನು ಬಿಡುಗಡೆ ಮಾಡಲಾಗಿದೆ. ಹೆಚ್‍ಪಿಯ ವಿಸ್ತಾರವಾದ ಭದ್ರತಾ ಪರಿಹಾರಗಳನ್ನು ಇದು ಒಳಗೊಂಡಿದ್ದು, ಶಕ್ತಿಶಾಲಿ ಮತ್ತು ದೃಢವಾದ ಸುಭದ್ರತೆಗಾಗಿ ವಿನ್ಯಾಸಗೊಳಿಸಲಾದ ಪ್ರೀಮಿಯಮ್ ಬ್ಯುಸಿನೆಸ್ ಕನ್ವರ್ಟಿಬಲ್ ಇದಾಗಿದೆ.

ಹೆಚ್‍ಪಿ ಎಲೈಟ್ ಡ್ರ್ಯಾಗನ್ ಫ್ಲೈ ಕೇವಲ ಒಂದು ಕೆಜಿಗೂ ಕಡಿಮೆ ತೂಕ ಇರುತ್ತದೆ. 24.5 ಗಂಟೆಗಳಷ್ಟು ಜಗತ್ತಿನ ಅತ್ಯಂತ ದೀರ್ಘಕಾಲದ ಬ್ಯಾಟರಿ ಜೀವನಾವಧಿಯನ್ನು ಈ 13 ಇಂಚು ಬ್ಯುಸಿನೆಸ್ ಕನ್ವರ್ಟಿಬಲ್ ಹೊಂದಿದ್ದು, ಇತ್ತೀಚಿನ ವೈಫೈ6 ಕನೆಕ್ಟಿವಿಟಿ ಒಳಗೊಂಡಿದೆ. ಜಗತ್ತಿನ ಯಾವ ಸ್ಥಳದಿಂದಲೂ ಇಂಟರ್‌ನೆಟ್ ಸಂಪರ್ಕ ಹೊಂದಲು ಗಿಗಾಬಿಟ್-ಕ್ಲಾಸ್ 4ಜಿ ಎಲ್‍ಟಿಇ ಆಂಟೆನಾ ಅಳವಡಿಸಲಾಗಿದೆ. 4x4 ಎಲ್‍ಟಿಇ ಆಂಟೆನಾ ಹೊಂದಿರುವ ಜಗತ್ತಿನ ಮೊದಲ ಬ್ಯುಸಿನೆಸ್ ಕನ್ವರ್ಟಿಬಲ್ ಇದಾಗಿದೆ. ಜತೆಗೆ ಪರ್ಸನಲ್ ವೆಲ್‍ಬಿಯಿಂಗ್ ಸಾಫ್ಟ್‍ವೇರ್-ಹೆಚ್‍ಪಿ ವರ್ಕ್‍ವೆಲ್ ಅನ್ನು ಪ್ರಿ ಇನ್‍ಸ್ಟಾಲ್ ಮಾಡಲಾದ ಜಗತ್ತಿನ ಮೊದಲ ಬ್ಯುಸಿನೆಸ್ ಕನ್ವರ್ಟಿಬಲ್ ಇದಾಗಿದೆ.

ಶಕ್ತಿಶಾಲಿ ಮತ್ತು ಸುಭದ್ರ:
ಇಂಟೆಲ್‍ನ ಪ್ರಾಜೆಕ್ಟ್ ಅಥೆನಾವನ್ನು ಇದು ಅಳವಡಿಸಿಕೊಂಡಿರುವುದಲ್ಲದೆ, 8ನೇ ಪೀಳಿಗೆಯ ಇಂಟೆಲ್ ಕೋರ್ ವಿ ಪ್ರೊ ಪ್ರೊಸೆಸರ್ ಒಳಗೊಂಡಿದೆ. ವೈ-ಫೈ 5ಗಿಂತಲೂ ಮೂರು ಪಟ್ಟು ಹೆಚ್ಚಿನ ವೇಗದ ಫೈಲ್ ಟ್ರ್ಯಾನ್ಸ್‌ಫರ್ ಸ್ಪೀಡ್ ಅನ್ನು ವೈ-ಫೈ 6 ನೀಡುತ್ತದೆ. ಮಾಲ್‍ವೇರ್ ಅಟ್ಯಾಕ್‍ಗಳನ್ನು ಹೆಚ್‍ಪಿ ಶೂರ್‍ಸೆನ್ಸ್ ಕೃತಕ ಬುದ್ಧಿವಂತಿಕೆಯೊಂದಿಗೆ ತಡೆಯುತ್ತದೆ.

ಜತೆಗೆ ಹೆಚ್‍ಪಿ ಪ್ರಶಸ್ತಿ ವಿಜೇತ ಇಂಟಿಗ್ರೇಟೆಡ್ ಪ್ರಿವೇಸಿ ಸ್ಕ್ರೀನ್ ಮತ್ತು ಹೆಚ್‍ಪಿ ಪ್ರಿವೇಸಿ ಕ್ಯಾಮರಾಗಳು, ಹೆಚ್‍ಪಿ ಶ್ಯೂರ್ ವ್ಯೂ ಜೆನ್3ರ ಭಾಗವಾಗಿದ್ದು, ಜಗತ್ತಿನೊಂದಿಗೆ ಹಂಚಿಕೊಳ್ಳುವುದನ್ನು ನಿಯಂತ್ರಿಸಲು ಬಳಕೆದಾರರಿಗೆ ನೆರವಾಗುತ್ತವೆ.

WhatsApp: ನಮ್ಮ ಖಾತೆ ಕೂಡ ಹ್ಯಾಕ್‌ ಆಗಿರಬಹುದಾ?

ಹೆಚ್‍ಪಿ ವರ್ಕ್‍ವೆಲ್ ಸಾಫ್ಟ್‌ವೇರ್‌ನೊಂದಿಗೆ ಈ ಉತ್ಪನ್ನ ಚತುರ ಮತ್ತು ವೈಯಕ್ತಿಕ ಅಗತ್ಯಗಳಿಗೆ ತಕ್ಕಂತೆ ಉತ್ತಮವಾಗಿ ಕೆಲಸ ಮಾಡುತ್ತದೆ. ಜೊತೆಗೆ ಹೆಚ್‍ಪಿ ಉತ್ಪಾದಕತೆಯ ಸಲಹೆಗಳನ್ನು ಪೂರೈಸುವುದಲ್ಲದೆ, ಬಳಕೆದಾರರು ಕೆಲಸದ ನಡುವೆ ಎದ್ದು ಹೋಗಿ ಅಲ್ಪಸ್ವಲ್ಪ ವ್ಯಾಯಾಮ ಮಾಡುವಂತೆ ಸೂಚಿಸುತ್ತದೆ. ಆರೋಗ್ಯಕರ ಕೆಲಸ ಮತ್ತು ಜೀವನದ ಸಮತೋಲನವನ್ನು ಕಂಡುಕೊಳ್ಳಲು ಹೆಚ್‍ಪಿ ನೆರವಾಗುವುದಲ್ಲದೆ, ವೈಯಕ್ತೀಕರಿಸಿದ ಸೌಖ್ಯತೆಯ ಶಿಫಾರಸ್ಸುಗಳನ್ನು ನೀಡುತ್ತದೆ.

ಬೆಲೆ ಮತ್ತು ಲಭ್ಯತೆ:
ಹೆಚ್‍ಪಿ ಎಲೈಟ್ ಡ್ರ್ಯಾಗನ್ ಫ್ಲೈ ಡಿಸೆಂಬರ್ 01 ರಿಂದ ಲಭ್ಯವಾಗುವ ನಿರೀಕ್ಷೆ ಇದ್ದು, ಇದರ ಬೆಲೆ 1,49,999 ರೂ. ಆಗಿರುತ್ತದೆ. ಇಂಟೆಲ್ ಕೋರ್ vPro 8th Gen ಪ್ರೊಸೆಸರ್ ಇದರಲ್ಲಿದ್ದು, 16GB ವರೆಗೆ RAM ಮತ್ತು 2TB ವರೆಗೆ ಸ್ಟೋರೇಜ್ ಹೊಂದಿದೆ. 30 ನಿಮಿಷದಲ್ಲಿ ಶೇ. 50 ಫಾಸ್ಟ್ ಚಾರ್ಜಿಂಗ್ ಆಯ್ಕೆ ಇದರಲ್ಲಿದೆ.

HP Dragonfly: 24 ಗಂಟೆ ಬ್ಯಾಟರಿ ಬಾಳಿಕೆ