Honor Vision 4K: ಹಾರ್ಮನಿ ಓಎಸ್ ಸ್ಮಾರ್ಟ್‌ಟಿವಿ

ಸ್ಮಾರ್ಟ್‌ಟಿವಿ ಮಾರುಕಟ್ಟೆಯಲ್ಲಿ ಬೇಡಿಕೆ ಹೆಚ್ಚಾಗುತ್ತಿದ್ದು, ಜನರು ಆಂಡ್ರಾಯ್ಡ್ ಸ್ಮಾರ್ಟ್‌ ಟಿವಿ ಓಎಸ್ ಆಧಾರಿತ ಟಿವಿಗಳನ್ನು ಕೊಳ್ಳುತ್ತಿದ್ದಾರೆ.

ಇದೇ ಸಂದರ್ಭದಲ್ಲಿ ಚೀನಾದ ಹುವೈ, ಹೊನೊರ್ ಬ್ರ್ಯಾಂಡ್‌ನಡಿ ಹೊನೊರ್ ವಿಶನ್ 4K ಟಿವಿಯನ್ನು ಬಿಡುಗಡೆ ಮಾಡಿದೆ. ಹುವೈನ ಮೊದಲ ಸ್ಮಾರ್ಟ್‌ ಟಿವಿ ಇದಾಗಿದ್ದು, ಅದರೊಂದಿಗೆ, ಹುವೈ ಸ್ವಂತದ ಹಾರ್ಮನಿ ಓಎಸ್ ಬಳಸುವ ಮೊದಲ ಸ್ಮಾರ್ಟ್ ಟಿವಿ ಇದಾಗಿದೆ.

ಚೀನಾದಲ್ಲಿ ನಡೆದ ಹುವೈ ಡೆವಲಪರ್‌ ಕಾನ್ಫರೆನ್ಸ್‌ನಲ್ಲಿ ಹೊಸ ಹೊನೊರ್ ಸ್ಮಾರ್ಟ್ ಟಿವಿ ಬಿಡುಗಡೆಯಾಗಿದ್ದು, ಹುವೈ ಅಭಿವೃದ್ಧಿಪಡಿಸಿರುವ ಹಾರ್ಡ್‌ವೇರ್‌ಗಳನ್ನೇ ಬಳಸಿಕೊಳ್ಳಲಾಗಿದೆ. ಹುವೈನ ಹೊಂಗೊ 818 ಇಂಟಲಿಜೆಂಟ್ ಡಿಸ್‌ಪ್ಲೇ ಚಿಪ್‌ಸೆಟ್, ಏಐ ಕ್ಯಾಮರಾ, ವೈ-ಫೈ ಚಿಪ್‌ಸೆಟ್ ಅದರೊಂದಿಗೆ ಬಹುನಿರೀಕ್ಷಿತ ಹಾರ್ಮನಿ ಓಎಸ್ ಬಳಸಿಕೊಳ್ಳಲಾಗುತ್ತದೆ.

ಹೊನೊರ್ ವಿಶನ್, 55 ಇಂಚಿನ 4K HDR ಡಿಸ್‌ಪ್ಲೇಯಾಗಿದ್ದು, 2 GB ಮತ್ತು 16 GB ಮಾದರಿಗೆ RMB3,799 (ಅಂದಾಜು 38,200 ರೂ.) ನಿಗದಿಪಡಿಸಲಾಗಿದೆ.