9X Pro: ತ್ರಿವಳಿ ಕ್ಯಾಮರಾ ಸಹಿತ ಹೊನೊರ್ ಫೋನ್

ಚೀನಾ ಮೂಲದ ಹುವೈನ ಸಬ್‌ಬ್ರ್ಯಾಂಡ್ ಆಗಿರುವ ಹೊನೊರ್, ಹೊಸ ಹೊನೊರ್ 9X ಮಾದರಿಯನ್ನು ಚೀನಾದಲ್ಲಿ ಜುಲೈ 23ರಂದು ಬಿಡುಗಡೆ ಮಾಡುವ ನಿರೀಕ್ಷೆಯಿದೆ.

ಇದೇ ಸಂದರ್ಭದಲ್ಲಿ ಹೊನೊರ್ 9X ಪ್ರೊ ಮಾದರಿ ಕೂಡ ಪರಿಚಯಿಸಲ್ಪಡುವ ಸಾಧ್ಯತೆಯಿದೆ. ಸೋರಿಕೆಯಾಗಿರುವ ಮಾಹಿತಿ ಪ್ರಕಾರ, ಹೊನೊರ್ 9X ಪ್ರೊ, ಹಿಂಬದಿಯಲ್ಲಿ ತ್ರಿವಳಿ ಕ್ಯಾಮರಾ ವ್ಯವಸ್ಥೆ ಹೊಂದಿದೆ.

9X ಪ್ರೊ ಮಾದರಿಯಲ್ಲಿ ಪಾಪ್‌-ಅಪ್ ಸೆಲ್ಫಿ ಕ್ಯಾಮರಾ ಇದ್ದು, ಡಿಸ್‌ಪ್ಲೇನಲ್ಲಿ ಫಿಂಗರ್‌ಪ್ರಿಂಟ್ ಸ್ಕ್ಯಾನರ್ ಇರಲಿದೆ. ಅಲ್ಲದೆ ನಾಚ್ ಇಲ್ಲದ, ಫುಲ್‌ಸ್ಕ್ರೀನ್ ಡಿಸ್‌ಪ್ಲೇ ಹೊನೊರ್‌ ಸ್ಮಾರ್ಟ್‌ಫೋನ್‌ನ ವಿಶೇಷವಾಗಿದೆ.

ತ್ರಿವಳಿ ಕ್ಯಾಮರಾ ವ್ಯವಸ್ಥೆಯಲ್ಲಿ 48 ಮೆಗಾಪಿಕ್ಸೆಲ್ ಸೋನಿ IMX582 ಸೆನ್ಸರ್, 8 ಮೆಗಾಪಿಕ್ಸೆಲ್ ವೈಡ್ ಆಂಗಲ್ ಲೆನ್ಸ್ ಮತ್ತು 2 ಮೆಗಾಪಿಕ್ಸೆಲ್ ಡೆಪ್ತ್‌ ಸೆನ್ಸರ್ ವಿಶೇಷವಾಗಿದೆ. ಅಲ್ಲದೆ 25 ಮೆಗಾಪಿಕ್ಸೆಲ್ ಸೆಲ್ಫಿಯೂ ಇರಲಿದೆ.