Honor TV: ಸ್ಮಾರ್ಟ್‌ ಪಾಪ್‌-ಅಪ್ ಸೆಲ್ಫಿ ಸಹಿತ ಟಿವಿ

ಚೀನಾದ ಪ್ರಸಿದ್ಧ ಎಲೆಕ್ಟ್ರಾನಿಕ್ಸ್ ಸಂಸ್ಥೆ ಹುವೈನ ಸಬ್‌ ಬ್ರ್ಯಾಂಡ್ ಆಗಿರುವ ಹೊನೊರ್, ದೇಶದಲ್ಲಿ ಸ್ಮಾರ್ಟ್‌ ಟಿವಿಯನ್ನು ಶೀಘ್ರದಲ್ಲೇ ಬಿಡುಗಡೆ ಮಾಡಲು ಸಜ್ಜಾಗಿದೆ.

ಚೀನಾದಲ್ಲಿ ಮೊದಲು ಬಿಡುಗಡೆಯಾದ ಬಳಿಕ ನಂತರ ಭಾರತದಲ್ಲಿ ದೊರೆಯಲಿದೆ.

ಕೃತಕ ಬುದ್ಧಿಮತ್ತೆ ತಂತ್ರಜ್ಞಾನ ಸಹಿತ ಟಿವಿ, ಪಾಪ್‌ ಅಪ್ ಸೆಲ್ಫಿ ಕ್ಯಾಮರಾ ಕೂಡ ಹೊಂದಿರುತ್ತದೆ ಎನ್ನಲಾಗಿದೆ.

ಹೊನೊರ್‌ನ ಮೊದಲ ಸ್ಮಾರ್ಟ್‌ ಟಿವಿ ಇದಾಗಿರಲಿದ್ದು, ಹೊನೊರ್ ವಿಶನ್ ಟಿವಿ Honghu 818 ಚಿಪ್‌ಸೆಟ್ ಹೊಂದಿರುತ್ತದೆ ಎನ್ನಲಾಗಿದೆ.

ಜತೆಗೆ ಶಾರ್ಪ್ ಟೆಕ್ ತಂತ್ರಜ್ಞಾನ ಬಳಕೆಗೆ ಬರಲಿದ್ದು, ಅದರ ಮೂಲಕ ಹೊಸ ಸಾಧ್ಯತೆಗಳನ್ನು ಹೊನೊರ್ ಸ್ಮಾರ್ಟ್ ಟಿವಿ ಲೋಕಕ್ಕೆ ಪರಿಚಯಿಸಲಿದೆ. ಆಗಸ್ಟ್‌ 9ರಂದು ಚೀನಾದಲ್ಲಿ ಹೊಸ ಹೊನೊರ್ ಸ್ಮಾರ್ಟ್ ಟಿವಿ ಬಿಡುಗಡೆಯಾಗುವ ನಿರೀಕ್ಷೆಯಿದೆ.

ಪಾಪ್‌ ಅಪ್ ಸೆಲ್ಫಿ, ಮುಖಚಹರೆಯನ್ನು ಪತ್ತೆಹಚ್ಚುವ ತಂತ್ರಜ್ಞಾನ ಹೊಂದಿರುತ್ತದೆ ಎನ್ನಲಾಗಿದೆ.