Huawei: ದೇಶಕ್ಕೆ ಬರಲಿದೆ ಪಿ ಸ್ಮಾರ್ಟ್‌ ಝೆಡ್

ಚೀನಾ ಮೂಲದ ಹುವೈ ಕಂಪನಿ ತನ್ನ ಪಿ ಸ್ಮಾರ್ಟ್‌ಫೋನ್ ಸರಣಿಯಲ್ಲಿ ಪಿ ಸ್ಮಾರ್ಟ್‌ ಝೆಡ್ ಅನ್ನು ಹೊರತರಲಿದ್ದು, ಶೀಘ್ರದಲ್ಲೇ ದೇಶಕ್ಕೂ ಪರಿಚಯಿಸಲಿದೆ.

ಭಾರತ ಅತಿದೊಡ್ಡ ಸ್ಮಾರ್ಟ್‌ಫೋನ್ ಮಾರುಕಟ್ಟೆಯಾಗಿದ್ದು, ಸ್ಪರ್ಧೆ ಮತ್ತು ಹೊಸ ಹೊಸ ಸ್ಮಾರ್ಟ್‌ಫೋನ್ ಮಾದರಿಗಳು ಬಿಡುಗಡೆಯಾಗುತ್ತಿರುವಂತೆಯೇ ಹುವೈ ಕೂಡ ಹೊಸ ಮಾದರಿಯನ್ನು ಪರಿಚಯಿಸಲು ಸಜ್ಜಾಗಿದೆ.

ಹುವೈ P Smart Z 6.59 ಇಂಚಿನ ಎಲ್‌ಸಿಡಿ ಡಿಸ್‌ಪ್ಲೇ, Kirin 710 ಪ್ರೊಸೆಸರ್, 4GB RAM ಹೊಂದಿರಲಿದೆ. 64 GB ಮೆಮೊರಿ ಇರಲಿದ್ದು, 512 GBವರೆಗೆ ವಿಸ್ತರಿಸಬಹುದಾಗಿದೆ.

4,000mAh ಬ್ಯಾಟರಿ ಸೌಲಭ್ಯವಿರುವ ಹುವೈ ಪಿ ಸ್ಮಾರ್ಟ್‌ ಝೆಡ್, 16 ಮೆಗಾಪಿಕ್ಸೆಲ್ ಪಾಪ್ ಅಪ್ ಸೆಲ್ಫಿ ಕ್ಯಾಮರಾ ಹೊಂದಿದೆ. ಮಿಡ್‌ನೈಟ್ ಬ್ಲ್ಯಾಕ್, ಎಮರಾಲ್ಡ್ ಗ್ರೀನ್ ಮತ್ತು ಸಫೈರ್ ಬ್ಲೂ ಬಣ್ಣದಲ್ಲಿ ದೊರೆಯಲಿದೆ.