Huawei: ಪವರ್‌ಫುಲ್‌ ಪ್ರೊಸೆಸರ್‌ ಸ್ಮಾರ್ಟ್‌ಫೋನ್‌

ಚೀನಾ ಮೂಲದ ತಂತ್ರಜ್ಞಾನ ದೈತ್ಯ ಹುವೈ ಕಂಪನಿಯು ಅತ್ಯಂತ ಶಕ್ತಿಶಾಲಿ ಕಿರಿನ್‌ 990 ಸರಣಿಯ ಪ್ರೊಸೆರ್‌ ಒಳಗೊಂಡಿರುವ ಸ್ಮಾರ್ಟ್‌ಫೋನ್‌ಗಳನ್ನು ಶೀಘ್ರವೇ ಭಾರತದಲ್ಲಿಬಿಡುಗಡೆ ಮಾಡಲಿದೆ.

ಬಹುತೇಕ ಮೇಟ್‌ 30 ಅಥವಾ ಮೇಟ್‌ 30 ಪ್ರೊ ಸ್ಮಾರ್ಟ್‌ಫೋನ್‌ನಲ್ಲಿಈ ಪ್ರೊಸೆಸರ್‌ ಇರಲಿದೆ ಎನ್ನುತ್ತಿವೆ ವರದಿಗಳು. ವಿಶೇಷ ಎಂದರೆ, ಕಿರಿನ್‌ 990 ಚಿಪ್‌ಸೆಟ್‌ ಎರಡು ಮಾದರಿ ಕಿರಿನ್‌ 990 ಮತ್ತು ಕಿರಿನ್‌ 990 5ಜಿ ನಮೂನೆಯಲ್ಲಿದೊರೆಯಲಿದೆ.

ಆದರೆ, ಭಾರತದಲ್ಲಿಇನ್ನೂ 5ಜಿ ತಂತ್ರಜ್ಞಾನ ಲಭ್ಯ ಇಲ್ಲದ್ದರಿಂದ ಇಲ್ಲಿಬಿಡುಗಡೆಯಾಗಲಿರುವ ಫೋನ್‌ಗಳಲ್ಲಿಕಿರಿನ್‌ 990 ಪ್ರೊಸೆಸರ್‌ ಇರಲಿದೆ ಎನ್ನಲಾಗುತ್ತಿದೆ. ಹುವೈ ಕಂಪನಿ ಹೇಳಿಕೊಳ್ಳುವ ಪ್ರಕಾರ, ಕಿರಿನ್‌ 990 5ಜಿ ಚಿಪ್‌ಸೆಟ್‌ನಲ್ಲಿ10.3 ಬಿಲಿಯನ್‌ ಟ್ರಾನ್ಸಿಸ್ಟರ್‌ಗಳು ಇರಲಿವೆ ಮತ್ತು ಇಷ್ಟೊಂದು ಟ್ರಾನ್ಸಿಸ್ಟರ್‌ಗಳನ್ನು ಒಳಗೊಂಡಿರುವ ಮೊದಲ ಚಿಪ್‌ಸೆಟ್‌ ಆಗಿದೆ.

Instagram Music: ದೇಶದಲ್ಲಿ ಲಭ್ಯ, ಬಳಕೆ ಹೇಗೆ?

ಈ ಹಿನ್ನೆಲೆಯಲ್ಲಿಸದ್ಯ ಮಾರುಕಟ್ಟೆಯಲ್ಲಿಲಭ್ಯವಿರುವ ಪ್ರೊಸೆಸರ್‌ಗಳ ಪೈಕಿ ಈ ಪ್ರೊಸೆಸರ್‌ ಅತ್ಯಂತ ಶಕ್ತಿಶಾಲಿ ಎಂದು ಭಾವಿಸಲಾಗುತ್ತಿದೆ. ಹುವೈ ಕಂಪನಿ ಈ ಹೊಸ ಸಾಹಸದ ಮೂಲಕ ಮಾರುಕಟ್ಟೆಯಲ್ಲಿತನ್ನದೇ ಆದ ಸ್ಥಾನವನ್ನು ಭದ್ರಪಡಿಸಿಕೊಳ್ಳುವ ಪ್ರಯತ್ನಗಳು ನಿಚ್ಚಳವಾಗುತ್ತಿವೆ.

ಈಗಾಗಲೇ ಅಮೆರಿಕದಲ್ಲಿ ನಿರ್ಬಂಧ ಮತ್ತು ಗೂಗಲ್ ಆಂಡ್ರಾಯ್ಡ್ ಹಾಗೂ ಕೆಲವೊಂದು ಆ್ಯಪ್‌ ಬಳಕೆಗೆ ನಿಷೇಧ ಹೇರಿರುವುದರಿಂದ ಹುವೈ ತನ್ನದೇ ಆದ ಹೊಂಗ್‌ಮಿಂಗ್, ಹುವೈ ಹಾರ್ಮನಿ ಓಎಸ್ ಬಿಡುಗಡೆ ಮಾಡಿದೆ. ಅಲ್ಲದೆ ಗೂಗಲ್ ಆ್ಯಪ್‌ ರಹಿತ ಫೋನ್, ಪ್ರತ್ಯೇಕ ಹುವೈ ಮ್ಯಾಪ್‌ಗಳನ್ನು ಕೂಡ ಹುವೈ ಸಿದ್ಧಪಡಿಸಿದ್ದು, ಗೂಗಲ್ ಇಲ್ಲದೆಯೇ ಫೋನ್ ಹೊರತರುವ ಸಾಹಸಕ್ಕೆ ಹುವೈ ಮುಂದಾಗಿದೆ.

Truecaller: ಆಂಡ್ರಾಯ್ಡ್ ಫೋನ್‌ನಲ್ಲಿ ನಿಮ್ಮ ನಂಬರ್ ಡಿಲೀಟ್ ವಿಧಾನ