5G Smartphone: ಜೂನ್‌ನೊಳಗೆ ದೇಶದಲ್ಲಿ ಲಭ್ಯ

2020ರ ಮೊದಲಾರ್ಧಕ್ಕೆ ಭಾರತೀಯ ಗ್ರಾಹಕರು 5ಜಿ ಸ್ಮಾರ್ಟ್‌ಫೋನ್‌ಗಳನ್ನು ಖರೀದಿಸಲು ಸಾಧ್ಯವಾಗಲಿದೆ. ಮಾರುಕಟ್ಟೆ ತಜ್ಞರ ಪ್ರಕಾರ, 15-18 ಮಾಡೆಲ್‌ಗಳು ಭಾರತದಲ್ಲಿಈ ವರ್ಷ ಬಿಡುಗಡೆಯಾಗಲಿವೆ. ಅವುಗಳ ದರಗಳು 30,000 ರೂ.ನಿಂದ ಆರಂಭವಾಗುತ್ತವೆ.

ಆದಾಗ್ಯೂ, 5ಜಿ ತರಂಗಗುಚ್ಛದ ಹರಾಜನ್ನು ಸರಕಾರವು ಏಪ್ರಿಲ್‌-ಜೂನ್‌ನಲ್ಲಿ ನಡೆಸಲು ಮುಂದಾಗಿದೆ. ಬಳಿಕವಷ್ಟೇ 5ಜಿ ಸೇವೆ ಲಭ್ಯವಾಗಲಿದೆ. ಇಂಟರ್‌ನ್ಯಾಷನಲ್‌ ಡೇಟಾ ಕಾರ್ಪೊರೇಷನ್‌ ಪ್ರಕಾರ, ಈ ವರ್ಷ 4ಜಿ ಮತ್ತು 5ಜಿ ಎರಡನ್ನೂ ಬೆಂಬಲಿಸುವಂಥ ಮೊಬೈಲ್‌ಗಳೂ ಬಿಡುಗಡೆಯಾಗಲಿವೆ. ಸಂಪೂರ್ಣ 5ಜಿ ಫೋನ್‌ಗಳ ಮಾರಾಟ 2021ರಿಂದಷ್ಟೇ ಬಿರುಸಾಗಲಿದೆ. ಶವೋಮಿ, ರಿಯಲ್‌ಮಿ, ಒಪ್ಪೊ, ವಿವೊ, ಒನ್‌ಪ್ಲಸ್‌, ಸ್ಯಾಮ್‌ಸಂಗ್‌ ಮತ್ತಿತರ ಕಂಪನಿಗಳು ಈ ವರ್ಷ 5ಜಿ ಮಾಡೆಲ್‌ಗಳ ಬಿಡುಗಡೆ ಮಾಡಲಿವೆ.

ಅಮೆರಿಕದಲ್ಲಿ ವಿವಿಧ ರೀತಿಯ ನಿರ್ಬಂಧಕ್ಕೆ ಒಳಗಾಗಿರುವ ಚೀನಾ ಮೂಲದ ಹುವೈ ಕೂಡ ದೇಶದಲ್ಲಿ 5G ತಂತ್ರಜ್ಞಾನ ಪರೀಕ್ಷಾರ್ಥ ಬಳಕೆಗೆ ಅನುಮತಿ ಪಡೆದಿದೆ. ಅಲ್ಲದೆ ಹುವೈ ಜಾಗತಿಕವಾಗಿ 5G ಟೆಕ್ನಾಲಜಿಗಾಗಿ ವಿವಿಧ ಸಂಸ್ಥೆಗಳೊಂದಿಗೆ ಸಹಯೋಗ ಹೊಂದಿದೆ. ಹೀಗಾಗಿ ಭಾರತದಲ್ಲೂ 5G ತಂತ್ರಜ್ಞಾನ ಲಭ್ಯತೆಗೆ ಪೂರಕವಾದ ಅನುಮತಿ ಪಡೆದಿರುವ ಹುವೈ, ಸೂಕ್ತ ಪರೀಕ್ಷಾರ್ಥ ಬಳಕೆಯ ನಂತರವಷ್ಟೇ ಅಧಿಕೃತವಾಗಿ ಸೇವೆ ಆರಂಭವಾಗಲಿದೆ.

Canon EOS 90D: ಆಕರ್ಷಕ ಕೆನಾನ್ ಕ್ಯಾಮರಾ

ಹೀಗಾಗಿ 5G ಸೇವೆಗಳನ್ನು ಪಡೆಯಲು ದೇಶದಲ್ಲಿ ಮೊದಲು ತರಂಗಗುಚ್ಛ ಹರಾಜು, ನಂತರ ಖಾಸಗಿ ಕಂಪನಿಗಳ ಬಿಡ್ ಸಲ್ಲಿಕೆ, ತಂತ್ರಜ್ಞಾನ ಅಳವಡಿಕೆ, ಪರೀಕ್ಷಾರ್ಥ ಬಳಕೆ ಪೂರ್ತಿಗೊಳಿಸಬೇಕಿದೆ.

WhatsApp: ಮತ್ತಷ್ಟು ಹೊಸ ಫೀಚರ್‌ಗಳು!