Microsoft Kaizala: ರೈಲ್ವೆ ನೌಕರರಿಗೆ ಚಾಟ್‌ ಬೇಸ್ಡ್‌ ವೈದ್ಯಕೀಯ ನೆರವು

ಭಾರತೀಯ ರೈಲ್ವೆ ಇಲಾಖೆಯು ತನ್ನ ಹಾಲಿ ಮತ್ತು ನಿವೃತ್ತ ನೌಕರರಿಗೆ ಚಾಟ್‌ ಬೇಸ್ಡ್‌ ವೈದ್ಯಕೀಯ ಸಹಾಯ ನೀಡಲು ಮುಂದಾಗಿದೆ.

ಇದಕ್ಕಾಗಿ ಅದು ಮೈಕ್ರೊಸಾಫ್ಟ್‌ನ ಕೈಝಾಲಾ ಜತೆ ಒಪ್ಪಂದ ಮಾಡಿಕೊಂಡಿದೆ. ಈ ಮೈಕ್ರೊಸಾಫ್ಟ್‌ನ ಕೈಝಾಲಾ ಆ್ಯಪ್‌ ಬಳಸಿಕೊಂಡು ರೈಲ್ವೆ ಇಲಾಖೆಯ ನೌಕರರು, ದೇಶಾದ್ಯಂತ ಇರುವ 125 ರೈಲ್ವೆ ಮತ್ತು 133 ಖಾಸಗಿ ಆಸ್ಪತ್ರೆಗಳ ಜತೆ ಸಂಪರ್ಕ ಸಾಧಿಸಬಹುದಾಗಿದೆ.

ಆ್ಯಪ್‌ನಲ್ಲಿ ನೋಂದಣಿಯಾದ ಬಳಿಕ ರೈಲ್ವೆ ಇಲಾಖೆ ನೌಕರರು ಮೈಕ್ರೊಸಾಫ್ಟ್‌ನ ಕೈಝಾಲಾನಲ್ಲಿ ಸರ್ಚ್‌ ಮಾಡಲು ಸಾಧ್ಯವಾಗುತ್ತದೆ. ಆಗ ಬಳಕೆದಾರರು ತಮ್ಮ ಸಮೀಪದ ಆಸ್ಪತ್ರೆಗಳು, ಅಲ್ಲಿರುವ ವೈದ್ಯರು ಮತ್ತು ಡಯೋಗ್ನಾಸ್ಟಿಕ್‌ ಸೆಂಟರ್‌ಗಳು, ಆರೋಗ್ಯಧಾಮಗಳ ಬಗ್ಗೆ ಮಾಹಿತಿಯನ್ನು ಬೆರಳ ತುದಿಯಲ್ಲೇ ಪಡೆದುಕೊಳ್ಳಬಹುದು.

ಈ ಆ್ಯಪ್‌ನ ಮಿ ಚಾಟ್‌ ಮೂಲಕವೇ ಬಳಕೆದಾರರು ಡಾಕ್ಟರ್‌ ಅಪಾಯಿಂಟ್‌ಮೆಂಟ್‌ ತೆಗೆದುಕೊಳ್ಳಬಹುದು, ಡಯೋಗ್ನಾಸ್ಟಿಕ್‌ ಲ್ಯಾಬ್‌ ರಿಪೋರ್ಟ್‌ ಅನ್ನು ನೇರವಾಗಿ ತಮ್ಮ ವೈದ್ಯರ ಜತೆ ಹಂಚಿಕೊಳ್ಳಬಹುದು.