Lava Z61 Pro: ಮಾರುಕಟ್ಟೆಗೆ ಬಂತು ಮೇಡ್ ಇನ್ ಇಂಡಿಯಾ ಬಜೆಟ್ ಸ್ಮಾರ್ಟ್‌ಫೋನ್

ಚೀನಾ ಫೋನ್ ಮತ್ತು ಸರಕುಗಳ ಬಹಿಷ್ಕಾರ ಆಭಿಯಾನ ಸಾಗುತ್ತಿರುವಂತೆಯೇ ದೇಸಿ ಕಂಪನಿ ಲಾವಾ ಆಕರ್ಷಕ ಸ್ಮಾರ್ಟ್‌ಫೋನ್ ಒಂದನ್ನು ಮಾರುಕಟ್ಟೆಗೆ ಬಿಡುಗಡೆ ಮಾಡಿದೆ. ಬಜೆಟ್ ದರದಲ್ಲಿ ಲಾವಾ Z61 ಪ್ರೊ ಫೋನ್ ಮಾರುಕಟ್ಟೆಗೆ ಪ್ರವೇಶಿಸಿದ್ದು, ಉತ್ತಮ ಫೀಚರ್‌ಗಳನ್ನು ಹೊಂದಿದೆ.

ಲಾವಾ Z61 ಪ್ರೊ
ದೇಸಿ ಕಂಪನಿ ಲಾವಾ Z61 ಹೆಸರಿನ ಫೋನ್ ಅನ್ನು ಈ ಮೊದಲು ಮಾರುಕಟ್ಟೆಗೆ ಪರಿಚಯಿಸಿದೆ. ಈಗ ಅದರ ಪರಿಷ್ಕೃತ ಪ್ರೊ ಆವೃತ್ತಿ ಬಿಡುಗಡೆಯಾಗಿದ್ದು, 5,774 ರೂ. ದರ ಹೊಂದಿದೆ.

ಮಿಡ್‌ನೈಟ್ ಬ್ಲೂ ಮತ್ತು ಆಂಬರ್ ರೆಡ್ ಬಣ್ಣದಲ್ಲಿ ಹೊಸ ಫೋನ್ ಮಾರುಕಟ್ಟೆಯಲ್ಲಿ ದೊರೆಯುತ್ತಿದ್ದು, ಅಮೆಜಾನ್ ಮತ್ತು ಫ್ಲಿಪ್‌ಕಾರ್ಟ್ ಮೂಲಕವೂ ಖರೀದಿಸಬಹುದು. 5,45 ಇಂಚಿನ ಎಚ್‌ಡಿ+ ಡಿಸ್‌ಪ್ಲೇ, 2 GB RAM ಮತ್ತು 16 GB ಮೆಮೊರಿ ಸ್ಟೋರೇಜ್ ಹೊಂದಿದೆ. ಮೆಮೊರಿ ಕಾರ್ಡ್ ಮೂಲಕ 128 GB ವರೆಗೆ ವಿಸ್ತರಿಸಬಹುದಾಗಿದೆ.

3100mAh ಬ್ಯಾಟರಿ ಇದರಲ್ಲಿದ್ದು, 8 ಮೆಗಾಪಿಕ್ಸೆಲ್ ಮುಖ್ಯ ಕ್ಯಾಮರಾ ಮತ್ತು 5 ಮೆಗಾಪಿಕ್ಸೆಲ್ ಸೆಲ್ಫ ಇದರ ವಿಶೇಷತೆಯಾಗಿದೆ. ದೇಶದಲ್ಲೇ ತಯಾರಾದ ಮತ್ತು ದೇಸಿ ಕಂಪನಿಯ ಸ್ಮಾರ್ಟ್‌ಫೋನ್ ಇದಾಗಿದ್ದು, ಹೆಚ್ಚು ಜನಪ್ರಿಯತೆ ಗಳಿಸುವ ಸಾಧ್ಯತೆಯಿದೆ.

Non China Mobile: ಹೊಸ ಮೊಬೈಲ್ ಕೊಳ್ಳುತ್ತಿದ್ದೀರಾ? ಇಲ್ಲಿ ಗಮನಿಸಿ..