Instagram Vanish Mode: ಚಾಟಿಂಗ್‌ನಲ್ಲಿ ಹೊಸ ಆಯ್ಕೆ ಪರಿಚಯಿಸಿದ ಇನ್‌ಸ್ಟಾಗ್ರಾಂ

ಫೇಸ್‌ಬುಕ್ ಒಡೆತನದ ಇನ್‌ಸ್ಟಾಗ್ರಾಂ ಫೋಟೋ ಶೇರಿಂಗ್‌ಗೆ ಜನಪ್ರಿಯತೆ ಪಡೆದುಕೊಂಡಿತ್ತು. ಆದರೆ ಈಗ ಐಜಿಟಿವಿ ಮತ್ತು ರೀಲ್ಸ್ ಆಯ್ಕೆ ನೀಡಿರುವುದರಿಂದ, ಬಳಕೆದಾರರಿಗೆ ವಿವಿಧ ರೀತಿಯ ವೈಶಿಷ್ಟ್ಯಗಳು ಲಭ್ಯವಾಗುತ್ತಿವೆ. ಈ ಬಾರಿ ಇನ್‌ಸ್ಟಾಗ್ರಾಂ ಡೈರೆಕ್ಟ್ ಮೆಸೇಜ್‌ನಲ್ಲಿ ಬಳಕೆದಾರರಿಗೆ ವ್ಯಾನಿಶ್ ಮೋಡ್ ಪರಿಚಯಿಸಿದೆ. ಹೊಸ ಅಪ್‌ಡೇಟ್ ಜತೆಗೆ ಜಾಗತಿಕವಾಗಿ ಬಳಕೆದಾರರಿಗೆ ಈ ವೈಶಿಷ್ಟ್ಯ ಲಭ್ಯವಾಗುತ್ತಿದೆ.

ಇನ್‌ಸ್ಟಾಗ್ರಾಂ ವ್ಯಾನಿಶ್ ಮೋಡ್!
ಜಾಗತಿಕ ಬಳಕೆದಾರರಿಗೆ ಇನ್‌ಸ್ಟಾಗ್ರಾಂ ಒದಗಿಸಿರುವ ಈ ಫೀಚರ್, ಪ್ರಸ್ತುತ ಭಾರತದಲ್ಲೂ ಲಭ್ಯವಾಗಿದೆ. ಬಳಕೆದಾರರು ಇನ್‌ಸ್ಟಾಗ್ರಾಂ ಅಪ್ಲಿಕೇಶನ್ ಅಪ್‌ಡೇಟ್ ಮಾಡಿಕೊಂಡರೆ ಈ ಫೀಚರ್ ಲಭ್ಯವಾಗುತ್ತದೆ. ಫೇಸ್‌ಬುಕ್ ಈಗಾಗಲೇ ಬಳಕೆದಾರರ ಮಾಹಿತಿ ಗೌಪ್ಯತೆ ಮತ್ತು ಸುರಕ್ಷತೆಗಾಗಿ ಹಲವು ಆಯ್ಕೆಗಳನ್ನು ಒದಗಿಸಿದೆ. ಇತ್ತೀಚೆಗೆ ವಾಟ್ಸಪ್‌ನಲ್ಲಿ ಡಿಸಾಪಿಯರಿಂಗ್ ಫೀಚರ್ ಅನ್ನು ವಾಟ್ಸಪ್ ಒದಗಿಸಿದೆ. ಅದೇ ರೀತಿಯಲ್ಲಿ ಇನ್‌ಸ್ಟಾಗ್ರಾಂ ವ್ಯಾನಿಶ್ ಮೋಡ್ ಕೆಲಸ ಮಾಡಲಿದೆ.

ಏನಿದು ಇನ್‌ಸ್ಟಾಗ್ರಾಂ ವ್ಯಾನಿಶ್ ಮೋಡ್?
ಇನ್‌ಸ್ಟಾಗ್ರಾಂ ಡೈರೆಕ್ಟ್ ಮೆಸೇಜ್‌ನಲ್ಲಿ ನೀವು ಮೆಸೇಜ್ ಕಳುಹಿಸಿದ ಬಳಿಕ, ಅದನ್ನು ಡಿಲೀಟ್ ಮಾಡಲು ಬಯಸಿದ್ದಲ್ಲಿ ಮತ್ತು ಚಾಟ್ ಅನ್ನು ಇಟ್ಟುಕೊಳ್ಳುವುದು ಬೇಡವೆಂದಾದಲ್ಲಿ ಈ ಫೀಚರ್ ಅನುಕೂಲ. ಕೆಲವೊಮ್ಮೆ ಇನ್‌ಸ್ಟಾಗ್ರಾಂನಲ್ಲಿ ಯಾರಿಗಾದರೂ ಅಪರಿಚಿತರೊಂದಿಗೆ ಮೆಸೇಜ್ ಮಾಡಿದರೆ, ಅದನ್ನು ಬೇಡವೆನ್ನಿಸಿದಲ್ಲಿ ಈ ಫೀಚರ್ ಬಳಸಬಹುದು.

Lenovo K12 Pro: ಎರಡು ಆಕರ್ಷಕ ಸ್ಮಾರ್ಟ್‌ಫೋನ್ ಬಿಡುಗಡೆ ಮಾಡಿದ ಲೆನೋವೊ

ಬಳಕೆ ಮಾಡುವುದು ಹೇಗೆ?
ಇನ್‌ಸ್ಟಾಗ್ರಾಂ ಅಪ್ಲಿಕೇಶನ್ ಅನ್ನು ಮೊದಲಿಗೆ ಅಪ್‌ಡೇಟ್ ಮಾಡಿಕೊಳ್ಳಬೇಕು. ನಂತರ, ಯಾವುದಾದರೂ ಇನ್‌ಸ್ಟಾಗ್ರಾಂ ಚಾಟ್ ತೆರೆಯಿರಿ, ಅದರಲ್ಲಿ ಸ್ವೈಪ್ ಅಪ್ ಮಾಡಿದರೆ ಟರ್ನ್ ಆನ್ ವ್ಯಾನಿಶ್ ಮೋಡ್ ಲಭ್ಯವಾಗುತ್ತದೆ. ಬೇಡವೆಂದಾದಲ್ಲಿ, ಸ್ವೈಪ್ ಡೌನ್ ಮಾಡಿದರೆ, ವ್ಯಾನಿಶ್ ಮೋಡ್ ಆಫ್ ಆಗುತ್ತದೆ.

TikTok: ಫೇಸ್‌ಬುಕ್ ಅನ್ನು ಹಿಂದಿಕ್ಕಿ ಅತಿಹೆಚ್ಚು ಡೌನ್‌ಲೋಡ್ ದಾಖಲೆ ಪಡೆದ ಟಿಕ್‌ಟಾಕ್