Instagram: ತೂಕ ಇಳಿಕೆಯ ಜಾಹೀರಾತಿಗೆ ಬ್ರೇಕ್!

ಫೇಸ್‌ಬುಕ್ ಒಡೆತನದ ಜನಪ್ರಿಯ ಇನ್‌ಸ್ಟಾಗ್ರಾಂ ಆ್ಯಪ್‌ನಲ್ಲಿ ಇನ್ನು ಮುಂದೆ ತೂಕ ಇಳಿಕೆ, ಸೌಂದರ್ಯ ವರ್ಧಕ ಚಿಕಿತ್ಸೆ, ಕಾಸ್ಮೆಟಿಕ್ ಸರ್ಜರಿ ಮುಂತಾದ ಜಾಹೀರಾತು ಹಾಗೂ ಸೆಲೆಬ್ರಿಟಿ ಪ್ರೊಮೋಶನ್‌ಗಳನ್ನು 18 ವರ್ಷಕ್ಕಿಂತ ಕೆಳಗಿನವರು ವೀಕ್ಷಿಸುವುದಕ್ಕೆ ಇನ್‌ಸ್ಟಾಗ್ರಾಂ ನಿರ್ಬಂಧ ಹೇರಲಿದೆ.

ತೂಕ ಮತ್ತು ಕೊಬ್ಬು ಕರಗಿಸುವ ಉತ್ಪನ್ನ, ಸೌಂದರ್ಯವರ್ಧಕ ಚಿಕಿತ್ಸೆ ಕುರಿತು ತಪ್ಪು ಮಾಹಿತಿ ನೀಡುವ ಹಾಗೂ ಯುವಜನರಲ್ಲಿ ತಪ್ಪು ಅಭಿಪ್ರಾಯ ಮೂಡಿಸುವ ಜಾಹೀರಾತುಗಳನ್ನು 18 ವರ್ಷಕ್ಕಿಂತ ಕೆಳಗಿನವರು ವೀಕ್ಷಿಸಲು ಸಾಧ್ಯವಾಗುವುದಿಲ್ಲ.

ಫೇಸ್‌ಬುಕ್‌ನ ಪಬ್ಲಿಕ್ ಪಾಲಿಸಿ ಮ್ಯಾನೇಜರ್ ಎಮ್ಮಾ ಕಾಲಿನ್ಸ್ ಈ ಕುರಿತು ಹೇಳಿಕೆ ನೀಡಿದ್ದು, ಇನ್‌ಸ್ಟಾಗ್ರಾಂ ಮೂಲಕ ಧನಾತ್ಮಕ ಚಿಂತನೆಯನ್ನು ಹರಡಲು ನಾವು ಶ್ರಮಿಸುತ್ತೇವೆ. ಅಲ್ಲಿ ಹಾದಿತಪ್ಪಿಸುವ, ಸುಳ್ಳು ಮಾಹಿತಿ ನೀಡುವ ಅಂಶಗಳಿಗೆ ಅವಕಾಶ ನೀಡುವುದಿಲ್ಲ ಎಂದು ಅವರು ತಿಳಿಸಿದ್ದಾರೆ.

Huawei Phone: ಗೂಗಲ್ ಆ್ಯಪ್‌ ಇಲ್ಲದೆಯೇ ಫೋನ್

ದಿಢೀರ್ ಆಗಿ ತೂಕ ಇಳಿಸಿಕೊಳ್ಳುವ ಉತ್ಪನ್ನಗಳ ಬಳಕೆಯಿಂದ ಆರೋಗ್ಯದ ಮೇಲೆ ದುಷ್ಪರಿಣಾಮವಾಗುತ್ತದೆ. ಹೀಗಾಗಿ ಸಣ್ಣ ವಯಸ್ಸಿನವರು ಅಂತಹ ಜಾಹೀರಾತಿನಿಂದ ದೂರ ಇರುವುದು ಉತ್ತಮ. ಅಲ್ಲದೆ ಸಾಮಾಜಿಕ ತಾಣಗಳ ಪ್ರಭಾವದಿಂದ ನೈಸರ್ಗಿಕವಲ್ಲದ ತೂಕ ಇಳಿಕೆ, ಸೌಂದರ್ಯ ಚಿಕಿತ್ಸೆಯನ್ನು ಪಡೆಯುವುದು ಅವರ ಮೇಲೆ ಕೆಟ್ಟ ಪರಿಣಾಮ ಬೀರುತ್ತದೆ. ಹೀಗಾಗಿ ಅದಕ್ಕೆ ಅವಕಾಶ ನೀಡಬಾರದು ಎನ್ನುವುದು ಇನ್‌ಸ್ಟಾಗ್ರಾಂ ಆಶಯವಾಗಿದೆ.

Blog Writing: ನಿಮ್ಮ ಬ್ಲಾಗ್‌ಗೆ ಹಿಟ್ಸ್‌ ಹೆಚ್ಚಿಸಿಕೊಳ್ಳುವುದು ಹೇಗೆ?